SPORTS

Nagtapos sa ika-walong pwesto ang Pinoy wheelchair racer na si Jerrold Mangliwan sa finals ng 400-meter T52 event sa 2024 Paris Paralympics.

Nakapagtala si mangliwan ng 1 minute and 4.55 seconds sa nasabing kompetisyon.

Nakuha naman ng pambato ng Belgium na si Maxime Carabin ang gintong medalya habang nasungkit naman ng mga pambato ng Japan na sina Tomoki Sato at Tomoya Ito ang silver at bronze medals.

Samantala, nakatakda namang sumabak ang Pinoy wheelchair racer sa Men’s 100m-T52 race sa darating na September 6, araw ng Biyernes.

Kinoronahan bilang mga kampeon, ang Taguig City Generals sa season 2023 ng NBL Chairman’s Cup!

It was a clean sweep para sa Taguig matapos nilang ma-three-zero ang Cam Sur Express. Natapos ang game 3 na may final score na 94 to 85.

Inaasahan na makakabawi ang Cam Sur, dahil sila ang mayroong home court advantage, matapos isagawa ang game 1 at game 2 sa court ng Taguig ngunit nagdikit man ang score, nabigong makahabol ang Cam Sur.

Sa 1st half, maganda kaagad ang tempo ng Generals at nagawa pa nilang magtanim ng malaking lead sa iskor na 56 to 36. ‘yan ay sa tulong ng secret weapons ng Taguig off the bench na sina Mark Ordoñez at Harvey Subrabas.

Ngunit pagdating ng 4th quarter, bahagyang nag-iba ang ihip ng hangin matapos mahabol ng Express ang 24-point lead ng Generals.

Pero hindi nagpabaya ang Taguig at hindi sinayang ang bawat possession.

Ito na ang ikaapat na championship ng Taguig City Generals sa National Basketball League, kung saan una silang nagkampeon noong 2019, season 2022 ng Chairman’s Cup at President’s Cup, at ngayong Chairman’s Cup season 2023.

Bukod pa riyan, gumawa rin sila ng kasaysayan dahil sila ang kauna-unahang team sa NBL na nagkaroon ng apat na kampeonato at back-to-back na pagkapanalo.

Dikit ang naging laban sa pagitan Taguig City Generals at Cam Sur Express, sa game 2 ng best-of-five series ng NBL Chairman’s Cup finals.

Matatandaan na target ng Taguig na ma-two-zero ang Cam Sur, but of course hindi nagpatalo ang Cam Sur at gusto ring makuha ang panalo.

Natapos ang regulation na may final score na 91 to 85.

Sa una pa lamang, mayroon na kaagad high percentage shooting ang dalawang koponan, kung saan natapos nila ang first quarter na parehong may 31 points.

Pagdating ng 2nd quarter, mas humigpit ang depensa ng Express at sila’y nakakagawa ng good plays, kung saan nakuha pa nila ang lead sa halftime.

Sa 3rd quarter, umarangkada ang season mvp na si Mike Sampurna, pero palaging may sagot ang Cam Sur dito.

Last quarter, dito na nabago ang kapalaran ng Cam Sur at pumabor na ang laban sa Taguig ‘yan ay sa pamamagitan ng teamwork ng Generals, sa pangunguna ng duo na sina Mike “The Forest Hunter” Sampurna at ang “Junior Defense Minister” na si Lj mayo.

Magtutuos muli ang Cam Sur at Taguig para sa game 3, mamaya na yang ala sais trenta ng gabi!

Sa nalalapit na pagtatapos ng elimination round ng season 2 ng Pinoyliga Next Man Cup, nagtuos ang dalawang koponan mula sa national Collegiate Athletics Association (NCAA) – ang San Beda University Red Lions at ang College of St. Benilde Blazers.

Ang match up sa pagitan ng dalawang koponan, ay isa sa mga larong pinaka-a-abangan dahil ilan sa mga manlalaro ng St. Benilde, ay recruits mula sa San Beda.

Bukod pa riyan, sa laban na ito, nakataya ang kapalaran ng team na makakakuha ng twice-to-beat advantage sa playoffs.

Sa 1st quarter, mabilis nakapag-capitalize ang Red Lions at kanilang na-me-maintain ang double-digit lead habang humahabol ang blazers.

Ngunit pagpasok ng 3rd quarter, dumikit na ang score ng Benilde sa San Beda dahil na rin sa magandang ball-movement ng team.

At bago ang 5-minute mark ng last quarter, napigilan na ng blazers ang run ng lions nang makakuha ng and one basket si Michael Mara at patuloy nang nakuha ang lead hanggang sa tumunog ang buzzer.

Natapos ang regulation na may final score na 70 to 63.

Panoorin ang selected games ng pinoyliga next man cup dito sa Aliw Channel 23! – sa panulat ni Ralph Dela Cruz

Nakuha na ang kalamangan, pero muntik pang mahabol ng home team na Enderun Colleges Titans ang score ng De La Salle Green Archers.

