SPORTS

Nagdesisyon  na  si 8th Division  World  Champion Manny  Pacquiao na   magretiro  sa  2016.

Ito  ang kinumpirma  ni  Top Rank  CEO Bob Arum  matapos ang mahabang pagpupulong nila ng   Pambansang Kamao  nuong   nakaraang  linggo sa New  York.

Ayon kay   Arum, sinabi sa  kanya  ni  Pacquiao na  hindi na nito matututukan ang pagboboksing sa oras na   manalo sa   pagkasenador.

Dahil  dito,  inanunsyo ni  Arum  sa  Abril  9   ng susunod ng  taon  ang magiging huling  laban  ni  Pacquiao.

Gayunman,  hindi   pa   malinaw  sa  ngayon  kung  saan   gaganapin  at sino ang huling  makakalaban   ng Pambansang   Kamao.

By: Ralph Obina

Sa Abril 9 na ang posibleng huling laban ni Manny Pacquiao sa boxing.

Ito ang inihayag ni Top Rank Promoter Bob Arum sa panayam sa kanya ng ESPN.Com.

Ayon kay Arum, nagkausap sila ni Pacquiao sa New York noong nakaraang linggo nang tanggapin ni Pacman ang Asia Game Changer Award.

Sinabi anya ng Pambansang Kamao na sakaling manalo siya sa eleksyon sa Mayo sa pagka senador ay hindi na ito maaring sumabak pa sa boksing dahil kailangan anya nitong mag-focus sa trabaho sa senado at hindi dapat absent sa mga sesyon.

Samantala, hindi pa makumprima ngayon ni Arum kung sino talaga ang huling makakalaban ni Pacquiao sa Abril.

Pero ilan anya sa pinagpipilian ay sina Amir Khan, Terence Crawford, Juan Manuel Marquez at Timothy Bradley.

By: Jonathan Andal

Desidido ang pamunuan ng Cleveland Cavaliers na masungkit ang kampiyonato sa NBA sa pagbubukas ng bagong season nito.

Inihayag ito NBA Superstar Lebron James matapos magrenew ng kanilang kontrata sa koponan ang ilang tinatawag na free agents.

Kabilang sa mga ito ay sina Tristan Thompson, Kevin Love, Kyrie Irving at Iman Shumpert habang magbabalik cavs naman sina Jr Smith, Matthew Dellavedova at James Jones

Dahil dito, kumpiyansa si Lebron na magiging maganda na ang performance ng Cavs ngayong season dahil sa aniya’y kumpletos recados na kamada ng kanilang koponan.

By: Jaymark Dagala

Kinontra ni Hall of Famer Boxer Roberto Duran ang naging pahayag ni Floyd Mayweather Junior na siya raw ang “The Best Ever” na boksingero.

Giit ni Duran, siya ang nangungunang all-time pound-for-pound boxer sa buong mundo sa nakalipas na limang dekada.

Sa kaniya rin aniya natutunan ni Mayweather ang pagdepensa sa boksing.

Tiyak din si Duran na siya ang mananalo sakaling magtapat sila ni Mayweather.

Samantala, sa kasaluyan ay mayroon ng 49-0 record si Mayweather habang si Duran naman ay may 103 – 16 records.

By Allan Francisco  

Nakabuena-mano ang Letran Knights laban sa defending five-time champions San Beda Red Lions sa kanilang best-of-three NCAA Season 91 finals series sa Mall of Asia Arena.

Ito’y matapos maisukbit ng Knights ang score na 94-90 sa game one ng serye laban sa Red Lions.

Tumipa si Kevin Racal ng career-high 28 points para sa Knights.

Nakuha ng letran ang 92-87 lead may 14.4 seconds ang nalabi sa fourth quarter.

Gayunman, nagpasabog si Dan Sara ng tres kaya’t naitala ang score na 92-90 may 10.8 seconds ang natira sa laban.

