SPORTS

Mapapasabak ang Philippine National Men’s Football Team laban sa Maldives bilang bahagi ng preparasyon ng Azkals laban sa Uzbekistan sa FIFA World Cup Qualifiers.

Gaganapin ang friendly match ng Azkals at Maldives sa Setyembre 3 sa Rizal Memorial Stadium sa Maynila.

Makakatulong umano ang laro na ito sa paghahanda ng Azkals laban sa Uzbekistan sa Septyembre 8 sa Philippine Arena, Bulacan.

Matatandaang nagtuos ang Azkals at Maldives sa isang makasaysayang bakbakan sa Asian Football Confederation Challenge Cup noong isang taon kung saan naitakas ng mga Pilipino ang 3-2 win.

By  Jelbert Perdez 

May kondisyon si English boxer Amir Khan para tanggapin ang laban kontra kay 8-Division World Champion Manny Pacquiao.

Ayon kay Khan ito ay kung magkakasundo aniya sila ng kampo ng Pambansang Kamao sa hatian ng kita.

Kumpiyansa si Khan na tatabo ang kanilang laban sa pay per view at paid attendance.

Naniniwala din si Khan na magiging exciting ang kanilang pagtutuos ni Pacquiao dahil sa swak aniya ang kanilang istilo.

Nais ni Khan na ganapin ang laban sa United Arab Emirates (UAE) dahil sa malaki ring bilang ng mga Pakistani, Briton at Pinoy doon.

Si Khan ay dating sparring partner ni Pacquiao sa ilang laban ng People’s Champ.

By  Ralph Obina    

Tapos na ang paglalaro ni Marcus Douthit para sa Gilas Pilipinas.

Kinumpirma ito ni SMB o Samahang Basketbol ng Pilipinas Executive Director Sonny Barrios matapos lumutang ang report na tinitingnan si Moala Tautuaa bilang back-up kay Andray Blatche.

Nakatakda nang matapos ang kontrata ni Douthit sa Gilas sa susunod na buwan.

Si Douthit ay nagsimulang maglaro para sa Gilas Pilipinas noong 2010 at naging naturalized Filipino noong 2011.

Nakatulong din si Douthit para manalo ang bansa ng Gold medals sa nakalipas na dalawang Southeast Asian Games at nanguna sa team na nanalo ng gold sa 2012 Jones Cup.

Si Douthit ay dalawang beses ding naging kinatawan sa FIBA Asia Championship kung saan nakuha ng bansa ang silver medal noong 2013 na naging daan para makapaglaro sa FIBA Basketball World Cup noong isang taon.

By  Judith Larino  

Nagsimula na ang kampanya ni Novak Djokovic para sa US Open matapos talunin si Thomaz Bellucci.

Dahil sa nasabing panalo, sumulong si Djokovic sa ikatlong round ng ATP Montreal Masters.

Ang Montreal Masters ang unang exposure ni Djokovic matapos mapasakamay ang Wimbledon title, mahigit isang buwan na ang nakakaraan.

Hihintayin na lamang ni Djokovic kung sino ang mananalo kina American Jack Sock at 14th Seed Grigor Dimitrov at ito ang makakalaban ng Serbian Top Seed.

By  Judith Larino 

Bibisita sa Pilipinas ngayong Setyembre si NBA Most Valuable Stephen Curry bilang bahagi ng UA Roadshow ng isang sportswear company na si Under Armour.

Ito ang magiging second stop sa five city tour sa Asya ni Curry.

Ayon kay Curry excited na siyang maibahagi sa mga Pinoy ang kanyang mga kaalaman ukol sa basketball.

Batid ni Curry na ang China at Pilipinas ay mayroong cultural connection pagdating sa larangan ng basketball.

Matatandaang pinangunahan ni Curry ang makasaysayang panalo ng Golden State Warriors nitong huling season.

Bago ito, mauuna munang bumisita sa Pilipinas si four time MVP Lebron James na nakatakdang dumating sa Agosto 20.

By  Ralph Obina  

Pasok na sa third round ng WTA Rogers Cup si tennis world number one Serena Williams.

Ito ay matapos ilampaso ang kalabang si Flavia Pennetta ng Italya sa iskor na 2-6, 6-3 at 6-0.

Si Williams na hawak ang apat na grand slam title ay tinapos ang laban kontra Pennetta sa loob lamang ng 98 minuto.

Ang susunod na laban ni Williams ay gaganapin sa Huwebes kung saan ay may laban din ito sa Montreal.

By Ralph Obina 

Inamin ng PFF o Philippine Football Federation ang kakaunting tulong na naibibigay ng gobyerno.

Sinabi ni PFF President Nonong Araneta na minimal lamang ang nakukuhang tulong ng national team mula sa Philippine Sports Commission (PSC).

Puspusan naman ang pagsasanay ng Philippine Football Team Azkals para sa laban sa powerhosue team ng uzbekiStan

Ang Azkals-Uzbekistan World Cup na bahagi ng qualifying match ay gagawin sa September 8 sa Bulacan.

By  Judith Larino  

Photo Credit: pinoyfootball.com

Tiniyak ni Top Rank CEO Bob Arum na kanilang gagawin ang lahat upang matuloy ang laban sa pagitan ni Manny Pacquiao at Amir Khan.

Sinabi ni Arum na handa silang makipag-usap sa kampo ni Khan upang maisulong ang paghaharap ng dalawa.

Bukod sa Las Vegas sa Amerika, posible din gawin ang laban ng dalawa sa Middle East dahil mayroon umanong dalawang grupo mula sa Middle East na nag-aagawan para madala doon ang laban ng Pambansang Kamao.

By Katrina Valle  

Pang-lima lamang si Muhammad Ali sa listahan ni Floyd Mayweather Jr. ng mga pinakamagagaling na boksingero sa kasaysayan.

Sa panayam ng ESPN, sinabi ni Mayweather na sa iisang weight class lamang naman lumaban si Ali kaya’t mababa ito sa kanyang listahan.

Para kay Mayweather siya ay TBE o The Best Ever sa larangan ng boksing.

Ang kanyang sarili ang kanyang inilagay sa unang puwesto ng kanyang listahan dahil siya aniya ang may pinakamaraming natalong world champions at nagawa nya ito sa maigsing panahon.

Pangalawa sa kanyang listahan si Roberto Duran, pangatlo si Pernell Whittaker at pang-apat si Julio Cesar Chavez.

By  Len Aguirre