Target ng Department of Transportation o DOTr na mabuksan na sa Abril ng susunod na taon ang South West Integrated Transport Exchange o SWITEX.
Ang SWITEX ang magiging common terminal ng mga pampasaherong bus, UV express at jeep na magmumula at patungo sa mga lalawigan sa Timog.
Mistulang airport ang pasilidad na nasa apat na ektaryang reclaimed land sa Barangay Tambo, Paranaque City.
Mayroon itong passenger terminal buildings, loading at unloading bays, staging bays, ticketing at baggage handling facilities at park ride facilities.
Magkakaroon din ito ng air – conditioned lounges at waiting areas para sa mga pasahero, retail stores at food centers.
Tinatayang 100,000 pasahero araw – araw ang makikinabang sa common terminal na inaasahang makakapagpagaan sa masikip na daloy ng trapiko sa Metro Manila.
