Injured na rin si Gilas naturalized player Andray Blatche sa pinakahuling practice ng team kahapon.
Si Blatche ay kaagad tinutukan ni conditioning coach Dexter Aseron, ilang minuto lamang matapos ang practice dahil sa kabiguang maiangat ng player ang kaniyang kaliwang tuhod.
Napansin din ni Gilas Coach Tab Baldwin ang tila mabagal na paglakad ni Blatche bukod pa sa sumasakit na tiyan.
Dahil diyan, ipinull-out na ni Baldwin si Blatche para mapa-check up ang mga dinaramdam nito.
By Judith Larino
Wala pa sa radar ni Spanish tennis star Rafael Nadal ang pagreretiro.
Ito ay kahit pa bumagsak na sa ikasampu ang kanyang world ranking makaraang mahubaran ng korona sa French Open at maagang natanggal sa Wimbledon.
Ayon kay Nadal, isasabit lamang niya ang kanyang raketa kapag nawalan na siya ng gana sa isport na ito.
Sa ngayon aniya kasi ay nag-eenjoy pa siyang lumaban at naruruon pa rin ang gutom na mas maging mahusay at makasungkit ng torneo.
Si Nadal ay dating world number one at hawak ang 14 na championship title sa tennis.
By Ralph Obina
Pinunto ng veteran Sports Analyst na si Ronnie Nathanielsz ang mga dahilan kung bakit nabigo ang bansa sa pagiging host country para sa 2019 FIBA World Cup.
Ayon kay Nathanielsz, kabilang sa maaaring nakita ng konseho ay ang mabigat na traffic sa mga pangunahing kalsada sa Metro Manila, sira-sirang daan na kumokonekta sa mga ipinanukalang venue at ang hindi maayos na imprastrakturang maaaring pagdausan ng paligsahan.
Dagdag pa ni Nathanielsz kung nais ng bansang mag-host sa mga susunod na paligsahan, dapat umanong isama sa paglalaanan ng pondo ang pagpapagawa at pagasasaayos ng mga malalaking imprastraktura upang mas makaengganyo sa mga konseho ng iba’t-ibang paligsahan.
Kung nakuha aniya ng bansa ang bid sa 2019 FIBA World Cup, inaasahang malaki ang maitutulong nito sa ekonomiya at turismo ng ating bansa.
By Mariboy Ysibido
Nasungkit ni Australian swimmer Bronte Campbell ang kampeonato sa 100-meter Women’s World Freestyle na ginanap sa Russia.
Nagtapos si Campbell sa 52.52 seconds para makuha ang titulo.
Hindi naman makapaniwala si Campbell dahil sa matindi ang kanyang kalaban na si Sarah Sjostrom ng Sweden na pumangalawa lamang sa kanya.
Si Bronte ay kapatid ni Cate Campbell na kapwa nanalo rin sa 4 by 100 meter freestyle relay team noong nakaraang linggo.
Hindi na mabibigyan pa ng pagkakataon si 8-Division World Champion Manny Pacquiao na makabawi kay undefeated boxer Floyd Mayweather Junior.
Ito ay matapos i-anunsyo ni Mayweather na magreretiro na ito pagkatapos ng kanyang laban kay Andre Berto sa Setyembre.
Ayon kay Mayweather, kuntento na siya sa kanyang narating at pagkakaroon ng malinis na boxing record.
Kasabay nito pinasalamatan ni Mayweather ang amang si Floyd Mayweather Senior sa pagiging bahagi at gabay aniya sa kanyang matagumpay na boxing career.
Matatandaang tinalo ni Mayweather si Pacquiao noong Mayo kung saan sinasabing hindi naibigay ng Pambansang Kamao ang kanyang 100 porsyento dahil sa iniindang injury sa kanang balikat.
By Ralph Obina
Nais pa rin ni Marc Pingris na maglaro sa Gilas Pilipinas para sa FIBA Asia Championships sa China.
Si Pingris ay inaasahang darating sa August 12 mula sa France.
Sinabi ng 6 foot 6 power forward na hindi siya aayaw sa larong basketball lalo na’t para sa bayan.
Umaasa pa rin si Pingris na mapapabilang sa Gilas Pilipinas para makatulong na makakuha ng ticket sa Olympic games sa susunod na taon.
By Judith Larino
Umatras na si back to back PBA MVP June Mar Fajardo na maging parte ng Gilas Pilipinas ngayong taon na lalaban para sa FIBA Asia Championship na gaganapin sa China.
Humingi ng paumanhin si Fajardo sa bilang pag-back out nito dahil aniya sa iniinda niyang injury sa talampakan.
Ipinaliwanag ni Fajardo na nais niyang maglaro sa Gilas ngunit dapat aniya ay maganda rin ang kanyang kondisyon upang maibigay nito ang lahat sa laro.
Sa ngayon ay wala pang pahayag ang coach ng Gilas na si Tab Baldwin sa pag-atras na ito ni Fajardo.
By Ralph Obina
Naka-focus sa kanilang training para sa idaraos na 2015 FIBA Asia Men’s Championship ang mga miyembro ng Gilas Pilipinas.
Tiniyak ito ng Gilas members kaya’t walang puwang anila ang mga negatibong komento laban sa kanila.
Ayon kay Gilas Coach Tab Baldwin, palalakasin na lamang nila ang kanilang ensayo para maging matatag ang koponan.
Sinabi naman ni Assistant Coach Jimmy alapag na maganda ang chemistry ng mga manlalaro ng Gilas Pilipinas sa kasalukuyan kahit magkakalaban sila sa PBA.
Una nang lumutang na sinasadya umano ng mga manlalaro na idahilan ang mga dinaramdam nila para hindi mapabilang sa Gilas Pilipinas.
By Judith Larino
Kumpirmado na ang laban si undefeated boxer Floyd Mayweather Jr. sa Setyembre 12 na gaganapin sa Las Vegas.
Ito kung saan makakaharap ni Mayweather si two time welterweight world champion na si Andre Berto.
Ayon kay Mayweather, handang handa na siyang muling sumabak sa ring upang patunayan sa buong mundo na siya ang pinakamagaling sa kasaysayan ng boksing.
Ngayon pa lang, kumpiyansa na si Mayweather na masusungkit niya ang ika-49 niyang panalo sa kanyang boxing career para mapantayan ang record ni dating heavyweight champion Rocky Marciano na nagretiro ng may malinis na 49 wins at zero loss sa kanyang karera.
Maugong din ang balita na posibleng ito na ang huling laban ni Mayweather lalo pa’t wala na itong makatapat makaraang talunin noong Mayo si Pambansang Kamao Manny Pacquiao.
By Ralph Obina
Wala pang desisyon si Los Angeles Guard Kobe Bryant kung tuluyan na itong magreretiro sa NBA.
Ayon kay Kobe, posibleng huling laro na niya sa susunod na season ng NBA ngunit nahihirapan pa rin aniya siyang mag-decide sa ngayon.
Ang 36-anyos na si Bryant ay kasalukuyang nagpaparehab sa tinamo nitong injury bilang paghahanda sa 2015-2016 season.
Ito na rin ang huling taon ng kanyang kontrata na nagkakahalaga ng 25 milyong dolyar na sahod.
By Ralph Obina
