Nakalatag na ang contingency plan ng Department of Foreign Affairs o DFA para sa mga Pilipinong nasa Guam at South Korea kung sakaling kailanganing ilikas ang mga ito.
Ayon sa DFA, kabilang sa mga planong nakalatag ay ang paglilikas sa mga Pinoy na nasa Guam at South Korea sa pamamagitan ng chartered plane pabalik sa bansa.
Kasabay nito, umapela ang DFA sa Amerika at North Korea na manatiling mahinahon upang hindi na lumala pa ang sitwasyon.
Tinatayang nasa 65,000 Pinoy ang nasa South Korea samantalang mahigit 42,000 naman ang nakabase sa Guam.
Matatandaang noong nakaraang linggo, lalo pang tumaas ang tensyon nang sabihin ng North Korea na handa silang magbagsak ng mga ballistic nuclear missile sa Guam.
By Meann Tanbio