Babawi ang Golden State Warriors sa Game 3 ng NBA Finals.
Tiniyak ito ni Warriors Coach Steve Kerr matapos matalo sa Cleveland Cavaliers sa Game 2.
Ayon kay Kerr, partikular na babawi ang MVP nilang si Stephen Curry na tutulungan ng buong team para makuha ang groove sa laro bukas.
Sinabi ni Curry na paghahandaan ng Warriors ang homecourt advantage ng Cavaliers sa Quicken Loans Arena sa Cleveland, Ohio.
By Judith Larino
Nadagdagan pa ng isang gintong medalya ang Team Philippines kahapon sa 28th Southeast Asian (SEA) Games mula kay Elvie Baldivino na nanalo ng gold sa Women’s Precision Event ng shooting competition na ginaganap sa National Shooting Center.
Tinalo ng 34-gulang na Seawoman First Class at Navy Special Operations Expert na si Baldivino si Norizan Mustafa ng Singapore, 230-228 dagdag sa kanyang silver medal mula sa Women’s Precision Team kasama sina Franchette Shane Quiroz at Carmelita Guillermo.
Samantala, binigyang naman ng pag-asa ng mga boxers ang Philippine Team nang anim na boxers ang pumasok sa finals sa pangunguna ni Josie Gabuco at Mario Fernandez na inaasahang pagmumulan ng maraming gold bukod sa medal-rich na athletics competition na magsisimula na rin.
By Mariboy Ysibido
Pinangunahan ni Lebron Games ang unang panalo ng Cleveland Cavaliers sa Game 2 ng NBA Finals kontra Golden State Warriors.
Sa pamamagitan ng 39 na puntos ni Lebron, nagawang talunin ng Cavs ang Warriors sa iskor na 95-93 via overtime.
Malungkot naman ang Warriors nang sumablay ang 3-point shot ni Stephen Curry sa nalalabing apat na segundo ng laro na posibleng naging susi pa sana ng panalo ng Golden State.
Ayon kay Lebron, malaking kawalan ang hindi paglalaro ni Kyrie Irving na nagtamo ng injury.
Gayunman, binigyang diin ni Lebron ang Cavs na masungkit ang kampeonato.
Kasalukuyang hawak ng Cavs at Warriors ang tig-isang panalo.
By Ralph Obina
Nakabuo na ng 6 na gintong medalya ang Pilipinas sa 28th Southeast Asian o SEA Games sa Singapore.
Nakuha ni Claire Adorna mula sa Women’s Triathlon ang kauna-unahang gold medal ng bansa sa SEA Games na sinundan naman ni Nikko Bryan Huelgas matapos manalo sa Triathlon Men’s Individual.
Pumangatlo naman ang Pinoy Wushu artist na si Daniel Parantac para sa Men’s Optional Taijiquan habang nasungkit naman ng Philippine Volcanoes ang pang-apat na gintong medalya mula sa Men’s Rugby 7S nang talunin ang Malaysia.
Ang pang-limang medalya ng Pilipinas ay nagmula sa Men’s Billiards kung saan tinalo ng Pinoy na sina Carlo Biado at Warren Kiamco ang pambato ng Vietnam na sina Do Hoang Quan at Nguyen Anh Tuan.
Nangunguna si Biado sa World rankings ng World Pool-Billiard Association habang si Kiamco ay nasa ika-13 puwesto.
Naitala naman ang ika-anim na gold medal sa bansa matapos magwagi sa Women’s 57-63 KG Judo ang Fil-Jap na si Judola Kiyomi Watanabe kay Orapin Senatham ng Thailand.
Nasa ika-pitong puwesto ang Pilipinas na may kasalukuyang 6 na gold, 8 silver at 15 bronze para sa kabuuang 29 medalya sa SEA Games.
By Mariboy Ysibido
Nasungkit na ng Pilipinas ang kauna-unahang gold medal sa 2015 South East Asian (SEA) Games.
