RONDA PROBINSYA

HEADLINES HOT STORIES OF THE WEEK RONDA PROBINSYA

Batanes pinasok na ng COVID-19, unang kaso sa lugar isang LSI

Nakapagtala ng kauna-unahang kaso ng coronavirus disease 2019 (COVID-19) ang lalawigan ng Batanes simula noong magkaroon ng banta ng nakamamatay na virus sa bansa.

Batay sa inilabas na pahayag ng COVID-19 Task Group ng naturang lalawigan, ang kauna-unahang dinapuan ng COVID-19 sa Batanes ay isang locally stranded individual (LSI) na dumating sa lalawigan noong ika-22 ng Setyembre.

Asymptomatic o walang sintomas ng virus ang naturang pasyente at agad na isinailalim sa isolation sa quarantine facility sa lalawigan.

Dahil dito, masusi nang minomonitor ang lagay ng mga natukoy na close contacts o nakasalamuha ng naturang COVID-19 patient para ‘di na kumalat pa ang virus.

September 29, 2020 0 comment

RONDA PROBINSYA

Pinsan ni Abu Sayyaf leader Mundi Sawadjaan patay sa engkwentro sa Patikul, Sulu

written by DWIZ 882

PINSAN NI bu Sayyaf Leader Mundi Sawadjaan

Patay ang pinsan ni Abu Sayyaf leader Mundi Sawadjaan sa sumiklab na bakbakan sa pagitan ng bandidong grupo at militar sa Patikul, Sulu.

Kinilala ito bilang si Arsibar Sawadjaan na isa sa mga sub leader ng Abu Sayyaf Group (ASG) at nagsilbing bomb maker ng grupo.

Ayon kay Joint Task Force Sulu spokesman Lt. Col. Ronaldo Mateo, napatay si Arsibar ng mga tropa ng 45^th infantry battalion sa pinagtataguan nito sa Barangay Maligay.

Sinasabing kasama ni Arsibar ang grupo ng kanyang pinsan at ni ASG leader Radulan Sahiron na nagpapaiko-ikot sa mga bayan ng Indanan, Talipao at Patikul para mangalap ng pagkain at makapagpalakas ng puwersa. —ulat mula kay Jaymark Dagala (Patrol 9)

September 29, 2020 0 comment

RONDA PROBINSYA

‘Kang kamay’ ni Abu Sayyaf leader Mundi Sawadjaan

written by DWIZ 882

Abu Sayyaf Leader Mundi Sawadjaan ASSISTANT

Naaresto ng tropa ng pamahalaan ang itinuturing na kanang kamay ni Abu Sayyaf leader Mundi Sawadjaan sa Zamboanga.

Kinilala ito na si Hashim Saripada alyas “Ibnu Kashir” na nahaharap sa patung-patong na kaso ng pagpatay at frustrated murder.

Ayon kay Philippine National Police Chief General Camilo Cascolan, naaresto si saripada ng pinagsanib na puwersa ng regional intelligence unit 9 at 84^th Special Action Force company sa Barangay Recodo.

Aniya, si Saripada ang nagdala ng Moroccan suicide bomber na nagpasabog sa Citizen Armed Force Geographical Unit (CAFGU) detachment sa Sitio Magkawit sa Barangay Maganda Lamitan Basilan, gamit ang isang car bomb at ikinsawi ng 11 katao.

Dagdag ni Cascolan, katuwang din si Saripada sa paggawa ng improvised explosive device na ginamit ng mag-asawang Indonesian national sa pagpapasabog sa Jolo Cathedral noong ika-27 ng Enero, taong 2019. —ulat mula kay Jaymark Dagala (Patrol 9)

September 29, 2020 0 comment

HEADLINES NATIONAL NEWS RONDA PROBINSYA

Metro Manila, 5 pang lugar sa bansa mananatili sa GCQ, Lanao Del Sur naka-MECQ pa rin

written by DWIZ 882

Mananatili sa ilalim ng modified enhanced community quarantine (MECQ) ang Lanao Del Sur kabilang na ang Marawi City.

