Nasilat ng Boston Celtics ang panalo kontra Philadelphia 76ers.
Hindi pinaporma ng Celtics ang 76ers at tinapos ang laban sa iskor na 114 -103.
Nanguna sa panalo ng Celtics si star guard Kyrie Irving na tumipa ng 20 puntos , 7 assists at 6 na rebounds.
Sinegundahan naman ito ni Marcus Morris na sumikwat ng 19 na puntos.
Una rito, malakas na nagsimula ang 76ers sa unang half ng laro ngunit binasag ng Celtics ang momentum ng kalabang koponan.
Puspusan na ang paghahanda ni dating 4-Division Boxing Champion Nonito Donaire Jr. para sa laban nito kontra sa Irish boxer na si Carl Frampton sa darating na Abril.
Ayon sa The Filipino Flash, nasasabik na siyang muling sumampa sa ring at makaharap si Frampton na personal na pumili sa kanya para makalaban.
Sinabi ni Donaire na malaking hamon sa kanya ang naturang laban lalo’t gagawin ito sa balwarte ni Frampton sa Belfast, Northern Ireland.
Pinayuko ng Magnolia Hotshots ang Kia Picanto sa kanilang laro sa PBA Philippine Cup sa Araneta Coliseum sa iskor na 124-77.
Bumida sa panalo ng Magnolia si Justin Melton na nakapagtala ng 23 puntos, 6 na rebounds at 8 assists.
Habang sumikwat naman si Ian Sangalang ng 21 puntos at 9 na rebounds.
Sa simula pa lamang ng laro ay nanguna na ang Hotshots hanggang naungusan na nito ang Picanto sa huling kwarter ng laro.
Dahil sa naitalang panalo ng Hotshots, mayroon na itong dalawang panalo at isang talo.
Tinambakan ng Minnesota Timberwolves ang koponan ng NBA superstar na si Lebron James na Cleveland Cavaliers sa kanilang huling paghaharap.
Nabigong makaporma si James kung saan umabot ng 41 points ang lamang ng Timberwolves sa Cavaliers sa third quarter ng laban kung saan nagtapos sa score na 127 – 99.
Sa katunayan umabot lamang sa 10 points ang nagawa ni James.
Nanguna sa Timberwolves sina Andrew Wiggins na kumamada ng 25 points at Jimmy Butler na nakagawa ng 21 points habang nakapag-ambag din si Karl Anthony Downs sa score na 19 points at 12 rebounds.
Samantala, nakatakda namang susunod na makalaban ng Minnesota Timberwolves ang Oklahoma sa Huwebes habang kakaharapin ng Cleveland Cavaliers ang Toronto sa Biyernes.
Kuntento si Coach Chot Reyes sa unang araw ng ensayo ng Gilas Pilipinas.
Ayon kay Reyes, hindi siya nagsisisi sa pagpili sa mga isasabak sa ikalawang round ng 2019 FIBA World Cup Qualifiers.
Sinabi nito na napili ang mga pambato ng Pilipinas base sa kanilang husay para makapagtala ng puntos.
Matatandaang dumalo ang labing apat (14) na manlalaro ng Gilas na sinaksihan ng mga opisyal ng Samahang Basketball ng Pilipinas o SBP.
Nasilat ng Miami Heat ang panalo sa Utah Jazz.
Ito ay makaraang makapuntos ng dalawa si Miami Forward Josh richardSon sa pamamagitan ng lay-up sa nalalabing 5.1 segundo ng fourth quarter.
Ayon kay Miami Coach Erik Spoelstra, maganda ang ipinakitang laro ng Jazz ngunit hindi pa rin aniya padadaig ang mga manlalaro ng Miami.
Sa naturang laban, kumana rin ng tig-16 na puntos sina Goran Dragic at Tyler Johnson para sa Heat.
Dahil dito, naitala din ang ika-apat na sunod na panalo ng Heat.
Nakapagtala ng season-high 45 points si Stephen Curry sa loob lamang ng 29 na minuto sa court.
Ito ay sa game ng Golden State Warriors kontra LA Clippers ngayong Linggo, Enero 7, kung san nagwagi ang Warriors sa iskor na 121-105.
Sa first quarter pa lamang, labing pitong (17) puntos na ang naiambag ni Curry sa Warriors habang hindi na ito pinapasok sa ikaw-4 na kwarter ng laro.
Naipasok ni Curry ang labing isa (11) sa dalawangpo’t isang (21) pagtira ng bola, walo (8) dito ang three pointers shot.
Ito na ang ika-apat na magaksunod na panalo ng Warriors.
Balik volleyball na si dating UP Libero Pia Gaiser matapos ang siyam (9) na buwang pagpapahinga dahil sa tinamo nitong injury sa tuhod.
Kinumpirma mismo ni Gaiser sa kanyang Twitter account na pumirma siya ng kontrata sa Petron Blaze.
Ayon sa management nito na Virtual Playground, sasabak na sa court si Gaiser bitbit ang bandera ng Petron sa 2018 Philippine Superliga o PSL Grand Prix na magsisimula sa Pebrero.
Welcome to our family @piagaiser and Welcome back to your Volleyball playground! Goodluck on your PSL debut! @Volleyverse @spinph pic.twitter.com/ebzvAyHBbb
— Virtual Playground (@VPlaygroundPH) January 5, 2018
Noong Marso ng nakaraang taon, napunit ang anterior cruciate ligament (ACL) sa kaliwang tuhod ni Gaiser sa kalagitnaan ng UAAP Season 79 Women’s Volleyball Tournament.
Nakatakda ng buksan ng boxing icon na si “Iron Mike” Tyson ang kanyang marijuana plantation o rancho sa California.
Ito’y makaraang i-legalized ng California state ang pagbebenta ng non-medical marijuana, noong unang araw ng bagong taon.
Ang nasabing plantasyon na tinawag na “Tyson Ranch” ay matatagpuan sa California City, malapit sa Death Valley National Park.
May lawak itong 40 acres o 16.2 hectares at nakalaan para sa produksyon ng high-quality marijuana kung saan magtatayo rin ng isang supply store, extraction facility, edible factory, cultivation school upang hasain ang mga grower at magkakaroon smoker-friendly campgrounds at cabins.
Gayunman, wala pang eksaktong petsa kung kailan bubuksan ang nasabing marijuana ranch na pinasinayaan ni Tyson kasama ang kanyang mga business partner noong December 27.
Hindi muna makakapaglaro si Terrence Romeo sa unang laban ng Gilas Pilipinas ngayong taon para sa ikalawang leg ng Asian Qualifiers ng FIBA.
Nabatid na ilang buwan munang magpapahinga si Romeo dahil kailangan muna niyang pagalingin ang kaniyang knee contusion injury.
Una rito, hindi nakasama si Romeo sa inilabas ni Coach Chot Reyes na listahan ng mga bubuo sa Gilas Pilipinas na magsisimulang mag-training sa Lunes.
Tutulak pa Melbourne, Australia ang Gilas Pilipinas para harapin ang Australia sa Margaret Court Arena sa February 22 at babalik ng bansa para labanan ang tropa ng Japan sa February 25.