May bago nang head coach ang Chicago Bulls.
Ito ay sa katauhan ni Fred Hoilberg na siyang coach ng IOWA state sa NCAA Tournament.
Naglaro si Hoiberg ng sampung season sa NBA kasama ang apat na season sa Bulls.
Naoperahan sa puso si Hoiberg na naging dahilan ng maagang pagtatapos ng kanyang career.
Proud naman si Bulls General Manager Gar Forman na makasama si Hoiberg bilang head coach nila.
By Ralph Obina
Handa na umano ang Philippine National Men’s Basketball Team na Gilas Pilipinas sa kanilang pagsabak sa 28th Southeast Asian Games, ngayong taon.
Subalit iginiit ni Coach Tab Baldwin na hindi dapat makuntento ang mga atleta sa kanilang nagawa sa mga nakaraang SEA Games.
Matatandaan na mula nang simulan ang basketball tournament sa SEA Games noong 1991 ay nakakasungkit na ang Pilipinas ng gintong medalya.
Naniniwala naman si Baldwin na may kakayahan ang Gilas na iduplika ang kanilang performance sa mga nakaraang torneo lalo pa’t makakasama muli ng koponan si naturalized player Marcus Douthit.
By Jelbert Perdez
Buena manong nasungkit ng host country na Singapore ang unang dalawang gintong medalya sa unang round ng mga laro sa 28th South East Asian Games.
Wagi ang Singapore sa men’s at women’s doubles sa table tennis.
Tinalo ng mga Singaporean athletes na sina Gao Ning at Li Hu Sina Padasak Tanvirijaya Vechakul at Chanakam Udomslip ng Thailand na otomatikong naka-silver sa men’s double’s.
Wagi rin sina Zhou Yihan at Lin Ye kontra sa kanilang kapwa Singaporean na sina Gao Ning at Li Hu.
By Drew Nacino
Abanse na sa semi-final round ng French Open si American tennis star Serena Williams.
Ito ay matapos talunin ni Williams ang kapwa American tennis player na si Sloane Stephens sa iskor na 1-6, 7-5 at 6-3.
Dahil dito, nakahandang harapin ni Williams ang 17th seed na si Sara Errani ng Italy para sa semi-finals.
By Ralph Obina
Kumpiyansa ang delegasyon ng Pilipinas sa Singapore SEA Games na mahihigitan nila ang performance nila 2013.
Ayon kay Philippine Sports Commission Chairman Richie Garcia, target nila ngayong SEA Games ang ikatlo o ika-apat na puwesto sa medal standings.
Inamin ni Garcia na mahgirap ang gagawing laban pero nangako aniya ang mga atleta na kanilang ibubuhos ang lahat para makapag-uwi ng gintong medalya.
Ilan sa mga event na inaasahang makapag-uuwi ng gintong medalya ang Pilipinas ay mula sa volleyball, basketball, wushu, billiards, athletics, baseball at softball.
Ang 28th SEA Games ay pormal na magbubukas sa Hunyo 5 at magtatapos sa Hunyo 16 sa Singapore.
By Ralph Obina
Napiling maging flag bearer ng Pilipinas sa 2015 SEA Games sa Singapore si Ateneo Lady Blue Eagles Superstar Alyssa Valdez.
Ayon sa PSC o Philippine Sports Commission, nakita kay Valdez ang pagiging ehemplo sa mga atletang Pilipino dahil sa matinding impact nito sa Women’s Volleyball sa nakalipas na apat na taon.
Ang SEA Games ay nakatakdang magsimula sa June 5.
By Judith Larino
Humirit ng rematch ang kampo ni Pinoy boxer Milan Melindo matapos matalo sa pamamagitan ng kuwestiyunableng 6th round technical decision kay IBF light flyweight champion Javier Mendoza sa Mexico, kahapon.
Ayon kay ALA Promotions President Michael Aldeguer, dapat si Melindo ang nanalo dahil hindi naman umano na-headbutt si Mendoza kundi isang “legitimate punch” ang dumapo sa kaliwang kilay ng Mehikano.
Inawat ni referee Gerard White ang laban dahil sa pagdurugo ng kilay ni Mendoza bunsod ng umano’y bungguan ng ulo ng dalawang boksingero.
Pero, giit ni trainer Edito “Ala” Villamor, maging ang mga ringside Mexican commentators kabilang si legendary Julio Cesar Chavez ay nagsabing hindi headbutt ang nagdulot ng pinsala kay Mendoza kundi ito’y suntok.
Dahil dito, iginiit ng kampo ni Melindo na dapat magkaroon ng rematch na gaganapin sa Pilipinas.
By Jelbert Perdez
Handa na si Marvin “Marvelous ” Sonsona sa laban nito kay American Mexican Boxer Jonathan Arellano sa Stubhub Center, Carson, California, USA sa June 7.
Tiniyak ito ng ama ni Sonsona na si Ben na nagsabi ring ang nasabing laban ay tune up fight para sa Gensan boxer at isang malaking laban ang naghihintay dito kapag nanalo sa nasabing laban.
Hiniling ng matandang Sonsona ang dasal para magwagi ang anak.
Ang matandang Sonsona ang unang trainer ni Marvin bago naging professional boxer.
By Judith Larino
Pinaghahandaan na ng Cleveland Cavaliers ang pakikipagtuos nila sa Golden State Warriors sa National Basketball Association (NBA) Finals na magsisimula sa Huwebes ng gabi o Biyernes ng umaga sa Pilipinas.
Bagama’t aminado si Lebron James na mahirap pigilan ang maliksing si Stephen Curry ng Warriors ay pinag-aaralan na umano nila ito.
Ngunit, ang una nilang gagawin ay kung paano maisasama sa laro si all-star guard Kyrie Irving nang buo at walang iniinda sa katawan.
Una nang nagkaroon ng injury sa tuhod at paa si Irving sa dalawang laban ng Cavaliers sa Eastern Conference Playoffs.
Paliwanag ni James, kahit 50 percent lamang ang maibibigay ni Irving sa finals ay malaking bagay na ito sa panig ng Cavaliers.
By Jelbert Perdez
Hindi umubra ang German tennis player na si Anna-Lena Friedsam kay US tennis star Serena Williams sa second round ng French Open
Sa score na 5-7, 6-3, 6-3 ay tuluyang umabanse na si Williams sa susunod na round.
Naghahanda na rin ang numero unong tennis player sa mundo sa pakikipagharap niya sa dating number 1 player Victoria Azarenka.
Target ni Williams ang pagkamit sa kanyang pang-20th career grand slam.
By DWIZ