Batay ito sa inaprubahang bagong community quarantine classification ni Pangulong Rodrigo Duterte alinsunod sa rekomendasyon ng Inter-Agency Task Force on Emerging Infectious Diseases.

Gayundin, patuloy ding sasailalim sa general community quarantine (GCQ) ang Metro Manila, lalawigan ng Batangas at mga lungsod ng Tacloban, Bacolod, Iligan at Iloilo.

Habang isinailalim sa pinakamaluwag na community quarantine o sa MGCQ ang natitirang 98 pang mga probinsiya sa bansa.

Epektibo ang bagong community quarantine classification sa loob ng isang buwan o mula ika-1 hanggang ika-31 ng Oktubre.

Samantala, ipinaliwanag naman ni Health Secretary Francisco Duque III na tatagal na lamang hanggang Miyerkules, ika-30 ng Setyembre, ang idineklarang MECQ sa Iloilo City noong nakaraang linggo.

September 29, 2020 0 comment

NATIONAL NEWS RONDA PROBINSYA

Mga magsasaka ng palay nanganganib maging plantito, plantita na lamang —Recto

written by Judith Estrada-Larino

Nanganganib maging plantito at plantita na lamang ang mga magsasaka ng palay sa bansa.

Ito ayon kay Senate President Protempore Ralph Recto ay kapag nakita ng mga magsasaka na mas mahal ang bentahan ng mga halaman.

Una nang nanawagan ang Department of Agriculture na maimbestigahan at maaksyunan ang report na P12.00 na lamang kada kilo ang buying price ng palay na mas mura pa kaysa presyo ng face mask.

Sinabi ni Recto na dapat pa ring i-verify ang official report ng gobyerno na sinasabing P17.6 ang average farm gate price ng kada kilo ng palay dahil hindi naman aniya ganito ang nasusunod na bilihan ng palay.

Kapag P12.00 lang ang buying price ng palay inihayag ni Recto na lugi o walang kita ang mga magsasaka dahil hindi nila mababawi ang production cost at kita pa naman ng palay ng mga magsasaka ang nakakapagpasigla sa maraming rural economy at pambawi sa dumaming nawalan ng trabaho sa urban areas. —ulat mula kay Cely Ortega-Bueno (Patrol 19)

September 28, 2020 0 comment

NATIONAL NEWS RONDA PROBINSYA

Napatay na myembro ng ASG sa sagupaan sa Patikul, Sulu kinilala na

written by DWIZ 882

Tukoy na ng mga tropa ng militar ang pagkakakilanlan ng isang miyembro ng Abu Sayyaf na napatay ng militar sa sumiklab na bakbakan sa Patikul, Sulu kaninang umaga.

Kinilala ni Joint Task Force Sulu Spokesman Lt/Col. Ronaldo Mateo ang napatay na Abu Sayyaf na si Arsibar Sawadjaan na pinsan ni ASG Leader Mundi Sawadjaan.

Napatay si Arsibar ng mga tropa ng 45th infantry battalion sa pansamantalang pinagtataguan nito sa BRGY. mALIGAY sa nabanggit na bayan batay na rin sa natanggap nilang mga impormasyon mula sa mga residente sa lugar.

Si Arsibar ay isa sa mga sub leader ng grupo at kilala rin ito bilang isang bomb maker na sinasabing kabilang sa mga nasa likod ng sunod-sunod na pag-atake at pambobomba sa lalawigan.

Kasama si Arsibar sa grupo ng kaniyang pinsan gayundin ni ASG Leader Radulan Sahiron na nagpapaikot-ikot sa mga bayan ng Indanan, Talipao at Patikul para mangalap ng pagkain at makapagpalakas ng puwersa.

