Kumpiyansa ang dating 3-time NBA Champion Brian Shaw na malaki ang tiyansa ng Filipino basketball player na si Kobe Paras.
Ayon sa dating Coach ng Denver Nuggets, si Paras ay isang malakas na manlalaro kapag nakapasok na sa NBA.
Pinayuhan ni Shaw si Paras na dapat ipagpatuloy nito ang paglalaro upang lalong mahasa ang kanyang galing.
Si Shaw ay kasalukuyang nasa bansa para sa NBA fit program na nagtuturo na interesado sa paglalaro ng basketball.
By Ralph Obina
Pinabulaanan ni Gilas Pilipinas naturalized star Andray Blatche na pinagbabawalan siya ng kanyang Chinese team na lumaro sa panig ng Gilas sa 2015 FIBA Asia Championship.
Paglilinaw ni Blatche sa pagkakaalam niya ay wala namang nagbabawal sa kanya na lumaro para sa Pilipinas.
Ang pahayag ay ginawa ni Blatche kasunod ng napaulat na tinutulan ng Chinese Basketball Association Team na Xinjiang Flying Tigers na sumabak siya sa torneo sa piling ng Gilas.
Iho-host ng China ang FIBA Asia Championship kung saan ang mananalo rito ay tiyak na ang pagpasok sa 2016 Rio Olympics.
Si Blatche ay inaasahang darating sa Pilipinas sa Sabado para sumama sa praktis ng Gilas na sisipa sa susunod na linggo.
By Jelbert Perdez
Wagi si Rafael Nadal sa unang laban nito sa Hamburg Open.
Ito ay makaraang talunin ni Nadal si Fernando Verdasco sa iskor na 3-6, 6-1, 6-1.
Bagamat natalo sa unang set, bumawi naman si Nadal sa ikalawa at huling set ng laban.
Matatandaang sa Wimbledon, maagang nalaglag ang Spanish tennis star na kasalukuyang nasa ika-sampung puwesto sa buong mundo.
By Ralph Obina
Umatras si Ginebra Gin Kings point guard LA Tenorio na maging manlalaro ng Gilas Pilipinas na lalaban sa FIBA Asia Championship na gaganapin sa China.
Ayon kay Tenorio, mahigit apat na taon na ring siyang kasama sa national team at bugbog na aniya ang kanyang katawan sa laro.
Dahil dito nagpasya muna si Tenorio na lumiban muna sa koponan ngayong taon para makapagpahinga.
Nilinaw naman ni Tenorio na handa naman itong maglaro sa susunod na taon kung muli siyang pipiliin ng Gilas.
Malaki naman ang panghihinayang ni Gilas Coach Tab Baldwin dahil sa magaling at malaki aniya ang karanasan ni Tenorio sa paglalaro sa international basketball.
Samantala, posibleng sa susunod na linggo ay ianunsyo na ang pangalan ng mga manlalarong bubuo sa Gilas para sa FIBA Asia Championship.
By Ralph Obina
Muli umanong lalaro para sa Gilas Pilipinas ang beteranong si Asi Taulava sa nalalapit na 2015 FIBA Asia Championship.
Ito’y matapos kumpirmahin ni NLEX Team Manager Ronald Dulatre na nakatanggap ng imbitasyon ang 41-anyos na veteran center para sumali sa paghahanda ng Gilas sa Asian Tournament.
Ang naturang torneo na gaganapin sa China ngayong taon ay magsisilbing Olympic qualifier sa FIBA World.
Kung matutuloy, hindi lamang pinakamatandang manlalaro sa PBA si Taulava kundi’y ito rin ang pinaka-senior member ng Philippine National Men’s Basketball team sa FIBA Asia.
By Jelbert Perdez
Nanganganib nang hindi makapaglaro si naturalized Filipino at dating NBA player Andray Blatche sa ilalim ng Gilas Pilipinas para sa FIBA Asia Championship.
Ito ay matapos pigilan si Blatche ng Chinese Basketball Team na Xijiang Flying Tigers na maglaro sa mga international event dahil sa pangambang magkaroon ito ng injury.
Si Blatche ay may mahigit P32 milyong pisong kontrata sa Chinese basketball para sa nasabing koponan.
Nakatakda pa naman sanang dumating sa bansa si Blatche sa Agosto 1 para simulan ang ensayo sa Gilas Pilipinas.
By Ralph Obina
Target ng manager ni 4-time World Champion Brian Viloria na maayos kaagad ang laban kay undefeated pound for pound rank number 2 Roman Gonzales ng Nicaragua.
Kasunod na rin ito nang matagumpay na laban nang tinaguriang The Hawaiian Punch sa kanilang rematch kay Omar Soto.
Sinabi ni Gary Gittelsohn na gagawin niya ang lahat para matuloy ang laban na posibleng gawin sa Madison Square Garden sa October 17.
Sa katunayan, ipinabatid ni Gittelsohn na makikipag-ugnayan na siya sa boxing promoter ni Gonzalez na si Akihiko Honda na isang negosyante sa Japan.
By Judith Larino
Muling nakasungkit ng panalo si dating World Champion Brian Viloria sa katatapos lamang nitong non-title fight kay Omar Soto ng Mexico.
Saglit lamang ang itinagal ng laban matapos pabagsakin ni Viloria si Soto sa Round 1, sa Florentine Gardens, California sa Amerika.
Tatlong beses umiskor ng knockdown ang tinaguriang “The Hawaian Punch” sa unang round.
Itinigil ng referee ang laban sa oras na 2 minutes at 2 seconds matapos humalik sa canvass si Soto.
Ito na ang ika-apat na sunod na panalo at ikatlong knockout victory ni Viloria sa nakalipas na isang taon.
By Drew Nacino
Pinayagan na ng Armed Forces of the Philippines o AFP ang ilan nitong miyembro na bumalik sa training upang makalahok sa Asian Boxing Championships sa Bangkok, Thailand sa Agosto 25 ngayong taon.
Ang naturang torneo ay magsisilbing qualifier para sa World Championships sa Doha, Qatar sa Oktubre.
Nagpasalamat naman sina Association of Boxing Alliances in the Philippines (ABAP) President Ricky Vargas at Executive Director Ed Picson kay Defense Secretary Voltaire Gazmin matapos pakawalan ang mga boksingero na ni-recall sa kani-kanilang military units nang mapaso ang kanilang detailed service permits noong Hunyo 30.
Ayon kay Vargas, bagama’t wala sa aktuwal na giyera ang mga boksingerong miyembro ng AFP ay digmaan naman sa ring ang kanilang sinasabakan at nagdadala rin ng karangalan sa bansa.
By Jelbert Perdez
Inaasahang mailalabas na sa susunod na linggo ang listahan nang bubuo sa Gilas Pilipinas.
Ito ay sa sandaling matapos na ang pagbusisi ng PBA at Samahang Basketball ng Pilipinas ang listahang ipinasa ni Gilas Coach Tab Baldwin.
Gayunman, sigurado na ang tig-isang slot para kina PBA two-time MVP June Mar Fajardo at Andray Blatche para maging competitive ang Gilas sa FIBA Asia.
By Judith Larino