RONDA PROBINSYA

Tuguegarao City MECQ ulit simula ngayong Sabado

Balik modified enhanced community quarantine (MECQ) ang buong lungsod ng Tuguegarao sa Cagayan Valley simula ngayong araw, Oktubre 3.

Ito’y kasunod ng biglaang pagsipa ng mga kaso ng COVID-19 gayundin ang pagkakaroon ng case clustering sa 19 na barangay sa lungsod.

Ayon kay Tuguegarao City Mayor Jefferson Soriano, tatagal ng 14 na araw ang MECQ sa kanilang lungsod o hanggang Oktubre 16.

Dahil dito, suspendido ang biyahe ng mga pampublikong transportasyon, bawal ang social gatherings, limitado lamang ang paglabas sa mga bahay at mahigpit din nilang ipatutupad ang liquor ban gayundin ang curfew.

October 3, 2020 0 comment

NATIONAL NEWS RONDA PROBINSYA

DOE kumpiyansang mabubuksan muli ang Bataan Nuclear Powerplant

written by DWIZ 882

Posibleng mapabilis ang muling pagbubukas ng Bataan Nuclear Power Plant sa ilalim ng administrasyon ni Pangulong Rodrigo Duterte.

Ito’y ayon sa Department of Energy (DOE) ay dahil sa pabor nakararaming Pilipino sa muling pagbuhay ng nasabing pasilidad batay sa paunang survey na kanilang ginawa.

Ayon kay Energy Asst/Sec. Gerardo Erguiza, hindi aniya imposible ito lalo’t kilala si Pangulong Duterte na may political will upang mapagaan ang buhay ng bawat Pilipino.

Magugunitang ipinag-utos ng Pangulo sa DOE na magkasa ng public consultations sa mga residente ng Bataan sa muling pagbuhay ng nasabing planta.

Ang Bataan Nuclear Powerplant ang kauna-unahang nuclear power station sa bansa na ipinatayo ng noo’y Pangulong Ferdinand Marcos na nagkakahalaga ng $2-B.

October 3, 2020 0 comment

NATIONAL NEWS RONDA PROBINSYA

7 barangay chairman sa Pangasinan suspendido dahil sa umano’y anomalya sa SAP

written by Gilbert Perdez

Pinatawan ng anim na buwang suspensiyon ang pitong barangay chairmen sa ilang bayan ng Pangasinan dulot ng umano’y anomalya sa social amelioration program (SAP).

Kinilala ang mga ito na sina Lawrence Gilbert Delos Angeles ng Barangay Balogo; Froilando Fernandez ng Barangay Gayaman; Rogelio Fernandez ng Barangay Caloocan Norte, at Jesus Dennis Ruiz ng Barangay San Isidro sa bayan ng Binmaley; Walter Velasco ng Barangay Cablong sa Sta. Barbara; Ariel Cayabyab Hiquiana ng Barangay San Vicente sa San Jacinto, at Angel Sombrito ng Barangay Calanutan sa bayan ng Rosales.

Ayon kay DILG Pangasinan Provincial Director Paul Lalata Jr., kabilang sa mga kinakaharap na reklamo ng mga barangay officials ay sinasabing grave misconduct prejudicial to the best interest of service, abuse of authority, at oppression.

October 2, 2020 0 comment

HEADLINES NATIONAL NEWS RONDA PROBINSYA

Tourist police, help desk ibabalik ng PNP sa mga tourist destinations

written by DWIZ 882

Siniguro ng pamunuan ng Philippine National Police (PNP) na swak at makasasabay sa ‘new normal’ ang inilatag nitong seguridad sa mga binuksan nang tourist destinations ngayong buwan.

Ito’y kasunod na rin ng pagbubukas ng ilang mga tanyag at dinarayong mga lugar sa bansa gaya ng Isla ng Boracay, “Summer Capital” at “City of Pines” na Baguio City, at Tagaytay City.

Kasunod nito, ayon kay PNP Spokesperson Police Colonel Ysmael Yu, nakahanda na ang kanilang tourist police para tanggapin ang mga turista sa kani-kanilang area of responsibility.

Sa huli, nanawagan si Yu sa mga turista na bagamat limitado o kakaunti lamang ang mga turistang tatanggapin sa mga nagbukas na lugar, ay mahigpit pa ring ipatutupad ng kapulisan ang mga umiiral na safety protocols kontra coronavirus disease 2019 (COVID-19). —ulat mula kay Jaymark Dagala (Patrol 9)

October 2, 2020 0 comment

HEADLINES RONDA PROBINSYA

Tuguegarao City isasailalim muli sa MECQ dahil sa paglobo ng COVID-19 cases

written by DWIZ 882

Ipinag-utos ang muling pagsailalim ng Tuguegarao City sa modified enhanced community quarantine (MECQ) dahil sa patuloy na pagdami ng kaso ng coronavirus disease 2019 (COVID-19) sa lungsod.

