Pinalitan ng Star Hotshots ang kanilang import matapos lamang ang isang laro sa pagsisimula ng 2017 PBA Governor’s Cup.
Ipinabatid ni Star Coach Chito Victolero na pinalitan ni Malcolm Hill ang kanilang import na si Cinmeon Bowers.
Sinabi ni Victolero na kuntento naman siya sa performance ni Bowers subalit kailangan aniya niyang mag-adjust ng kanyang sistema.
Ang 21-anyos namang si Hill ay naglaro ng apat na season sa Illinois subalit hindi nakasama sa draft ng 2017 NBA Draft.
Ang Star Hotshots ay ikalawang team sa PBA na nagpalit ng import na una nang ginawa ng Global Port.
By Judith Larino
Photo Credit: PBA Images
Nasungkit ni Jordan Spieth ang kampeonato sa British Open.
Nakaligtas si Spieth mula sa roller coaster round kung saan tinalo nito ang kapwa American golfer na si Matt Kuchur sa pamamagitan ng tatlong strokes.
Nakapagrehistro si Spieth ng one under par final round na 69.
Ito na ang ikatlong major title na hawak ni Spieth.
By Ralph Obina
*USA Today Photo
Pasok na ang national basketball team na Gilas Pilipinas sa ika-apat na puwesto sa ika-39 na William Jones Cup.
Ito’y makaraang talunin ng Gilas ang bansang Iran sa iskor na 90 – 82 na siyang naglagay sa Pilipinas sa ika-anim nitong panalo.
Gayunman, una nang naiulat na hindi na makapapasok sa title bid ang Gilas sa Jones Cup makaraang matalo ito sa tatlong bansa tulad ng South Korea, Canada at Lithuania.
Magugunitang defending champion ang Pilipinas sa nasabing torneyo noong nakalipas na taon.
By Jaymark Dagala
Hawak na ng Gilas Pilipinas ang kanilang ika-limang panalo sa nagpapatuloy na 39th William Jones Cup sa Taipei, Taiwan.
Sa ika-walong game, tinambakan ng Pilipinas ang India sa score na 101-70 sa kanilang paghaharap sa Taipei peace basketball hall, kahapon.
Pinangunahan ng 19 points ni Matthew Wright ang Philippine national basketball team.
Nasa ika-apat na pwesto na ang pilipinas sa kartadang 5-3 at kailangang talunin ang Iran mamaya sa final game upang masungkit ang 3rd spot.
Samantala, nangunguna pa rin ang team Canada 150 sa kartadang 7 wins at 1 loss.
By Drew Nacino
Target ngayon ng Cleveland Cavaliers na mapirata ang free agent guard na si Derrick Rose mula sa koponan ng New York Knicks.
Nais na makuha ng Cavs ang dating MVP na si Rose para mapalakas ang kanilang koponan bilang paghahanda sa pagbawi ng kampeonato mula sa Golden State Warriors.
Handang mag-alok ang Cleveland ng isang taong kontrata para sa minimum ni Rose na mayroong 21.3 million dollars salary sa Knicks noong nakaraang season.
Maliban sa Cavs, sinasabing interesado din ang Los Angeles Lakers na makuha si Rose.
By Ralph Obina
Pinataob ng Gilas Pilipinas ang tropa ng Iraq sa pagpapatuloy ng William Jones Cup sa Taipei.
Nagbida sa panalo ng Gilas ang import na si Mike Myers na nakapagtala ng 16 points at 18 rebounds.
Nagtala naman ng 13 points at anim na assists si Kiefer Ravena at 12 points naman si RR Pogoy.
Nakalamang pa ang Iraqi team sa pagsisimula ng laro hanggang tuluyang nakuha ng Gilas ang kalamangan hanggang sa huling quarter.
Naitala sa 84-75 ang final score sa bakbakan ng Gilas at tropa ng Iraq.
Sunod na makakaharap ng Gilas ang Lithuania sa pagtatangkang makahablot ng medalya.
By Judith Larino
Positibo ang Filipino-Australian golfer na si Jayson Day sa pagsabak nito sa British Open.
Ito ay kahit pa hindi na siya nakapag-ensayo at late nang dumating sa Royal Birkdale dahil sa mga na-delay na flight sa New York.
Lumalabas na na-delay ang maraming flight sa New York dahil sa pagbisita ni US President Trump sa US Women’s Open.
Ayon kay Day hindi ito ang unang pagkakataon na na-delay ang kanyang laban dahil sa Presidente.
By Ralph Obina
Naglaro, nagpursige subalit nabigo pa rin.
Ito ganito ang naging kapalaran ng Gilas Pilipinas sa pagsagupa sa tropa ng South Korea sa pagpapatuloy ng William Jones Cup basketball tournament sa Taiwan.
Tinangka pang humabol ng Gilas subalit sadyang pinalakas ng Korea ang grupo nito kayat naitala sa 83-72 ang final score.
Dahil sa nasabing pagkatalo, rumehistro sa 3-2 win loss record ang Gilas Pilipinas sa 10 team tournament.
By Judith Larino
Ipagpapaliban muna ni four-time NBA Champion Manu Ginobili ang plano nitong pagreretiro sa koponan ng San Antonio Spurs.
Ayon sa sources, hihirit pa ng isang taon si Ginobili bago ito tuluyang tumigil sa professional basketball.
Ang NBA All-Star Guard mula sa Argentina na si Ginobili ay isa sa mga most accomplished players sa international basketball kung saan ay nakapanalo ito ng Olympic gold medal at naging MVP din sa Euro league.
Noong nakaraang season, si Ginobili ay may labing apat na milyong dolyar na kontrata sa Spurs sa kabila ng career low nitong 7.5 points sa loob ng labing siyam na minuto sa animnaput siyam na laro ng koponan noong nakaraang season.
- Ralph Obina