Tatangkain muli ng Pilipinas na sumungkit ng gintong medalya sa larangan ng billiards at snooker sa 29th Southeast Asian Games na gaganapin sa Kuala Lumpur, Malaysia, simula Agosto 19 hanggang 30.
Pangungunahan ang 11-man billiard at snooker team ng SEA Games gold medalist na si Rubilen Amit at apat (4) na iba pang world ranking local cue artist.
Sasargo si Amit sa 9-ball singles event ng women’s at dedepensahin ang kanyang titulo.
Magsisilbi namang all-arround players ang mga veteran at dating world titlist na sina Efren “Bata” Reyes, Warren Kiamco at Efren de la Cruz sa singles and doubles event ng bilyar.
Samantala, nakatakdang ipresenta ngayong araw ni Cynthia Carreon, Pangulo ng Philippine Gymnastics Association at Chef-de-Mission ng Philippine Delegation sa Philippine Olympic Committee Board ang official line-up ng mga atleta at opisyal na lalahok sa SEA Games.
By Drew Nacino
Target makuha ng Cleveland Cavaliers si Paul Georege ng Indiana Pacers.
Ito ay para mapalakas ang puwersa ng Cavs sa susunod na season.
Plano ng Cavs na ipalit si George kay Kevin Love na ipapadala naman sa koponan ng Denver Nuggets.
Bukod kay George, tinatarget din ng Cavs na makuha si Carmelo Anthony matapos itong pakawalan ng New York Knicks.
Kung maisasakatuparan, inaasahang lalakas ang Cavs kung saan may makakatuwang na sina Lebron James at Kyrie Irving.
By Ralph Obina
Nagsimula na ang training ni 8th Division World Champion Manny Pacquiao sa Autralia.
Sinimulan ito ni Pacquiao sa pamamagitan ng 6.5 kilometrong pagtakbo kaninang umaga.
Tinapos ng Pambansang Kamao ang pagtakbo nito sa loob ng mahigit tatlumpung (30) minuto.
Matapos nito ay naka-iskedyul din si Pacquiao sa sparring sessions nito laban sa Australian boxer na si George Kambosos.
Ang bakbakang Manny Pacquiao at Jeff Horn na tinaguriang Battle of Brisbane ay gaganapin sa Suncorp Stadium sa Hulyo 2.
By Ralph Obina
Tumulak na patungong Brisbane, Australia si Fighting Senator Manny Pacquiao.
Ito’y para sa laban nila ni Jeff Horn sa Hulyo 2.
Nagrenta umano ng isang eroplano si Pacquiao para mabitbit ang nasa dalawang daang (200) indibidwal na makakasama niya papuntang Australia.
Bago umalis, nag-ensayo muna ang Pambansang Kamao.
Inikot niya ng animnapung (60) beses ang kanyang basketball court na sinundan ng footwork drills, shadow boxing at abs routine.
Samantala, ayon sa coaching staff ni Pacquiao, maganda ang ipinakitang kondisyon ni Pacman sa training.
By Jonathan Andal
Sosorpresahin umano ni Jeff Horn si Manny Pacquiao ng kanyang mga suntok na mala-Juan Manuel Marquez.
Ayon kay Horn, pinanood niya ang mga naging laban ni Pacman noon at ang pinakatumatak sa kanya ang knockout punch ni Marquez noong 2012 na nagpatumba kay Pacquiao sa ika-anim na round.
Ito anya ang gagayahin niya sa July 2 oras na magkaharap sila ni Pacman sa Brisbane, Australia
Bukod dito, sinusubukan na rin daw ni Horn ang iba’t ibang stratehiya para masigurong dadapa sa ring ang Pambansang Kamao.
By Jonathan Andal (Patrol 31)
Kumpiyansa ang Team Pacquiao na mananaig ang bilis at karanasan ni Senator Manny Pacquiao sa kanilang bakbakan sa ring ni Australian boxer Jeff Horn.
Ayon kay Coach Freddie Roach, wala na siyang mahihingi pa kay Pacman at handang-handa na ito sa kanilang sagupaan.
Una nang sumalang si Pacquiao sa anim na rounds ng sparring sa Pacman Wild Card Gym sa General Santos City.
Dito ay ipinamalas ng Pambansang Kamao ang kanyang power at kombinasyon na nais makita ni Roach mula sa eight-division world champion para sa kanilang upakan ni Horn sa Hulyo 2.
Isiniwalat ni Roach na pinatumba ni Pacquiao nang dalawang beses ang kanyang Mexican sparring partner kaya’t kuntento at masaya siya ngayong nasa ‘attack mode’ na ang Pinoy ring icon.
Nagsisilbi namang main sparring partner ni Pacquiao si Australian George Kombosis na kababayan ni Horn.
By Jelbert Perdez
Nakuha na ng Minnesota Timberwolves si 3 Time All-Star Jimmy Butler mula sa Chicago Bulls matapos ang ginanap na NBA draft deal.
Dahil dito, muling magkakaroon ng reunion si Butler sa dati niyang coach na si Tom Thibodeau.
Napunta din sa Timberwolves ang Number 16 Overall Pick na Justin Patton na big man mula sa Creighton.
Sa panig naman ng Bulls, nakuha naman nila ang guards na si Kris Dunn at Zach Lavine.
By Ralph Obina
Pinayagan ni Floyd Mayweather si Conor McGregor na gumamit lamang ng isang MMA o Mixed Martial Arts moves sa kanilang paghaharap sa Agosto 26.
Ipinabatid ni Showtime Executive Vice President Stephen Espinoza na ang tinatawag na superman punch lamang ang uubrang gamitin ng UFC Star sa laban nila ni Mayweather.
Ang nasabing MMA move naman aniya ay bahagi ng rules sa boxing.
Ang superman punch ay ginagamit sa Muay Thai, Sanshou at Burmese boxing.
By Judith Estrada – Larino