SPORTS

Panalo ang Philippine Azkals kontra koponan ng North Korea sa FIFA World Cup Qualifiers na ginanap sa Rizal Memorial Football stadium sa iskor na 3-2, Martes.

Unang pumuntos ang Azkals sa pangunguna nina Misagh Bahadoran at Javier Patiño.

Naging aktibo din ang North Korea sa pag-depensa nang tumabla pa ang iskor, 2-2 sa 84th minute ng laro.

Sa huli ay umiskor ang Azkals sa pamamagitan nina Iain Ramsay at Patiño sa last minute ng laro na nagpasigaw sa kasiyahan sa mga fans na nasa stadium.

Naniniwala si Coach Thomas Dooley na nakatulong sa Azkals ang pagkatalo sa Uzbekistan para mapalakas ang depensa sa laban sa NoKor.

Dahil sa panalo umakyat na sa ikatlong puwesto ang Azkals sa Group H ng 2018 World Cup at posibleng mabigyan ng tsansang makapaglaro sa 2019 Asian Cup.

Tiwala ang coach ng Philippine Azkals na mahihirapan sa kanilang strategy ang koponan ng North Korea na makakalaban nila ngayong araw na ito sa joint FIFA World Cup-AFC Asian Cup Qualifiers

Naniniwala si Coach Thomas Dooley na makakatulong sa Azkals ang pagkatalo sa Uzbekistan para mapalakas ang depensa sa laban sa Nokor.

Ang kailangan lamang aniya ay magkaruon ng tiwala sa kanilang sarili ang bawat miyembro ng Azklas.

Sakaling manalo sa laro, aakyat sa ikatlong puwesto ang Azkals sa group H ng 2018 world cup at posibleng mabigyan ng tsansang makapaglaro sa 2019 Asian Cup.

By: Judith Larino

Balik-ensayo na si 8 Division World Champion Manny Pacquiao matapos ang isang araw na pahinga.

Ayon kay Coach Freddie Roach, sa ipinakikitang kondisyon ng katawan ni Pacman ay handa na nitong sagupain muli si Timothy Bradley sa Abril.

Na-recharged anya ang People’s Champ at tila bumalik sa edad na 20 sa dalawang oras na training session nito sa Wild Card Gym sa Los Angeles, California.

Nagpawakala rin ng mga matinding kombinasyon ang Pambansang Kamao sa sparring session kina Ghislain Maduma at Lydell Rhodes.

Matapos ang 28 round workout kahapon, balik ring si Sarangani Representative Pacquiao upang tumutok naman sa abdominal exercises sa tulong ng kanyang assistant trainer na si Nonoy Neri at strength and conditioning Coach Justin fortune.

Gayunman, aminado si Roach na hindi pa nila naaabot ang 100 porsyentong kondisyon ng katawan ng Pambansang Kamao.

By  Drew Nacino

Abanse na sa 3^rd round ng Miami Open si tennis world number 2 Andy Murray.

Tinalo ni Murray si Denis Istomin mula Uzbekistan, sa sets na 6-3 at 7-5.

Samantala, nadiskaril naman ang pag-abante ni 5th seed Rafael Nadal dahil sa init ng venue kaya nahilo at kinalauna’y maagang sumuko sa nasabing laro.

Napag-alamang 2 beses tumawag ng doktor  si Nadal bago ito tumigil sa laro kontra sa Bosnian player na si Damir Dzumhur, sa sets na 2-6, 6-4, at 3-0.

By: Avee Devierte

Aabante na sa ika-4 sa round ng Miami Open  ang number one tennis player na si Serena Williams.

Ito’y makaraang magwagi si Williams laban kay Zarina diyas ng Kazahkstan sa mga set na 7-5, 6-3.

Bago iyon, matatandaang nanalo ngunit nahirapan din ang amerikanang Tennis Star na si Williams laban sa kanyang kababayang si Cristina Mchale.

Susunod niyang makakaharap sa Miami Open ang 15th seed na Ruso na si Svetlana Kuznetsova.

By: Avee Devierte

Tinapos na ng Los Angeles Lakers ang apat na sunod nilang talo.

Ito ay matapos makabangon ang Lakers at talunin ang kalabang Memphis Grizzlies sa iskor na 107-100.

Nagsanib pwersa ang mga alas ng Lakers na sina Kobe Bryant at Jordan Clarkson para pangunahan ang panalo ng koponan.

Gumawa ng 22 puntos si Clarkson habang 20 naman ang iniambag ni Bryant.

Una rito, ilang beses sumablay ng mga tira ni Bryant sa unang bahagi ng laro ngunit pagsapit ng second half ay tuluyang nag-init ang NBA legend.

By Ralph Obina  

Balik sa puspusang training si Manny Pacquiao para sa laban nila ni Timothy Bradley sa April 9.

Sinasabing mas ganado ang Pambansang Kamao sa kanyang ensayo lalo pa’t kapiling na niya sa Los Angeles ang maybahay na si Jinky at 5 anak.

Sa kanyang pagsabak sa mitt work out, muling napabilib ni Pacman ang dalawang spar mates dahil sa mas maraming binitiwang counter punches ang Pinoy ring icon kumpara noong nakalipas na sparring session.

Ayon pa sa spar mates ni Pacman, mas bumilis ito hanggang sa puntong mahirap nang ilagan ang mga suntok nito bukod pa sa gumanda ang pag-anggulo nito sa kanyang mga suntok.

By  Judith Larino