SPORTS

Matagumpay na naidepensa ng Pinoy Boxer na si Jerwin Ancajas  ang kanyang IBF Super Flyweight Crown kontra sa Mehikanong si Jose  Alfredo Rodriguez via technical  knockout.

Dinomina  ng 25 anyos na si Ancajas  ang   laban   dahilan upang    umatras ang kampo  ni Rodriguez  bago pa   man  magsimula ang  ika -8 round.

Ayon kay Ancajas, nagawa niya ng batay sa plano na kontrahin ang jab at  straight ng Mexican  challenger.

Inialay ni  Ancajas sa diyos at sambayanang Pilipino ang tagumpay niyang ito.

Ginanap ang bakbakang Ancajas at Rodriguez sa Cotai Arena sa  Macau.

By: Ralph Obina

Wala ng rason upang magkaroon ng ika-limang laban sina 8 Division World Champion Manny Pacquiao at Juan Manuel Marquez.

Ito ang nilinaw ni Marquez sa gitna ng balitang  pursigido ang ilang television network na mag-invest ng hanggang 60 Million Dollars upang matuloy ang rematch nila ni Pacman sa Pilipinas.

Ayon kay El Dinamita, hindi na siya interesadong sagupain si  Pacquiao na kanyang tinalo via  knockout noong 2012.

Kahit anya alukin siya ng 100 Million Dollars ay hindi siya pupunta ng Pilipinas para lang makipag-suntukan sa Pambansang Kamao.

Gayunman, handa ang  43 anyos na Mexican Legend na basagin ang kanyang mahigit dalawang taong pagpapahinga sa boxing at bukas na makabakbakan ang kapwa latinong si Jose Miguel Cotto ng Puerto Rico.

Anya, tatansahin pa niya ang kanyang  physical ability at susubukang bumalik sa  gym sakaling mayroong mga posibleng makakalaban.

By: Drew Nacino

Sisikapin ng Alab Pilipinas na makabangon mula sa pagkatalo sa nakaraan nilang laban sa pakikipagtuos nila sa Saigon Heat ng Vietnam sa ABL o Asean Basketball League mamayang gabi.

Magaganap ang bakbakan ng Alab at Heat sa Olivarez College Gym sa Parañaque City bandang alas-8:00 ng gabi.

Matatandaang nabigo ang mga Pinoy sa kamay ng Hong Kong Eastern Long Lions noong linggo kahit naka-score sina Bobby Ray Parks Jr. at James Hughes ng pinagsamang 42 points.

Masaklap ang pagkatalo na iyon ng Pilipinas sa Long Lions dahil doon natapos ang kanilang 3-game winning streak at nalugmok pa sila sa rekord na 5 wins at 3 losses.

By  Jelbert Perdez

Photo Credit: ASEAN Basketball League

Naitala ang kauna-unahang pagkatalo ng Pinoy boxer na si Melvin Jerusalem sa kabila ng labing isang (11) panalo nito sa ring.

Ito’y makaraang nakaharap ni Jerusalem ang Thai boxer na si Wanheng Menayothin sa Phitsanulok sa bansang Thailand.

Pagtama ng below belt na suntok mula sa Thai boxer sa ika-walong round ang dahilan kaya’t unti-unti nitong naungusan si Jerusalem sa pagpapatuloy ng laban.

Dahil dito, bigo si Melvin na masungkit ang WBC o World Boxing Confederation World Minimumweight Title.

By  Jaymark Dagala

Wala pang naisasarang kasunduan sa susunod na laban ni Senador Manny Pacquiao.

Ayon mismo kay Pacquiao, hindi pa tapos ang negosasyon sa kampo ni Australian boxer Jeff Horn na sinasabing susunod nyang makakalaban.

Sinabi ni Pacquiao na marami syang natatanggap na alok mula sa iba pang mga bansa kayat wala pang katiyakan na si Horn na ang susunod nyang makakaharap sa ring.

Samantala, iginiit ni Pacquiao ang kagustuhan nitong makalaban si Mixed Martial Arts Star Conor Mcgregor sakaling hindi matuloy ang laban nito kay Floyd Mayweather.

By  Len Aguirre

Dapat talasan ni Senador Manny Pacquiao ang pagtutok nito kay Australian boxer Jeff Horn.

Payo ito ni South African boxer Ali Funeka kay Pacquiao matapos amining siya ay tila nalinlang ng Australian boxer.

Sinabi ni Funeka na nagkamali siya sa naging pagtantya niya sa kakayahan ni Horn na ibang iba ang ipinakitang galing kumpara sa mga napanood niyang video nito sa mga nakalipas na laban ng Australiyano.

Inamin ni Funeka na nagulat siya sa naranasan niya kay Horn sa kanilang laban na malalakas na suntok na uubra aniyang lumumpo sa senador kapag nagkaharap na sila ng tuluyan ng Australian boxer.

Magugunitang napabagsak ni Horn si Funeka sa ika-anim na round ng kanilang sagupaan.

By Judith Larino   

Kinumpirma ni Gilas Pilipinas Head Coach Chot Reyes na hawak na ng team ang homecourt advantage sa 2017 South East Asian Basketball Association o SEABA Championship.

Ayon kay Reyes, ini-award sa Pilipinas ang hosting rights para sa regional tournament na gaganapin sa Metro Manila sa Abril 23 hanggang 30.

Hindi naman tinukoy ni Coach Chot kung saang partikular na lugar sa Metro Manila idaraos ang nasabing torneyo.

Ang SEABA ang magsisilbing qualifying tournament ng 2017 FIBA Asia Championship sa Lebanon, sa Agosto 17 hanggang 27.

Makakalaban ng Gilas sa SEABA ang Malaysia, Singapore, Vietnam, Thailand, Indonesia, Myanmar at Singapore.

By Drew Nacino | Real Sports ni Anthony Suntay

Bigo nang makausad pa sa Australian Open ang top seed at kasalukuyang champion na si Angelique Kerber sa ika-apat na round sa kamay ni Coco Vandeweghe ng Amerika.

Nakuha ng US Tennis Star ang panalo sa score na 6-2, 6-3 sa laban nila ni Kerber sa Rod Laver Arena .

Ito ang pinakamaagang exit ng German superstar at world’s number one kung saan nakuha niya ang kampeonato sa US Open noong isang taon.

By Judith Larino  

Photo Credit: Reuters