Anim na araw na lamang bago ang eleksyon, down pa rin ang website ng Commission on Elections (COMELEC).
Ayon kay COMELEC Spokesman James Jimenez, kasalukuyan pang nire-restore ng IT Department ng poll body ang kanilang website.
Dahil dito, hinihikayat ni Jimenez ang mga botante na tumawag sa COMELEC hotline 525-92-96 o mag-text sa 0918-566-8301 kung may katanungan patungkol sa kanilang voting precincts.
Maaari rin aniyang mag-iwan ng mensahe sa kanilang Twitter at Facebook accounts.
Matatandaang noong Marso pa na-hack ang website ng COMELEC ng grupong Anonymous Philippines.
By Meann Tanbio
