Maging si Commission on Elections (Comelec) Commissioner Rowena Guanzon ay hindi rin nakaligtas sa pambibiktima ng mga pekeng food orders sa kaniyang huling araw sa opisina ng Comelec.
Base sa impormasyon, umabot sa 6 na food delivery riders ang dumating sa Main Office ng Comelec sa Palacio Del Gobernador sa Intramuros, Maynila.
Nilinaw ni Guanzon na wala siyang inoorder sa ilalim ng kaniyang pangalan dahilan para madismaya ang mga riders dahil aabot sa halos P5.4K ang halaga ng pagkaing inorder ng salarin gamit ang pangalan ni Guanzon.
Matatandaang naging matunog ang pangalan ni Guanzon matapos niyang paratangan si Commissioner Aimee Ferolino na sinadya nitong iantala ang pagpapalabas ng desisyon sa Disqualification Case laban kay presidential aspirant Ferdinand “Bongbong” Marcos, Jr. —sa panulat ni Angelica Doctolero