SPORTS

Tinotodo na ni Donnie “Ahas” Nietes ang paghahanda para sa kanyang susunod na world title fight.

Makakasagupa ni Nietes si Eaktawan Mor Krungthep Thonburi ng Thailand para sa bakanteng IBF Flyweight Championship sa Abril 29 sa lalawigan ng Cebu.

Ayon kay Nietes, gagawin niya ang lahat upang hindi mapahiya sa harap ng kanyang mga kababayan.

Pahayag naman ng ALA Boxing Promotions, maliban kay Nietes ay isasabak din sa Pinoy Pride 40 ang dalawa pang Filipino boxers na sina Mark Magsayo at Jeo Santisima.

By Jelbert Perdez

May hanggang 2019 pa si Swiss tennis star roger federer para maglaro ng tennis.

Ito ang inihayag ni Federer na labis na ikinatuwa ng kanyang mga fan.

Sinabi ni Federer na tatlong (3) taon ang pinirmahan niyang kontrata kung saan kabilang sa mga nakalinya niyang torneo ay ang Swiss indoors sa Basel na siyang hometown nito.

Matatandaang nito lamang nakaraang buwan bumalik sa paglalaro si Federer matapos ang kanyang knee injury kung saan nagawa niya pang maibulsa ang 18th Grand Slam title sa Australian Open.

By  Ralph Obina

Giniba ng Barangay Ginebra ang Star Hotshots sa score na 89-76 sa Game 7 ng kanilang PBA Philippine Cup semifinals series na ginanap sa Mall of Asia arena.

Kumamada si Sol Mercado ng 23 points habang nagdagdag naman si Japeth Aguilar ng 19 points para sa Gin Kings dahilan upang umusad ito sa finals.

Makakaharap ng Ginebra ang isa pang sister team nila na San Miguel Beer at gayundin si 3-time MVP June Mar Fajardo.

Magsisimula ang best-of-7 championship series sa pagitan ng Gin Kings at Beermen bandang alas-siete ng gabi sa Biyernes sa MOA arena.

By: Jelbert Perdez

Desidido ang Star Hotshots na masungkit ang panalo sa do or die game ng semifinals mamayang gabi kontra Ginebra Gin Kings.

Aminado ang Hotshots na hawak ngayon ng Ginebra ang momentum matapos silang pataubin noong martes.

Ayon kay Marc Pingris, matinding depensa ang inilatag ng Gin Kings noong Martes na naging susi sa pagkapanalo ng naturang koponan.

Sa kabila nito, binigyang diin ni Pingris na ibibigay nila mamayang gabi ang lahat lahat para sila ang makaharap sa finals ng naghihintay na lamang na San Miguel Beermen.

By Ralph Obina

Photo Credit: PBA Media Bureau 

Nagpakitang-gilas sina Russel Westbrook at Kevin Durant sa NBA All Star Game.

Bagamat halos isa’t kalahating minuto lamang ang naging palitan nina Westbrook at Durant, sapat na iyon para maging isa sa mga pinakamagagandang tagpo ng nasabing laro.

Muling nasaksihan ang tinaguriang “give and go” ng dating teammates sa Oklahoma City Thunder kung saan nagpasahan ng bola ang dalawa hanggang sa mai-dunk iyon ni Westbrook.

By: Avee Devierte

Desidido ang Star Hotshots na tuluyang tapusin ang best of 7 semifinal series nila ng Barangay Ginebra mamayang gabi.

Ayon kay Star Coach Chito Victolero bastat maging positibo lamang sila at magpakita ng magandang depensa ay tiyak na makukuha nila ang panalo.

Nasa panig aniya nila ang momentum matapos manalo nuong Biyernes kontra Ginkings.

By: Judith Larino

Nape – pressure na ang Roc Nation, ang promoter ng laban ni Miguel Cotto na maghanap ng makakalaban nito.

Ito ay matapos umatras si James Kirkland sa kanilang laban sa susunod na Sabado dahil sa injury.

Sinabi ni Roc Nation President Michael Yormark na nakakadagdag sa pressure ang una nang ibinigay na 30 – days deadline para maianunsyo ang susunod na laban ni Cotto.

By Katrina Valle

Isang hakbang na lang ang Star Hotshots patungo sa PBA Finals.

Ito ay makaraang pataubin ng Star ang Barangay Ginebra San Miguel sa iskor na 89-8o sa best of seven ng PBA semifinals.

Nanguna sa panalo ng star si Rafi Reavis na kumana ng labing pitong (17) puntos at labing tatlong (13) rebounds na sinegundahan naman ni Mark Barroca na nakapagtala ng labindalawang (12) puntos.

Samantala, hindi naman umubra ang eksperimentong ginawa ng Ginebra kung saan ay hindi nila ipinasok ang kanilang starters sa huling quarter hanggang sa sila ay kapusin na sa puntos at hindi na nakahabol pa.

By  Ralph Obina  

Excited na ang maraming basketball fans sa pagsisimula ng NBA All Star Weekend.

Ayon sa ulat, puno na ang mga hotel sa New Orleans, Louisiana kung saan gagawin ang iba’t ibang events.

Ilan sa inaabangan ay ang three point at slam dunk contest.

Maliban dito, magsisimula na rin bukas ang laro ng USA Versus World kung saan maglalaro ang NBA players mula sa US at makakalaban ang iba pang NBA players na mula naman sa iba’t ibang bahagi ng mundo.

Pangungunahan ni Golden State Warriors Head Coach Steve Kerr ang Western team na binubuo nina Stephen Curry, Kevin Durant, Anthony Davis, Kawhi Leonard, James Harden, Russel Westbrook, Deandre Jordan, Gordon Hayward, Klay Thompson, Draymond Green, Marc Gasol at Demarcus Cousins.

Habang si Brad Stevens ng Boston Celtics ang magiging coach ng Eastern Team All Star na pangungunahan nina Lebron James, Kyrie Irving, Demar Derozan, Jimmy Butler, John Wall, Carmelo Anthony, Paul George, at Isaiah Thomas.

By  Ralph Obina