Pinalitan ni New York Knicks forward Carmelo Anthony si Cleveland Star Kevin Love sa NBA All-Star Game.
Mismong si NBA Commissioner Adam Silver ang pumili kay Anthony.
Hindi kasi makapaglalaro si Love sa All-Star Game matapos sumailalim sa arthroscopic surgery sa kanyang kaliwang tuhod.
Samantala, nakatakdang inanunsyo ng pamunuan ng NBA ang injury replacements para sa All-Star Game events ngayong weekend.
By Meann Tanbio
Handa si Lebron James na magdoble-kayod para sa kanyang koponan na Cleveland Cavaliers.
Dahil ito sa anim na linggong magpapahinga ang kanyang team mate na si Kevin Love matapos sumailalim sa arthroscopic surgery sa kaliwang tuhod.
Nababahala ang fans ng koponan na magiging mahirap na makausad sila tungo sa NBA finals.
Gayunpaman, tiniyak ni James na gagawin niya ang lahat ng makakaya para sa koponan.
By Avee Devierte
Sisikapin ni 8-Division World Champion Manny Pacquiao na ganapin sa Pilipinas ang kanyang huling laban sa Nobyembre.
Ayon kay Pacquiao, target niya na masaksihan ng sambayanang Pilipino ang kanyang huling laban bago siya magretiro sa boksing.
Sa ngayon, sinabi ng Pambansang Kamao na abala na siya sa kanyang training para sa nalalapit na laban kontra Australian boxer at Olympian Jeff Horn.
Ang Pacquiao-Horn fight ay gaganapin sa United Arab Emirates.
By Meann Tanbio
Tila nalasing ng San Miguel Beermen ang TNT Ka Tropa sa Game 4 ng PBA Philippine Cup semifinals series.
Ipina nalo ni Chris Ross ang Beermen matapos umiskor ng 31 points at makapagtala ng 5 rebounds at 5 assists.
Dahil sa nasabing panalo nag tie na sa 2-2 ng serye ang Beermen at TNT.
Ipinagmalaki ni San Miguel Coach Leo Austria ang kaniyang mga players na batid ang kanilang sitwasyon at may sense of insurgency kayat ginawa ang makakaya para makapantay sa standing sa TNT.
Naitala sa 97-86 ang final score.
By: Judith Larino
Pinangunahan ni Kawhi Leonard ang San Antonio Spurs sa panalo nito kontra Indiana Pacers sa score na 110 – 106.
Bukod kay Leonard, nakapagtala rin si Lamarcus Aldridge ng 19 na puntos para sa Spurs at tig-12 puntos sina Danny Green, David Lee, at Tony Parker.
Matatandaang nagulat ang kanilang fans nang matalo ang kanilang koponan noong linggo kontra New York Knicks.
By Avee Devierte
Pinadapa ng Barangay Ginebra ang Star Hotshots sa game 3 ng kanilang PBA Philippine Cup Semifinals series sa score na 73-62.
Bagama’t 18 minutes lang na sumalang sa laro si Joe Devance ay naramdaman naman ang kanyang presensya matapos gumawa ng crucial lay up na nagbigay sa kanila ng panalo kung saan kumamada siya ng kabuuang Six points at Six boards.
Matatandaang hindi nakasama sa nakaraang tatlong laro ng Ginebra si Devance dahil sa kanyang injury sa kaliwang paa.
Hindi naman sigurado si Gin Kings Coach Tim Cone kung maisasalang niya si Devance sa game 4 bukas.
By: Jelbert Perdez
Nakatakdang makasagupa ni 8th Division World Champion Manny Pacquiao si Australian Olympian Boxer Jeff Horn sa UAE o United Arab Emirates.
Ito ang inihayag ni Michael Koncz, ang adviser ni Pacquiao.
Nauna nang inihayag ni Bob Arum ng Top Rank Promotions na sa Australia gaganapin ang Pacquiao-Horn Fight.
Samantala, welcome naman sa tourism sector sa UAE ang nalalapit na bakbakan ng dalawang mahusay na boksingero.
By Meann Tanbio
Abot kamay na ng Pilipinas ang ikatlong puwesto para sa ASEAN Basketball League na ginagawa ngayon sa Singapore.
ITO’Y makaraang maungusan ng Alab Pilipinas ang koponan ng Singapore sa kanilang overtime sa iskor na 64-62.
Maliban sa matinding depensang naipakita ni Jens Knuttles, naging susi rin sa pagkapanalo ng Pilipinas ang isang three point shoot nito sa nalalabing labing siyam na segundo ng laban.
Bagama’t hawak ng Singapore ang lamang sa unang quarter pa lamang ng laban, nagawa namang makahabol ng Pilipinas at maungusan ito sa huling quarter.
By Jaymark Dagala
Naungusan na ng Talk and Text Tropang Texters ang defending champion San Miguel Beermen sa semi-finals ng 2016-2017 PBA All Filipino Cup.
Liyamado na ang Talk and Text sa kartadang 2-1 makaraang pataubin ang San Miguel sa score na 98-92 sa Game 3 ng kanilang best of seven series sa Araneta Coliseum, kagabi.
Iniangat ng rookie na si Roger Pogoy ang TNT matapos magpakawala ng 22 points kabilang ang anim na three point shot sa loob lamang ng tatlumpu’t apat (34) na minutong paglalaro.
Samantala, kapwa nag-ambag naman ng 18 points sina Marcio Lassiter at Alex Cabagnot para sa SMB.
Aarangkada naman ang Game 4 ng serye sa Mall of Asia Arena, Pasay, bukas.
By Drew Nacino
Muling nalusutan ng Star Hotshots ang Barangay Ginebra San Miguel upang ipako ang 2-0 lead sa kanilang best of 7 series sa semi-finals ng 2016-2017 PBA All Filipino Cup.
Umabante sa serye ang hotshots at tinalo ang Ginebra sa score na 91-89 sa kanilang paghaharap sa MOA Arena, Pasay City.
Nagpakawala ng 17 points si Paul Lee kabilang ang mga clutch shots sa huling bahagi ng game para sa Star.
Muling maghaharap ang dalawang team para sa game 3 sa MOA Arena pa rin.
Samantala, magbabakbakan naman ang defending champion San Miguel Beermen at Talk and Text Tropang Texters sa game 3 ng kanilang serye, sa Araneta Coliseum.
By: Drew Nacino