SPORTS

Inanunsyo na ang 12 manlalaro ng Pilipinas Incorporated na sasabak sa South East Asian (SEA) Games Women’s Volleyball Tournament.

Kabilang sa line-up sina Alyssa Valdez, Jaja Santiago, Gretchel Soltones, Jia Morado at Bea de Leon kasama ang mga volleyball veternas na sina Rachel Anne Daquis, Dindin Santiago-Manabat, Aby Maraño, Jovelyn Gonzaga, Rhea Dimaculangan, Maika Ortiz at Denden Lazaro.

Ito ang muling pagsabak ng Philippine team sa Sea Games makaraang makasungkit ng bronze medal noong 2005 kung saan Pilipinas ang host country.

By Ralph Obina  

Muli na namang nanaig ang Golden State Warriors kontra Houston Rockets sa Game 2 ng NBA Western Conference Finals.

Nagwagi ang Warriors sa pamamagitan lamang ng isang kalamangan sa iskor na 99-98.

Sa nalalabing segundo ng laro, sinikap pa ni James Harden na makapuntos para mai-angat ang Rockets ngunit napigilan ito ng matinding depensa at naagawan pa ng bola ng Warriors.

Nanguna sa panalo ng Golden State ang MVP na si Stephen Curry na kumana ng 33 puntos.

By  Ralph Obina

Posibleng makalaro si Demarre Carroll ng Atlanta Hawks sa Game 2 ng Eastern Conference Semifinals laban sa Cleveland Cavaliers.

Ito’y matapos aminin ng agent ni Carroll na si Mark Bartelstein na hindi ito nagkaroon ng structural damage sa kaliwang tuhod na naging sanhi upang hindi makasama sa kabuuan ng laro sa Game 1.

Sinasabing maglalabas ng pahayag si Hawks Coach Mike Budenholzer hinggil sa kalagayan ni Carroll ngayong araw.

Umaasa naman ang Atlanta na makakabawi ito sa Cleveland matapos matalo sa Game 1 sa score na 97-89.

By  Jelbert Perdez

Dumating na sa bansa ang ilang dati at kasalukuyang NBA players tulad nila Trey Bruke ng Utah Jazz, Jordan Clarkson ng Los Angeles Lakers at dating NBA star Horace Grant.

Naunang dumating sina Bruke at Grant sakay ng Philippine Airlines flight PR 103 mula Los Angeles na sinundan naman ni Clarkson lulan naman ng PAL flight PR 113 sa NAIA Terminal 2.

Layunin ng pagbisita ng mga NBA stars na magsagawa ng basketball clinic para sa mga kabataan ng Metro Manila gayundin ay upang bisitahin ang itinayong NBA Cafe na matatagpuan sa SM Aura sa lungsod ng Taguig.

Bukod sa mga NBA players, kasama rin ang Oklahoma City Thunder Girls at ang Charlotte Hornets Mascot na si Hugo para magbigay-aliw sa mga Pinoy NBA fans.

By  Jaymark Dagala | Raoul Esperas (Patrol 45)  

Nasungkit ng Cleveland Cavaliers ang unang panalo sa NBA Eastern Conference Finals kontra Atlanta Hawks.

Ipinahiya ng Cavs ang Hawks sa mismong teritoryo ng kalaban sa iskor na 97-89.

Nanguna sa panalo ng Cavs si JR Smith na nakasikwat ng 28 puntos.

Samantala, pansamantalang nahinto ang laro sa huling apat na minuto ng fourth quarter matapos magtamo ng injury sa kaliwang binti si Demarrie Caroll ng Hawks na siyang mahigpit na guwardya ni 2-time MVP Lebron James ng Cavs.

By  Ralph Obina

Nakatakdang dumating sa bansa ang Filipino-American Guard ng Los Angeles Lakers na si Jordan Clarkson bukas, Mayo 22.

Mananatili sa bansa si Clarkson hanggang sa araw ng Linggo, May 24 para magsagawa ng basketball clinic at magho-host din sila ng NBA Playoffs Finals.

Bukod kay Clarkson, kasama ring bibisita dito sa Pilipinas sina Utah Jazz Guard Trey Burke at NBA Legend Horace Grant.

By  Meann Tanbio

Wagi ang Golden State Warriors kontra Houston Rockets sa unang salpukan ng dalawang koponan sa Western Conference Finals ng NBA.

Naging susi sa tagumpay ng Warriors ang dalawang puntos na naibuslo ni Stephen Curry sa nalalabing 11.8 seconds ng fourth quarter.

Dahilan upang umakyat sa apat ang kalamangan ng Warriors habang bigo naman nang makahabol pa ang Rockets.

Nagtapos ang Game 1 ng Western Conference Finals sa iskor na 110-106 pabor sa Warriors.

By  Ralph Obina  

Sisipa na ngayong araw ang Game 1 ng Western Conference Finals ng NBA sa pagitan ng Golden State Warriors at Houston Rockets.

Dahil dito, inaasahang mabubuhay na naman ang agawan nina Stephen Curry at James Harden para sa MVP Award.

Sa Eastern Conference naman, magsisimula na rin ang Game 1, bukas, sa pagitan ng Cleveland Cavaliers at Atlanta Hawks.

Umaasa naman ang mga fans ng Cavaliers na maipapanalo ng koponan ang serye kahit na marami sa mga atleta nito ay mayroong injury.

By Jelbert Perdez 

Inaasahang si Genady Golovkin ang papalit sa trono ni US undefeated boxer Floyd Mayweather Jr.

Ito ay dahil sa kapanapanabik na labang naipanalo ni Golovkin.

Pinatunayan ni Golovkin na kilala rin sa tawag na Triple G ang pagiging knockout artist nito nang patumbahin nito si Willie Monroe Jr. sa kanilang laban noong nakaraang linggo.

Ang pagpapabagsak ni Golovkin kay Monroe ay ang ika-20 straight knockout win niya sa kanyang 33-0 win at kabuuang 30 knockout sa kanyang career.

Bagamat hindi pa nito nararating ang rurok ng tagumpay na narating ni Mayweather ay umaasa naman ang Kazakhstan boxer na mahihigitan nito.

By  Ralph Obina

Itinanghal bilang NBA Rookie of the Year si Andrew Wiggins ng Minnesota Timberwolves.

Si Wiggins ang kauna-unahang Canadian player na nakasungkit ng Rookie of the Year award matapos mapili ng 130 American at Canadian sports writers at broadcasters.

Matatandaang si Wiggins ay first overall draft pick noong 2014.

Naglaro ito ng 82 laban sa ilalim ng Timberwolves na may average na 16. 9 points.

By  Ralph Obina

Photo Credit: NBA.com