Nakatakda ng lumagda ang Pilipinas ng mga kasunduan sa Chinese Government para sa ilang priority infrastructure project ng Administrasyong Duterte.
Ayon kay Finance Undersecretary Edita Tan, kabilang sa mga lalagdaan ang loan agreement para sa 2.7 Billion Peso Chico River Pump Irrigation Project sa Cordillera Region;
18.7 Billion Peso proposed New Centennial Water Source Project sa Kaliwa-Kanan-Agos River Basin sa Quezon Province at 151 Billion Peso 581-kilometer PNR Long-Haul Project mula Calamba, Laguna hanggang Bicol.
Itinakda anya ang loan agreement para sa Chico River Projects sa ikatlong quarter ng taon habang ang Kaliwa Dam at PNR Long-Haul Project ay itinakda sa ikalawang quarter ng taon.
Ang mga nasabing proyekto ay sasailalim muna sa bidding, kailangan din nito ng approval ng Bangko Sentral ng Pilipinas Monetary Board na requirement para sa anumang foreign loans ng public at private sectors at special authority mula sa Pangulo.