Magtatayo ang ilang kinauukulang ahensya ng pamahalaan ng Condotel sa National Capital Region para sa mga seafarers.
Ito’y sa pamamagitan ng kasunduan sa pagitan ng Transportation Department, marino partylist at associated marine officers’ and seamen’s union of the philippines kasabay ng ika-47 taong anibersaryo ng marina.
Sa isang pahayag, sinabi ni Transportation Secretary Arthur Tugade na ang naturang proyekto ay magandang balita sa mga marino para doon sila pansamantalang mamalagi.
Dagdag pa ng kalihim na karamihan kasi sa mga marino ay mga galing sa iba’t-ibang bahagi ng bansa at walang matuluyan pagdating ng mga ito sa kamaynilaan.
Mababatid na sa naturang proyekto, binibigyang pagkilala ang mahalagang papel ng mga marino o seaman sa ekonomiya ng bansa dahil sa mga foreign remittances nito.