Isang Layup naman ang ginawa ni Rey Nambatac para mailusot ang upset win laban sa San Beda.

Sakaling manalo ang Letran sa game two sa Martes ay tapos na ang serye at mahuhubaran nito ng korona ang San Beda.

By Jelbert Perdez    

Nanganganib na hindi makapaglaro sa   NBA season  opener  ng Long   Angeles   Lakers       ang     Filipino American na   si   Jordan  Clarkson.

ito ay matapos na magtamo si  Clarkson   ng    injury   sa       kanang       balikat  nito.

Nakuha ni  Clarkson ang injury nito  sa ikalawang quarter ng salpukan ng  Lakers    at  Minnesota   Timberwolves    na   bahagi ng pre-season game ng  NBA.

Dahil  dito, sasalang  sa MRI si  Clarkson upang  ipasuri ang nai-sprain nitong balikat.

By: Ralph Obina

Inamin ni Gilas Pilipinas Coach Tab Baldwin na hindi magiging madali para sa national team ang makalusot sa Olympic Qualifying Tournament sa susunod na taon.

Ito ay dahil sa makakaharap ng Gilas ang malalakas na koponan na kinabibilangan ng mga powerhouse na bansa gaya ng Serbia, France, Italy, Greece, Czech Republic, Canada, Mexico, Puerto Rico, Angola, Tunisia at New Zealand.

Kaugnay nito, iginiit ni Baldwin na kailangan nilang ibuhos ang lahat ng kanilang makakaya sa simula pa lamang ng laro upang makalusot sa pinapangarap na Rio Olympics.

Una rito, isinama na sa line up ng Gilas sina June Mar Fajardo, Greg Slaughter, Japeth Aguilar, Paul Lee at iba pa para mas lumakas pa ang koponan.

By Ralph Obina  

Masusubukan ang bagsik ng bagong line up ng Talk ‘n Text Tropang Texters sa pakikipagtuos nito sa Alaska Aces sa PBA Philippine Cup sa Araneta Coliseum mamayang gabi.

Ito naman ang unang pagkakataon na sasabak sa PBA ang mga bagong pambato ng TNT na sina No.1 pick Moala Tautuaa at No.2 pick Troy Rosario.

Makikipagsubukan ang Blackwater sa NLEX bandang alas-4:00 ng hapon habang haharap naman ang Talk ‘n Text sa Alaska mamayang alas-7:00 ng gabi.

By  Jelbert Perdez 

Tiwala si Gilas Head Coach Tab Baldwin na mas gaganda pa ang performance ng mga miyembro ng national team na sasabak sa FIBA Olympic qualifying tournament.

Kasunod na rin ito nang pagbibigay pugay sa mga miyembro ng gilas sa pagbubukas ng PBA games.

Sinabi ni Baldwin na nais niyang makita ang pag angat sa paglalaro ng mga karamihang player para hindi na aniya sila mahirapan sa mismong ensayo ng national team.

Kasabay nito, ipinaabot din ni Baldwin ang pasasalamat sa suportang ibinigay ng pba sa pagpapahiram ng manlalaro sa Gilas para sa mas competitive performance.

By: Judith Larino

Pumayag nang lumagda sa 5-taong kontrata na nagkakahalaga ng 82 milyong dolyar sa Cleveland Cavaliers si Tristan Thompson.

Sinasabing nabuo ang kasunduan, anim na araw lamang bago ang labanang Cavaliers kontra Chicago sa bagong yugto ng NBA.

Dahil dito, lalabas na ang Cleveland may pinamakataas na payroll sa NBA sa mga panahong ito.

Una rito, tinanggihan ni Thompson ang pagpapalawig sa kanyang kontrata ng apat na taon sa halagang mahigit 50 milyong dolyar.

Kasabay nito ay nagpakita sya ng galing noong nakaraang NBA season na naging susi upang hatagan siya ng Cleveland ng mas mahaba subalit mas mataas na kontrata.

By  Len Aguirre