Pinangunahan ni Russel Westbrook ang panalo ng Oklahoma City Thunder kontra Memphis Grizzlies.
Sumiklab ng husto si Westbrook pagsapit ng ika-apat na quarter ng laro saan ay nakatipa ito ng labing siyam (19) na puntos.
Sa kabuuan ng laro, nakapagtala si Westbrook ng apatnapu’t dalawang (42) puntos, walong (8) assists at apat (4) na rebounds.
Tinapos ng Thunder ang laban kontra Grizzlies sa iskor na 100-93.
By Ralph Obina
Pasok na sa semi-finals ng 2016-2017 PBA All Filipino Cup ang defending champions San Miguel Beermen.
Pinataob ng SMB ang Rain or Shine Elasto Painters sa score na 98-91 sa Game 1 pa lamang ng quarterfinals sa Ynares Center, Antipolo City.
Bagaman humabol ang Elasto Painters sa huling isang minuto at sampung segundo ng 4th quarter, hindi na nakaporma ang team dahil sa ipinamalas na opensa ni RR Garcia na nagpawakala ng 25 points para sa Beermen.
Nakadagdag pa sa panalo ng San Miguel ang matinding depensa ni Gabby Espinas sa third quarter at mga pinakawalang tres ni Arwind Santos.
Makahaharap ng Beermen sa semi-finals ang sinumang mananalo sa pagitan ng Talk and Text Tropang Texters at Global Port Batang Pier.
By Drew Nacino
Photo: PBA Images
Umani ng papuri mula sa kanyang teammates ang bagong Captain ng Ateneo Lady Eagles na Si Jia Morado.
Kasunod ito ng pagkapanalo ng kanilang koponan kontra University of Santo Tomas Golden Tigresses sa unang sabak nila noong Sabado sa UAAP Season 79 Women’s Volleyball Tournament.
Mula naman sa panig ni Morado, pinuri nya rin ang mga kakamping sina Kat Tolentino at Maddie Madayag na kapwa naging masigasig sa kanilang pagsasanay at sa aktwal na laban.
Matatandaang wala sa lineup ng Lady Eagles si Tolentino noong nakaraang season gayundin si Madayag noong isang taon dahil sa kani-kanilang injury.
By Avee Devierte
Photo Credit: Jia Morado's Instagram
Nakatakdang idepensa ni Golden State Warriors guard Klay Thompson ang kampeonato sa NBA 3-point contest na parte ng All-Star Weekend sa New Orleans na gaganapin sa February 18.
Ang 8-player event ay dadaluhan din nina Aaron Gordon ng Orlando Magic na makakalaban sina DeAndre Jordan ng Los Angeles Clippers, Derrick Jones ng Phoenix Suns at Glenn Robinson ng Indiana Pacers para sa Slam Dunk competition.
Bagamat nakatanggap ng imbitasyon, hindi naman makakasali si Minnesota Timberwolves guard Zach LaVine sa kumpetisyon gayundin ang 2-time MVP player na si Stephen Curry.
Ang 8 manlalaro ay magpapakitang gilas sa dribbling, passing, agility at three-point shooting prowess.
Nanawagan ang gobyerno ng Japan sa kanilang mga kababayan na mag-donate ng mga sira at hindi na nagagamit na mobile phones at electronic gadgets na gagamitin para sa mga gagawing medalya para sa 2020 Tokyo Olympics.
Nais ng organizers ng Tokyo Olympics na maiba sila at maalala sa pagiging eco-friendly.
Target ng Japan na makalikha ng may limanlibong (5,000) recycled na medalya.
Matatandaang sa nagdaang Rio Olympics, tatlumpung (30) porsyento ng medalya ay gawa rin sa mga niresiklong materyales.
By Ralph Obina
Sinelyuhan na ng Alaska Aces ang 2nd spot upang umabante sa quarterfinals ng 2016-2017 All Filipino Cup ng PBA.
Pinadapa ng Alaska ang Rain or Shine Elasto Painters sa score na 94-89 sa kanilang paghaharap sa Cuneta Astrodome, sa Pasay City, kagabi.
Kumonekta ang lima sa anim na 3-point shot attempt ni Jayvee Casio upang makapag-ambag ng 25 points para sa Aces habang nagpakawala ng 16 points si Gabe Norwood para pangunahan ang Rain or Shine.
Kapwa hawak ng Alaska at Star Hotshots ang kartadang 7 wins at 4 losses pero dahil tinalo ng Aces ang Star noong January 11, nasungkit ng team ang number 2 spot at twice-to-beat advantage.
Makakaharap naman ng Alaska sa quarterfinals ang Barangay Ginebra Gin Kings.
By Drew Nacino
Photo Credit: PBA Media Bureau
Nasungkit ng Washington Wizards ang ika-15 sunod na panalo nito sa nagpapatuloy na NBA games.
Ito ay matapos pataubin ng Wizards ang kalabang New York Knicks sa iskor na 117-101.
Pinangunahan ni Bradley Beal ang panalo ng Wizards makaraang kumopo ito ng 28 puntos.
Ito na ang pinakamahabang home win streak ng Wizards na huling nasungkit ang kampeonato nuon pang 1979.
By: Ralph Obina
Nag-desisyon na ang koponan ng defending champion na Cleveland Cavaliers na maghanap at tumanggap ng free agents para tulungan si Lebron James na mapahusay ang laro ng team matapos masadlak sa 7 wins at 8 lossess ang kartada ng Cavs.
Tugon ito ng Cavaliers sa panawagan ni Lebron na magdagdag ng playmaker sa koponan bilang reserba sa kanilang point guard na si Kyrie Irving.
Kabilang sa mga kinukunsiderang kunin ng Cavs ay sina veteran point guards Mario Chalmers at Kirk Hinrich.
Maliban dito, nais din makuha ng Cavs si dating New Orleans Forward Lance Stephenson.
Sinasabing maraming bakanteng roster spot sa Cavs lalo’t pakakawalan na rin ng Cleveland si Achris Anderson na mayroong knee injury.
By Ralph Obina
Bukas si Top Rank Boss Bob Arum sa posibleng paghaharap nina fighting Senator Manny Pacquiao at Mixed Martial Arts superstar Conor McGregor.
Sinabi ni Arum na magiging madali para kay Pacquiao na labanan si McGregor at gusto niyang mangyari ito.
Una nang sinabi ni McGregor na gusto niyang labanan si Pacquiao kung hindi matutuloy ang kanilang pagtutuos ni Floyd Mayweather Jr.
By Katrina Valle
Nanaig ang Altanta Hawks laban sa New York Knicks sa kanilang matinding game na inabot ng 4 overtime at halos apat na oras.
Nalusutan ng Hawks ang New York sa score na 142-139 sa kabila ng dikdikang performance ni carmelo Anthony ng Knicks na nagpakawala ng season-high 45 points.
Tinapatan naman ito ng double-doubles na 37 points at 19 rebounds ni Paul Millsap ng Atlanta.
Aminado naman si Millsap na bagaman naging maatikabo ang kanilang sagupaan ay hindi na niya uulitin ito dahil nakapapagod maglaro ng halos apat na oras sa court.
Sa kasaysayan ng National Basketball Association ay bihirang umabot sa four overtime ang mga game.
Hawak na ng Hawks ang kartadang 28-20 at nakapako sa 8th spot sa Eastern Conference Division habang nasa bottom 5 ng naturang dibisyon ang New York.
By Drew Nacino