SPORTS

Nasa huling bugso na ng kanilang training ang mga atletang Pinoy bilang paghahanda sa pagsabak ng mga ito sa nalalapit na South East Asian Games na gaganapin sa Singapore sa Hunyo.

Ayon kay Olympic Committee Chief of Mission Julian Camacho, puspusan ang ginagawang pagsasanay ng ating mga atleta para makakuha ng maraming gintong medalya.

Sinabi ni Camacho na target ngayon ng Pilipinas na mahigitan ang kanilang record noong 2007 kung saan pumang-anim ang Pilipinas sa SEA Games, ang pinakamataas na nakuhang overall ranking ng Pilipinas sa SEA Games.

Dahil dito dapat malagpasan ng mga Pinoy athletes ang 41 gintong medalya na nakuha ng Pilipinas noong 2007 SEA Games.

By  Ralph Obina 

Tuluyan nang tinapos ng Golden State Warriors ang serye sa Western Conference Finals ng National Basketball Association o NBA.

Ito’y matapos sungkitin ang score na 104-90 sa game 5 ng kanilang best-of-seven series kontra sa Houston Rockets.

Si Stephen Curry ang bumuhat sa Golden State para maisukbit nito ang kampeonato sa Western Conference habang si Dwight Howard naman ang nanguna sa Houston.

Makakaharap ng Warriors ang Cleveland Cavaliers sa NBA Finals na magsisimula sa Hunyo 4 sa bakuran ng Golden State.

By Jelbert Perdez

Nanawagan na rin maging ang business adviser ni Manny Pacquiao na mag retiro na ito.

Ayon kay Michael Koncz, panahon na para talikuran na ni Pacman ang boksing matapos ang shoulder injury sa laban kay Floyd Mayweather, Jr.

Inamin ni Koncz na hindi pa nila napag-uusapan ni Pacman ang posibleng pagreretiro ng Pambansang Kamao.

Nakatuon aniya ang kanilang atensyon sa pagpapagaling ni Pacman lalo na’t wala naman silang pinaghahandaang laban hanggang sa pagtatapos ng taon.

By Judith Larino

Tuluyan nang nakausad sa National Basketball Association (NBA) Finals ang Cleveland Cavaliers.

Ito’y matapos sikwatin ang ika-apat na sunod na panalo laban sa Atlanta Hawks sa Eastern Conference Finals sa score na 118-88.

Kumamada si Lebron James ng 23 points para sa Cleveland habang nagdagdag naman si JR Smith ng 18 points.

Pinangunahan naman ni Jeff Teague ang Atlanta sa pamamagitan ng kanyang 17 points.

Makakaharap ng Cavaliers sa NBA Finals ang mananalo sa pagitan ng Houston Rockets at Golden State Warriors sa Western Conference Finals.

By  Jelbert Perdez  

Wagi ang KIA Carnival sa ikalawang overtime sa laban nila ng Blackwater Elite sa PBA Governor’s Cup.

Naitala sa 83-76 pabor sa KIA ang final score sa ikalawang overtime.

Pinangunahan ng Taiwanese na si Jet Chang ang panalo ng KIA matapos gumawa ng 25 points habang nag-ambag naman ng 16 points at 23 rebounds ang import ng team na si Hamady n’ Diaye.

Ito na ang kauna unahang back to back wins ng KIA sa liga para makuha ang ikalawang puwesto sa PBA standing.

By Judith Larino 

Nabigo ang Golden State Warriors na ma-sweep ang Houston Rockets sa West Conference Finals ng National Basketball Association o NBA.

Ito’y matapos sungkitin ng Rockets ang score na 128-115 laban sa Warriors sa Game 4 ng kanilang best-of-seven series.

Dahil dito, magkakaroon pa ng Game 5 at kung papalarin ang Houston sa mga susunod pang laro ay aabot ng Game 7 ang serye.

Sa ikalawang quarter, bumagsak si NBA MVP Stephen Curry matapos harangin si Trevor Ariza ng Rockets habang sumasalaksak patungo sa basket.

Bagama’t nakabalik naman sa laro si Curry makaraan ang ilang minuto ay tila huli na dahil hindi na nahabol pa ng Warriors ang kalamangan ng Rockets.

By  Jelbert Perdez

Nakatakda nang magbukas sa Biyernes, May 29 ang ika-28 South East Asian Games sa Singapore.

Tampok sa SEA Games ang 36 na sports events na sasalihan ng mahigit 7,000 atleta mula sa sa 11 bansa sa South East Asia.

Gugulong na ang event competition mula June 5 hanggang 16 at magsisilbing venue ng mga laro ang Singapore Sports Hub.

By  Judith Larino

Muling sumadsad ang Atlanta Hawks sa kamay ng Cleveland Cavaliers sa score na 114-111.

Dahil dito, hawak na ng Cavaliers ang 3-0 lead sa Eastern Conference Finals laban sa Hawks kung saan isang panalo na lamang ay makakapasok na ito sa NBA Finals.

Pinangunahan ni Lebron James ang puwersa ng Cavaliers sa pamamagitan ng kanyang 37 points.

Sakaling magwagi sa Game 4, makakaharap ng Cleveland sa NBA Finals ang mananalo sa serye ng Golden State Warriors at Houston Rockets sa Western Conference Finals.

By  Jelbert Perdez  

Hindi umubra sa San Miguel Beermen ang kinang ng Purefoods Star Hotshots sa kanilang sagupaan sa PBA Governor’s Cup.

Wagi ang Beermen sa ikatlong sunod na pagkakataon matapos padapain ang Hotshots tungo sa final score na 100-89.

Pinangunahan ng import na si Arizona Reid ang team sa ginawang 20 points habang nag ambag ng 21 points at 20 rebounds si PBA MVP Junemar Fajardo.

3-2 na ang record ng beermen at 1-3 naman ang Hotshots.

By Judith Larino  

Magreretiro na umano si Los Angeles Lakers Star Kobe Bryant pagkatapos ng susunod na season.

Ayon kay Lakers General Manager Mitch kupchak, ito’y dahil sinasabing hanggang 2016 na lamang ang kontrata ni Bryant sa Los Angeles.

Dalawampung (20) taon na sa NBA ang 36-anyos na si Bryant at hindi buong karera niya sa liga ay kanyang ibinuhos sa Lakers.

Sa piling ng Los Angeles ay nakasungkit ito ng limang NBA titles, naging 17-time all-star, two-time NBA scoring champion at 2-time Olympic champion.

By  Jelbert Perdez