SPORTS

Umarangkada si Stephen Curry matapos maitala ang 28 points  career high scoring in a quarter record.

Ito’y makaraang ilampaso ng koponang Golden State Warriors ang New Orleans Pelicans sa score na 134-120

Naibulso ni Curry ang kaniyang 17 puntos habang 14 naman sa 3-point attempt. Sa kabuuan ng laro ay nakapagtala si Curry ng 53 points.

Samantala, wagi ang koponang New York Knicks kontra sa Washington Wizards sa pagpapatuloy ng NBA season

Tinalo ng Knicks ang Wizards sa score na 117-110.

By: Jaymark Dagala

Posibleng malamnpasan pa ni Saul Canelo Alvarez ang mga naging achievements nina Floyd Mayweather Jr at Manny Pacquiao.

Inihayag ito ng boxing legend na si Oscar De La Hoya na siyang may-ari ng Golden Boy Promotions.

Sinabi ni Dela Hoya, marami nang narating si Alvarez sa mura nitong edad kaya’t maging siya ay posible rin nitong mahigitan.

Dahil dito, sinabi ni Golden boy na handa niyang tulungan si Alvarez sa mga desisyon nito para makamit ang rurok ng tagumpay sa kaniyang karera.

By: Jaymark Dagala

Sinuwag ng   Barako Bull energy  ang kanilang unang panalo sa PBA Philippine Cup.

Ito’y makaraang talunin ng barako ang Barangay Ginebra San Miguel sa score na 82-79, sa Mall Of Asia  Arena, kahapon.

Bagaman sa unang bahagi ng game ay 21 ang kalamangan ng gin kings, nakahabol ang Barako Bull sa mga sumunod na quarter.

Kumamada ng 22 points si JC intal para sa Barako habang walang nagawa ang 27 points ni Greg Slaughter upang makabawi ang Ginebra.

Ito na ang ikalawang talo ng Gin King sa nabanggit na torneyo.

By: Drew Nacino

Wagi ang Cleveland Cavaliers kontra Miami Heat sa unang paghaharap sa bagong season ng NBA.

Tila hindi pumayag si Lebron James na mapahiya siya sa kanilang homecourt ng kaniyang dating koponan matapos i-poste ang 102-92 na final score sa nasabing laban.

Pinatunayan umano ni James na hindi umubra sa kaniya ang panghahamon ng dating team mate na si Dwayne Wade nang gumawa ng 29 points, 5 rebounds at 4 assists.

Naging neck to neck ang habulan ng mga puntos ng dalawang koponan simula sa una at huling quarter ng laro.

Naging highlight sa laro ang third quarter kung saan bumongga ang sanib puwersa nina James at Kevin Love na nagtala ng 24 points at 14 rebounds.

By Judith Larino  

*Photo grabbed from @cavs twitter account

Retirado na ako at wala na akong balak balikan ang boksing.

Iginiit ito ni Floyd Mayweather Jr. matapos lumutang ang posibleng rematch nila ni Manny Pacquiao.

Ayon kay Mayweather, hindi totoo ang mga lumulutang na negosasyon sa posibleng bakbakan muli nila ng Pambansang Kamao.

Magugunitang lumutang o pinag-usapan ang posibleng Fight of the Century 2 sa video ni Pacman nitong nakalipas na araw.

By  Judith Larino  

Nananatiling nasa  control  ang  De  la Salle University   Green Archers  sa kanilang  kampanya  sa  UAAP   season    78   final  four   sa  kabila  ng  dalawang  sunod na  pagkatalo.

Ayon kay La salle Head Coach Juno Sauler, hindi  sila nagpapanic sa kabila  ng nalasap na  pagkatalo  sa  kamay  ng  National  University  at  Adamson  University.

Sinabi  ni    Sauler na   pangunahing    concern ngayon ng   koponan ang depensa  na  kanilang  ikinatalo  sa  mga  nakaraang laban.

Binigyang diin ni Sauler na  kailangan  nilang   gawan  ng  paraan upang palakasin ang  kanilang  depensa  at makasungkit  ng pwesto sa  final four.

By: Ralph Obina

Nangunguna si 2015 NBA MVP Stephen Curry sa ranking ng may pinakamaraming naitalang scores simula kahapon.

Nanguna sa listahan si Curry dahil sa nagtala ito ng 40 points sa kanilang naging laro nitong Miyerkules laban sa New Orleans Pelicans.

Pumapangalawa sa ranking si CJ Mccollum ng Portland Trailblazers na may 37 points.

Pangatlo si Los Angeles Clippers Player Blake Griffin na may 33 points sa kanilang naging laro kontra Sacramento Kings.

By  Mariboy Ysibido