Nais ni Ricky Hatton na makitang maglaban sina Amir Khan at Manny Pacquiao.
Sinabi ni Hatton sa isang panayam ng World Boxing News, ang Pacquiao – Khan fight ay nakaka-intriga at magmimistulang laban sa chess.
Tiyak aniyang parehas gagamitin ng dalawa ang kanilang bilis, para manalo sa laban.
By Katrina Valle
Opisyal nang kinilala ng International Olympic Committee ang frisbee bilang isang Olympic sport.
Ito ay matapos maabot ng World Flying Disc Federation ang mga criteria para maging ganap na Olympic sport.
Kabilang na rito ang pagkakaroon ng 62 national federations at gender equality.
Ayon kay WFDF President Robert Rauvh, isang pambihirang milestone ito para sa 30 taon nang sport na frisbee.
Dahil dito, inaasahan ng grupo na lalo pang lalawak ang kaalaman ng publiko sa buyong mundo ukol sa sport na frisbee.
Ang frisbee ay naging popular noong 1960’s at 70’s at kasalukuyang mayroon nang major championships gaya ng ultimate frisbee, beach ultimate at iba pang field events.
By Ralph Obina
Inilabas na ng Samahang Basketbol ng Pilipinas ang listahan ng mga bubuo sa Gilas Pilipinas na lalaban para sa FIBA Asia Championship na gaganapin sa China.
Kabilang sa national team pool sina two time MVP June Mar Fajardo, Marc Pingris, LA Tenorio, ranidel de Ocampo, Jayson Castro, Gary David, Sonny Thoss, Dondon Hontiveros, Terrence Romeo, Asi Taulava, Aldrech Ramos, JC Intal, Matt Ganuelas, at Gabe Norwood.
Kabilang din dito ang naturalized player na si Andray Blatche na kababalik lang sa Pilipinas noong Lunes para sa ensayo ng Gilas.
By Ralph Obina
Lumakas ang loob ni dating World’s Number One Rafael Nadal na unti-unting bumabawi sa ranking matapos mag kampeon sa Hamburgh Clay Court kontra sa Italyanong si Fabio Fognini.
Ang nasabing performance ni Nadal ay bahagi nang pagpapa-kondisyon nito dahil magsisimula na ang US Open sa August 31 sa New York.
Sinabi ni Nadal na malaking tulong sa kaniyang lubos na pagpapagaling ang katatapos na tournament para umakyat na rin sa top 8 bago matapos ang taon.
Magugunitang noong hunyo ay nangulelat si Nadal sa French Open.
By Judith Larino
Posibleng ianunsyo na ngayong linggo ang makakalaban ni undefeated boxer Floyd Mayweather Junior.
Ayon kay Showtime Executive Vice President at General Manager na si Stephen Espinoza, posibleng gawin ang laban ni Mayweather sa Setyembre matapos ang makasaysayang panalo nito noong Mayo kontra kay Pambansang Kamao Manny Pacquiao.
Gayunman, pa hindi pa rin malinaw kung sino ang makakabakbakan ni Mayweather.
Ito ay kahit pa lumulutang ang mga balitang napili na ni Mayweather si Andre Berto na natalo ng tatlo sa huli niyang anim na laban.
By Ralph Obina
Dumating na sa bansa si naturalized Filipino basketball player Andray Blatche para mag-train sa Gilas Pilipinas.
Bahagi ito nang paghahanda ng Gilas sa FIBA Asia Championship sa China sa susunod na buwan.
Una nang inihayag ni dating national basketball team Coach Chot Reyes na malaki ang tiyansa ng Pilipinas na makakuha ng gold dahil nasa team si Blatche na nakapaglaro sa FIBA World Cup sa Seville, Spain subalit hindi nakita sa Asian games dahil sa isyu ng eligibility.
Sinabi ni Blatche na excited na siyang makita at magsanay kasama ang mga team mates sa Gilas.
By Judith Larino
Pumanaw na ang ang wrestling superstar na si Roddy Piper sa edad na 61.
Kinumpirma ito kaniyang agent at sinabing atake sa puso ang ikinamatay ni Piper habang natutulog kagabi.
Matapos mabalitaan ang pagkamatay ng wrestler, nag-tweet agad si World Wrestling Federation Chairman Vince Mcmahon at sinabing isa si Piper sa pinaka-entertaining, kontrobersyal at bombastic na wrestler.
Nakilala si Piper bilang isa sa mga kalaban ni Hulk Hogan, Jimmy Snuka at Cyndi Lauper sa larangan ng wrestling.
By Allan Francisco
Ipinagmalaki ng Dallas Mavericks ang bago nilang sentro sa koponan.
Ito ay matapos pumirma sa Dallas si Salah Mejri na naglaro sa Real Madrid na may average na 4.3 points, 2 rebounds sa loob ng 8 minuto.
Si Salah ay miyembro ng Tunisian national team na nakipagkumpitensya sa 2012 Summer Olympics sa London.
Naging Most Valuable Player si Salah nang makuha ng Tunisia ang 2011 FIBA African Championships.
By Ralph Obina
Pormal nang inihayag ni Japeth Aguilar na hindi siya makakapaglaro sa FIBA Asia Championships.
Kasunod ito ng operasyon ng power forward sa kaniyang kaliwang daliri na aabutin umano ng 12 linggo bago tuluyang gumaling.
Una nang inanunsyo ni LA Tenorio ang hindi pagsali sa Gilas Pilipinas para makapagpahinga muna.
By Judith Larino
Susuntok si two-time world title challenger Bernabe Concepcion para sa bakanteng WBO Oriental Super Bantamweight Title laban kay Juma Fundi ng Tanzania sa Cuneta Astrodome, Pasay City, ngayong araw.
Huling lumaban si Concepcion noong Enero kung saan pinatulog niya si Caem Rasmanudin ng Indonesia sa loob lamang ng dalawang rounds.
Taglay ni Concepcion ang record na 33 wins, 6 losses, at 19 knockouts habang bitbit naman ni Fundi ang kartadang 27 wins, 12 losses, at 11 knockouts.
Ayon kay Concepcion, huling tiyansa niya ang pakikipaglaban kay Fundi upang muling maibangon ang tumatamlay niyang boxing career.
By Jelbert Perdez