LEAD: Isa pang miyembro ng Abu Sayyaf, patay sa nagpapatuloy na sagupaan ng Militar at ASG sa Patikul, Sulu | via @jaymarkdagala https://t.co/HJWVubVTa3

— DWIZ Newscenter (@dwiz882) September 28, 2020

September 28, 2020 0 comment

NATIONAL NEWS RONDA PROBINSYA

3 myembro ng NPA patay sa engkuwentro sa Masbate

written by DWIZ 882

Patay ang tatlong miyembro ng New People’s Army (NPA) matapos makasagupa ang puwersa ng militar at pulisya sa Masbate.

Batay sa ulat ng Police Regional Office 5 o Bicol PNP, hindi bababa sa 20 mga rebelde ang nakasagupa ng tropa ng pamahalaan sa bahagi ng Barangay Alas, bayan ng Mandaon.

Ayon kay Bicol PNP Spokesman Police Major Malou Calubaquib, maghahain lamang sana ng warrant of arrest ang mga pulis at sundalo sa pinuno ng grupo na si Arnold Rosero alyas Star at iba pang kasamahan nito sa kasong murder.

Gayunman bigla na lamang nanlaban ang mga ito.

Maliban sa tatlong nasawi, mayroon din anilang hindi pa natutukoy na bilang ng mga nasugatan habang nakatakas naman ang mga target ng warrant.

3 NPA, patay sa engkuwentro sa Masbate | via @jaymarkdagala https://t.co/qpgxjX1LhX

— DWIZ Newscenter (@dwiz882) September 28, 2020

September 28, 2020 0 comment

HEADLINES RONDA PROBINSYA

3 miyembro ng gun-for-hire syndicate patay sa San Miguel, Bulacan

written by Judith Estrada-Larino

Patay ang tatlong hinihinalang miyembro ng gun-for-hire group sa isang engkuwentro sa San Miguel, Bulacan.

Ayon sa mga otoridad, naglagay sila ng checkpoint sa lugar matapos makatanggap ng tip sa pagdaan ng mga suspek na kaagad bumunot ng kanilang mga armas nang patigilin sa isang checkpoint.

Kasunod nito ang habulan at barilan ng mga suspek at mga otoridad na ikinasawi ng lider ng grupo na si Gilbert Montares at dalawa pang kasamahan nito.

Patuloy na tinutugis ang dalawa pang suspek na nakatakas matapos mapatay ang kanilang mga kasamahan.

September 28, 2020 0 comment

HEADLINES RONDA PROBINSYA

Mayor Sara Duterte naka-medical leave, Baste Duterte itinalagang acting mayor

written by Judith Estrada-Larino

Naghain ng isang linggong leave of absence si Presidential daughter at Davao City Mayor Sara Duterte-Carpio.

Sisimulan na ngayong araw na ito, ang leave ng alkalde na itinalaga ang kapatid niyang si Vice Mayor Baste Duterte bilang acting mayor.

Ayon sa Office of the City Mayor, may out-of-town trip si Mayor Sara para sa ‘medical purposes’.

Tiniyak ng opisina ng alkalde na present ito online para sa mga kailangang tapusin sa kaniyang tanggapan.

September 28, 2020 0 comment

HEADLINES RONDA PROBINSYA

DOTr naigawad na sa 3 contractors ang nalabing kontrata sa PNR Clark Phase 2 project

written by Gilbert Perdez

Naigawad na ng Department of Transportation (DOTr) at Philippine National Railways (PNR) sa mga kwalipikadong kontraktor ang tatlo pang nalabing kontrata para sa Clark Phase 2 project o ang Malolos-Clark extension ng North-South Commuter Railway System.

Ayon kay DOTr Secretary Arthur Tugade, ito’y patunay na kahit may nararanasang pandemya ang bansa ay umuusad ang ‘Build, Build, Build’ program ng pamahalaan.

Sinabi ni Tugade na sakop ng proyekto ang 17 kilometrong elevated rail viaduct, pitong balanced cantilever bridges, at dalawang station buildings sa Malolos at Calumpit sa Bulacan at Apalit at Minalin sa Pampanga.

September 27, 2020 0 comment

Newer Posts

Older Posts