Nanawagan ang Catholic Bishop’s Conference of the Philippines CBCP na dapat pag-aralan muna ng mabuti ng pamahalaan ang pagbabalik ng face to face classes sa bansa.
Ito ang naging panawagan ng CBCP kasunod ng pilot testing ng mga limited face to face classes sa 28 pampublikong paaralan at mahigit 100 pribadong paaralan sa buong Pilipinas.
Sinabi ng ilang obispo na nangangamba sila dahil sa banta ng bagong Omicron variant.
Samantala, inihayag ng DepEd na ngayong Disyembre ay magsusumite ang mga paaralan kung saan idinadaos ang mga klase na siyang isusumite sa Office of the President. —sa ulat ni Aya Yupangco (Patrol 5)