SPORTS

Muling nalusutan ng Star Hotshots ang Barangay Ginebra San Miguel upang ipako ang 2-0 lead sa kanilang best of 7 series sa semi-finals ng 2016-2017 PBA All Filipino Cup.

Umabante sa serye ang hotshots at tinalo ang Ginebra sa score na 91-89 sa kanilang paghaharap sa MOA Arena, Pasay City.

Nagpakawala ng 17 points si Paul Lee kabilang ang mga  clutch shots sa huling bahagi ng  game para sa Star.

Muling maghaharap ang dalawang team para sa game 3 sa MOA Arena pa rin.

Samantala, magbabakbakan naman ang defending champion San Miguel Beermen at Talk and Text Tropang Texters sa game 3 ng kanilang serye, sa Araneta Coliseum.

By: Drew Nacino

Nangunguna pa rin ang Pilipinas sa larangan ng football sa timog silangang Asya.

Batay sa latest FIFA rankings, napanatili ng Pilipinas ang pwesto nito sa ika-112 kasama ang bansang Iraq.

Ang karibal ng Pilipinas na bansang Thailand ay pang-127 lamang sa world rankings.

Samantala, sa kabuuan, nangunguna pa rin sa FIFA rankings ang Argentina na sinundan ng Brazil, Germany , Chile at Belgium.

Ang African champion naman na Cameroon ay tumalon na sa ika-29 na puwesto ng FIFA rankings mula sa dating ika-33 puwesto.

By   Ralph Obina

Hawak na ng Star Hotshots ang 1-0 lead sa best of seven series ng semi-finals kontra sa kanilang sister team Barangay Ginebra San Miguel.

Nalusutan ng Star ang Barangay Ginebra sa Game 1 sa score na 78-74 sa kanilang paghaharap sa Araneta Coliseum, kagabi.

Hindi binigo ni Paul Lee ang kanyang mga teammate makaraang i-angat ang hotshots sa 18 points habang nag-ambag ng 12 points si Chris Ellis para sa Gin Kings.

Muling magbabakbakan ang dalawang koponan sa Game 2 sa Mall of Asia Arena, Pasay, bukas.

By  Drew Nacino  

Photo Credit: PBA Images 

Tanggap na ni dating World Number One Tiger Woods na hindi niya na maibabalik ang dati niyang galing sa golf.

Ayon sa 14-times major champion , inakala niya noon na hindi na siya muling makakalaro sa elite level.

Ngunit Disyembre ng nakaraang taon, nakabalik sa aksyon si Woods sa Dubai desert classic ngunit sa dulo ay kinailangan ding umatras dahil sa pananakit ng likod.

Sa ngayon maayos na aniyang muli ang kalagayan ni Woods ngunit hindi nga lang aniya tulad ng dati.

Umaasa si Woods na makakapaglaro siyang muli sa US Masters sa darating na Abril.

By  Ralph Obina

Hawak na ng defending champion San Miguel Beermen ang buena manong panalo sa semi-finals ng 2016-2017 PBA All Filipino Cup.

Pinatumba ng Beermen ang Talk and Text Tropang Texters sa score na 111-98 sa Game 1 ng kanilang best of seven series sa Araneta Coliseum, kahapon.

Ibinaon ni Marcio Lassiter ang 22 points, 8 rebounds at five assists habang sumalasak ng 21 points si June Mar Fajardo para sa SMB.

Muling maghaharap ang dalawang koponan sa Mall of Asia Arena para sa game 2, bukas.

Samantala, lalarga na rin ang Game 1 ng best of 7 series sa pagitan ng Barangay Ginebra San Miguel at Star Hotshots sa “Big Dome” mamaya.

By  Drew Nacino   

Photo Credit: PBA Images 

Tinapos na ng Charlotte Hornets ang sunud-sunod na pagkatalo ng kanilang koponan.

Ito ay makaraang pataubin ng Hornets ang kalabang Brooklyn Nets sa iskor na 111-107.

Nanguna sa panalo ng Hornets si Kemba Walker matapos kumamada ng labing pitong (17) puntos.

Dahil dito, lalo pang nalubog sa pagkatalo ang Nets na mayroon nang apatnapu’t apat (44) mula sa limampu’t dalawang (52) panalo nito.

By   Ralph Obina    

Laglag na sa unang round pa lamang ng Davis Cup ang defending champion na Argentina.

Ito ay makaraang talunin ng Italy ang Argentina sa pamamagitan ni Fabio Fognini.

Pinayuko ni Fognini ang pambato ng argentina na si Guido Pella sa men’s singles sa iskor na 2-6, 4-6, 6-3, 6-4 at 6-2.

Dahil dito, susunod na makakaharap ng Italy sa quarterfinals ang koponan ng Belgium na idaraos naman sa buwan ng Abril.

By Ralph Obina

Maghaharap na sa semi-finals ng 2017 PBA All Filipino Cup ang defending champion San Miguel Beermen at Talk and Text Tropang Texters.

Magugunitang dalawang sunod na tinalo ng Texters ang Global Port Batang Pier sa quarterfinals.

Hindi nakasungkit ng kahit isang panalo ang Global Port at nalusutan sa score na 95-90 ng TNT sa kanilang paghaharap sa Araneta Coliseum, kahapon.

Pasok na rin sa semi-finals ang Star Hotshots makaraang hindi papormahin ang Phoenix Fuel Masters sa kartadang 2-0 ng kanilang best of 3 game series.

Tinambakan ng Star ang Phoenix sa score na 91-71 sa kanilang huling sagupaan sa The Big Dome upang maka-abante sa semis.

Makakaharap ng Hotshots ang sinumang mananalo sa pagitan ng Alaska Aces at Barangay Ginebra Gin Kings.

By  Drew Nacino   

Photo Credit: PBA Images