Napasakamay ni Claire Adorna ang unang gold medal sa Women’s Triathlon Event kung saan pumangalawa ang Pinay ding si Kim Mangrobang.
Naitala ngayon ng dalawang atleta ang 1-2 finish para sa Team Philippines.
Tinapos ni Arodna ang race sa loob ng 2 oras, 13 minuto at 8 segundo habang si Mangrobang ay nahuli lamang ng 1.18 seconds.
Sa ngayon, ang Pilipinas ay mayroon nang isang gold medal, apat na silver at isang bronze medal.
By Judith Larino
Umatras na ang Brunei bilang host ng 2019 Southeast Asian (SEA) Games bunsod ng kakulangan ng venue at preparasyon.
Ayon sa Olympic Council of Asia, humingi na rin ng paumanhin ang Brunei sa SEA Games Federation Council matapos ang kanilang pag-atras.
Dahil dito, interesado na ang Pilipinas na i-take over ang 2019 hosting ng SEA Games.
Magsisilbing host naman ang Malaysia sa susunod na games sa 2017, Vietnam sa 2021 habang kinumpirma ng Cambodia na sila ang mag-oorganize sa 2023.
By Drew Nacino
Handang-handa na umano si WBO Junior Flyweight Champion Donnie “Ahas” Nietes sa gagawin niyang pagdepensa ng kanyang korona laban kay dating Unified Strawweight Champion Francisco Rodriguez Jr.
Nabatid sa Zanfer Promotions na magaganap ang title defense ni Nietes sa lalawigan ng Cebu sa Hulyo 4 ngayong taon.
Ayon kay Nietes, mahusay na kalaban si Rodriguez kaya’t pinaghahandaan niya ito nang husto.
Si Nietes ay sariwa pa sa kanyang 9th-round knockout win laban kay Mexican Gilberto Parra noong Marso 28 habang huling biniktima naman ni Rodriguez si Jomar Fajardo sa pamamagitan ng desisyon noong Enero.
By Jelbert Perdez
Nadagdagan pa ang medalya ng Pilipinas sa ginaganap na Southeast Asian Games sa Singapore.
Kabilang dito ang dalawang silver medals ng mga atleta mula sa fencing at table tennis.
Habang isa namang bronze ang nakuha ni Nathan Perez para sa Men’s Individual Foil.
Sa kabuuan, may tatlo nang silver at isang bronze ang Pilipinas sa SEA Games.
By Rianne Briones
Nasasabik na ang NBA fans sa unang banggaan ng Golden State Warriors at Cleveland Cavaliers sa NBA Finals bukas.
Itoy kung saan inaasahan ang salpukan nina Warriors MVP Stephen Curry at 4-time MVP na si Lebron James na sasandalan ng kani-kanilang mga koponan.
Gaganapin ang game one sa best of seven series sa homecourt ng Warriors.
Ngayon pa lamang, liyamado na ang Warriors kontra Cavs kung saan maraming analyst ang pumapabor na manalo sa kampeonato ang Golden State.
By Ralph Obina
Nasungkit na ng pilipinas ang kauna-unahang medalya nito sa 2015 SEA Games.
Silver medal ang nahablot ng bansa sa fencing na si Justine Gail Tinio na pinataob si Thi Hoai Nguen ng Vietnam sa semi final round ng Women’s Individual Foil Event.
Yumuko naman si Tinio kay Wenying Wang ng Singapore na nakapag-uwi ng ginto.
Tuluy-tuloy naman ang laban ng mga Pilipinong atleta sa SEA Games sa Singapore kung saan nagpadala ang Pilipinas ng mahigit 400 atleta na lalaban sa mahigit 30 sports category.
Sa pinakahuling tala o hanggang kahapon, June 3, nangunguna ang host country na Singapore sa medal standing na may limang gold at tig-tatlong silver at bronze medals, sumunod ang Vietnam na may dalawang gold at tatlong bronze at ikatlo ang Thailand.
By Judith Larino