Maganda ang naging simula ng Enderun sa 1st quarter kung saan lamang sila ng dalawang puntos kontra sa Green Archers.

Pagdating ng 2nd quarter, doon na nakapag-build up ng momentum ang La Salle, kung saan nagkaroon na sila ng two-digit advantage.

Ngunit nagsimulang makagawa ng run ang Titans sa ilalim ng 2-minute mark ng 4th quarter at unti-unting naibababa ang double-digit lead ng Archers.

Gayunpaman, pagkatapos tumawag ng time-out ng Enderun, hindi na nagpabaya ang De La Salle at sinecure na ang kanilang panalo.

Natapos ang laban sa score na 99 to 90.

Sa ngayon, mayroon ng 3 wins at 2 losses ang DLSU Green Archers, habang 1-3 naman ang record ng Enderun Titans.

Panoorin ang selected games ng Pinoyliga Next Man Cup dito sa Aliw Channel 23! –  sa panulat ni Ralph Dela Cruz

Pasok na sa finals ang koponan ng Cam Sur Express, matapos nilang wakasan ang kampanya ng Zambales Eruption sa semifinals ng NBL Chairman’s Cup season 2023-2024.

Clean 2-0 ang ginawa ng Cam Sur sa best-of-three series kung saan natapos ang laban na mayroong final score na 100 to 74.

Tila sumubok ng ibang paraan ang parehong coaches dahil sa unusual check in para sa starters. Determinado mang lumaban ang Zambales para sa game three, hindi nila napigilan ang manpower ng Cam Sur.

Bukod sa home-court advantage, nakatulong sa panalo ng Cam Sur ang hot shooting ni Joshua Ayo, na gumawa ng 21 points, kung saan ang lima rito ay mula sa three-point line. Mayroon din siyang 6 assists at 3 steals.

Ayon kay Joshua, hindi dahil pasok na sila finals, ay dapat nang mag-celebrate. Ia-assess daw mula nila ang mga nangyari, at pag-aaralan ang susunod na makakalaban.

Dagdag pa niya, bukod sa pagpaplano, kailangan din nilang palakasin pa ang kanilang teamwork o chemistry. Para sa finals, hundred percent silang ready.

Mapapanood pa rin ang NBL Chairman’s Cup dito sa ALIW Channel 23! – sa panulat ni Ralph Dela Cruz

Tila dumaan sa butas ng karayom ang Muntinlupa Chiefs, nang kanilang kaharapin ang defending champions na Taguig City Generals.

Mainit pa rin ang mga heneral mula sa pagkapanalo kontra sa Zambales Eruption – at kanilang tinapos ang game na may score na 107 to 73.

Sa kabila ng malaking kalamangan ng Taguig Generals, aksidenteng natapilok ang kanilang star player at MVP noong nakaraang President’s Cup na si Mike Sampurna sa ikapitong minuto ng fourth quarter.

Ngunit hindi ito naging hadlang. Dahil to the rescue si LJ Mayo na nagpakita ng magandang performance.

Sa ngayon, may hawak na 2-0 win-loss record ang Taguig City Generals. - sa panulat ni Ralph Dela Cruz

Matapos ang dalawang linggong pahinga, nakahanda na ang University of Cebu Webmasters para sa kanilang huling laro sa elimination round ng CESAFI men’s basketball tournament.

Kakaharapin ng dating top seed ang baguhan sa liga na Benedicto College Cheetahs, kung saan ito ang magtutukoy kung mananatiling nasa Top 2 ang Webmasters o muli nilang makukuha ang ika-unang pwesto.

Matatandaang natapos ang 8-game win streak ng Webmasters nang sila’y matalo kontra sa UV Green Lancers.

Sinabi ni Calib Gawangon, assistant coach ng Webmasters, na malaking factor sa kanilang pagkatalo ang pagkakaroon ng injury ng kanilang tatlong key players gayundin ang absence ng kanilang head coach matapos itong masuspinde ng one game.

Gayunpaman, ito raw ay magsisilbing learning experience at mas paghahandaan pa nila ang mga susunod nilang laban.

Sa ngayon, hawak ng Webmasters ang twice-to-beat advantage patungong semis. - sa panulat ni Ralph Dela Cruz

Naiuwi ni Robyn Lauren Brown ang gintong medalya mula sa women’s 400-meter hurdles ng 25th Asian Athletics Championships na ginanap sa Supachalasai National Stadium.

Nilampaso ni Brown sa oras na 57.50 seconds ang kanyang dalawang mahigpit na kalaban sa kalagitnaan sa huling 200 meters para makalamang .

Sinundan siya ni Eri Utsunomiya ng Japan na may 57.73 seconds at Ami Yamamoto na may 57.80 seconds.

Kasalukuyang may oras na 56.44 seconds national record holder ang Filipino-American athlete sa huli nitong Biennial Meet.