Nakauwi na ang mahigit 100 miyembro ng Philippine Coast Guard o PCG na limang buwang tumulong sa pagbabantay sa Marawi City.
Ayon kay Lt. Edwin Tolentino, lider ng Coast Guard Samarawi, hindi biro ang kanilang naging partisipasyon sa Marawi siege dahil sila ang nagbabantay sa Lake Lanao kung saan ipinapasok ng mga terorista ang suplay ng bala, baril, pagkain at iba pang kagamitan.
Ginawaran naman ang mga nasabing umuwing miyembro ng PCG ng isang ranggong promosyon.
Samantala, dalawang linggo lamang magpapahinga ang mga tauhan ng PCG at ipapadala muli ang mga ito sa Marawi para sa itatayong permanenteng istasyon ng tanod baybayin ng Pilipinas.
—-