Pinangunahan ni Jimmy Butler ang tagumpay ng Chicago Bulls kontra sa koponan ng Brooklyn Nets.
Wagi ang Bulls sa iskor na 115-100.
Nakapagtala si Butler ng 24 na puntos na sinegundahan naman ni Nikola Mirotic na nakapagbaon ng 18 puntos.
Ang opensa ng Bulls ang itinuturong susi ng kanilang panalo kayat di magawang makaporma ng Nets.
Dismayado naman si Nets center Brook Lopez na hindi sumapat ang 26 niyang puntos para maiangat ang kanilang koponan.
By: Ralph Obina
Magkaka-alaman na mamayang gabi kung sino sa pagitan ng magkaribal na San Beda College at Colegio de San Juan de Letran ang uuwing kampeon sa do or die game ng NCAA Season 91 Finals na gaganapin sa Mall of Asia Arena.
Ayon kay San Beda Head Coach Jamike Jarin, tiyak na magiging impyerno ang salpukan ng dalawang koponan.
Desidido aniya ang San Beda na makuha ang kampeonato kontra Letran at ipagpapatuloy lamang nila kanilang ginawa noong game 2.
Umaasa naman si Letran Coach Aldin Ayo na makakabawi ang kanilang koponan at hindi na magagawa ang mga pagkakamali noong game 2.
By Ralph Obina
May pag-asa pa ring makapasok ang National University o NU sa final 4 ng UAAP Season 78 Men’s Basketball Tournament.
Ito’y matapos padapain ang De La Salle University sa pamamagitan ng score na 81-73.
Dahi sa panalo, umakyat ang kartada ng NU sa 5-7 ngayong season at dalawang laro na lamang ay sasalang na ito sa elimination round.
Umiskor si J-jay Alejandro ng 17 points habang kumamada si Pao Javelona ng 14 points para sa NU.
Kahit pinadapa ng Bulldogs ay nananatili pa rin sa fourth place ang Green Archers taglay ang 5-6 win-loss record.
By Jelbert Perdez
Aminado si 8th Division World Champion Manny Pacquiao na nakikipag-negosasyon pa rin siya sa kampo ni Floyd Mayweather Junior para sa kanilang posibleng rematch.
Ito, ayon kay Pacman, ay kahit pa nagretiro na si Mayweather matapos ang laban nito kay Andre Berto, noong Setyembre.
Umaasa ang Pambasang Kamao na magkakaroon pa ng rematch bago siya magretiro at tutukan ang kampanya para sa pagka-senador sa 2016 elections.
Una ng inanunsyo ni Top Rank CEO Bob Arum na posibleng sa Abril 10 ng susunod na taon ang huling laban ni Sarangani Rep. Pacquiao bago tutukan ang kampanya.
By: Drew Nacino
Nalasap agad ng Cleveland Cavaliers ang buena manong pagkatalo sa kamay ng Chicago Bulls sa pagbubukas ng panibagong NBA season.
Sinuwag ng Bulls ang Cavs sa iskor na 97-95.
Nanguna sa panalo ng Bulls si Nikola Mirotic na nakasikwat ng 19 na puntos at sinegundahan ni Derrick Rose na may 18 puntos.
Samantala di naman sumapat ang 25 puntos ni dating MVP Lebron James para buhatin ang koponan.
By Ralph Obina
*Photo grabbed from: kingjamesgospel.com
Nakaganti ang five-time defending champion San Beda Red Lions sa Letran Knights.
Ito’y matapos sikwatin ang 68-61 victory sa Game 2 ng NCAA Season 91 Finals na ginanap sa Mall of Asia Arena.
Sa first half ay kumana ang Red Lions ng 30-18 lead na nagpahirap sa Letran.
Gumawa naman ng mabagsik na 8-1 run ang knights sa naturang yugto.
Subalit, kinapos ang Letran sa bandang huli dahilan upang maitabla ng Red Lions ang serye sa 1-1.
Magaganap ang Game 3 bukas, araw ng Huwebes.
By Jelbert Perdez
Wagi si 3rd seed Rafael Nadal kontra sa kanyang matagal na karibal na si Lukas Rosol sa nagpapatuloy na Swiss Indoor Tournament.
Pinayuko ni Nadal ang kalabang si Rosol sa iskor na 1-6, 7-5, 7-6.
Matatandaang 2012 nang mabilis na naidispatsa ni Rosol si Nadal sa ikalawang round pa lamang ng Wimbledon noong 2012.
Inamin ni Nadal na lubos siyang nahirapan sa sagupaan nila ni Rosol.
Sususnod na makakaharap ni Nadal sa Swiss indoor tournament si Grigor Dimitrov o Sergiy Stakhovsky.
By: Ralph Obina
Handa na si Lebron James na maglaro sa pagbubukas ng NBA Season kontra Chicago Bulls matapos gumaling sa problema sa kaniyang likod.
Magugunitang maraming practice ng Cavaliers ang na-miss ni James matapos sumailalim ng anti-inflammatory injections sa kanilang lower back.
Bumalik na sa practice si James nitong nakalipas na dalawang araw at muling sasalang sa practice sa Martes para na rin makapaglaro sa kada season opener simula pa 2003.
Sinabi ni James na naging maayos ang kanilang practice at umaasa sila sa magandang performance mula sa pagbubukas ng bagong NBA Season hanggang sa pagtatapos nito.
By Judith Larino
Problemado ang UP Pep Squad dahil wala umano itong pondo para sa kanilang pagsabak sa Cheerleading World Championships sa Berlin, Germany sa susunod na buwan.
Makakasagupa ng cheerdance powerhouse, third placer sa UAAP Cheerdance Competition, ang 20 bansa sa kompetisyon na gaganapin sa November 21 at November 22.
Kabilang sa mga sasabakan ng UP Pep Squad ang cheer mixed, all girls, group stunts at partner stunts divisions.
Magdaraos naman ng fundraising dinner bilang suporta sa UP Pep Squad sa November 4 sa Gourmet Gypsy Art Cafe sa Quezon City kung saan mapupunta sa kanila ang kikitain sa naturang dinner.
Matatandaang lumahok na rin ang UP sa naturang event noong isang taon kung saan humakot sila ng mga medalya.
By Jelbert Perdez
Malaki ang posibilidad na mapasakamay ng San Antonio Spurs ang ikalawang championship title nito sa tatlong season ng NBA sa susunod na June.
Bukod sa tinaguriang big 3 ng Spurs, malaking tulong ang baguhang si Lamarcus Aldridge na nagtala ng average na 21 points kada game sa nakalipas na 5 season para sa bagong henerasyon ng tagumpay ng San Antonio.
Si Aldridge na nagmula sa portland ay inisnab ang mas malaking deal mula sa Indiana Pacers kapalit nang paglalaro sa Spurs.
Maituturing ding contributing factor sa inaasahang isa pang championship title ng Spurs si Gregg Popovich, longest tenured coach ng US Sports at ang buong team ng San Antonio.
By: Judith Larino