Ayon kay Tuguegarao City Mayor Jefferson Soriano, magsisimula ang pag-iral ng MECQ, bukas, ika-3 ng Oktubre at magtatagal hanggang ika-16 ng Oktubre.

Kasunod nito, nanawagan si Soriano sa mga residente nito na ihanda na ang mga kakailanganing pagkain o anumang transaksyong gagawin dahil mahigpit na ipagbabawal ang hindi ‘essential’ na paglabas oras na umiral na ang pinaigting na quarantine status.

October 2, 2020 0 comment

HEADLINES NATIONAL NEWS RONDA PROBINSYA

Travel authority mula PNP ‘di kailangan sa mga local tourist pa-Boracay —DOT

written by DWIZ 882

Nilinaw ng Department of Tourism (DOT) na hindi na kailangan pang kumuha ng travel authority mula sa Philippine National Police ang mga lokal na turista na magtutungo sa isla ng Boracay.

Ayon kay Tourism Sec. Bernadette Romulo-Puyat, sapat na ang negatibong resulta ng swab test na ipiprisinta sa loob ng 48-oras hanggang 72-oras bago ang byahe.

Maliban dito, dapat din aniyang mayroong online health declaration forms ang mga bibiyahe at confirmed accommodation booking bago sila pasakayin ng eroplano.

Pinaalala rin ng DOT-Western Visayas sa mga magtutungo sa Boracay na itago ang kanilang tourist QR codes para sa mga kakailanganing serbisyo sa isla.

October 1, 2020 0 comment

HEADLINES RONDA PROBINSYA

Ilang provincial buses hindi pa nakabyahe ngayong araw —PBOAP

written by DWIZ 882

Hindi pa nakabyahe ang ilang provincial bus na pinayagang makabalik pasada ngayong araw.

Ayon kay Alex Yague, Executive Director ng Provincial Bus Operators Association of the Philippines, hindi pa kasi handa ang mga operator dahil sa mga hinihinging requirements ng land transportation franchising and regulatory board.

Gaya na lamang aniya ng travel permit, written consent para magpa-swab test, valid id at QR code para sa bus.

Halos anim na buwang hindi nakabyahe ang mga provincial bus dahil sa mga ipinatupad na community quarantine bunsod ng banta ng coronavirus disease 2019 (COVID-19).

September 30, 2020 0 comment

RONDA PROBINSYA

Isang kidnap victim ang nasagip sa Sirawai, Zamboanga Del Norte

written by Judith Estrada-Larino

Isang kidnap victim ang nasagip ng mga otoridad sa Sirawai, Zamboanga Del Norte.

Ipinabatid ni First Infantry Division Spokesman Captain Clint Antipala na ang biktimang si Rex Triplitt, isang Filipino American ay nasagip matapos makipagbakbakan ng mga otoridad sa mga bandidong Abu Sayyaf sa Barangay Pisa Itom.

Si Triplitt ay dinukot ng mga armadong kalalakihang nakasuot ng camouflage uniform nuong September 16 habang pauwi ito at kaniyang maybahay sa Barangay Piacan.

Sinabi ni Lt. Colonel Leon Onggao, Commander Ng 42nd Infantry Battalion na hindi tumigil ang mga sundalo sa pagtugis sa mga suspek at pagsagip sa biktima na napigil nilang mailipat ng ibang lugar.

Sumailalim kaagad sa medical evaluation si Triplitt.

Tuluy tuloy naman ang pursuit operations laban sa mga bandido na mabilis namang nakatakas.

September 30, 2020 0 comment

HEADLINES RONDA PROBINSYA

Batanes naka-ECQ matapos makapagtala ng COVID-19 case

written by DWIZ 882

Sasailalim sa dalawang linggong enhanced community quarantine (ECQ) ang Batanes.

Ito’y matapos maitala ang kauna-unahang kaso ng coronavirus disease 2019 (COVID-19) sa lalawigan.

Epektibo ang ECQ sa Batanes simula kanina, alas-12:01 ng madaling araw ng ika-30 ng Oktubre, hanggang alas-11:59 ng gabi ng ika-13 ng Oktubre.

Ibig sabihin ay limitado na ang galaw ng mga residente para maiwasan ang pagkalat ng COVID-19.

Mahigpit ding ipatutupad ang health protocols tulad ng pagsusuot ng mask at face shield, physical distancing at proper hygiene sa lahat ng mga establisyimento at opisina sa lalawigan.

September 30, 2020 0 comment

HEADLINES NATIONAL NEWS RONDA PROBINSYA

Velasco uupo na bilang House speaker sa Oct. 14

written by DWIZ 882

Nanaig ang unang napagkasunduang term sharing agreement sa pagitan nina Marinduque Representative Lord Allan Velasco at kasalukuyang House Speaker Alan Peter Cayetano.

Kasunod na rin ito nang pakikipagpulong ng dalawang kampo sa Pangulong Rodrigo Duterte sa Palasyo kagabi.

Nangangahulugan ito, ayon sa isang mambabatas, na ayaw magpabanggit ng pangalan na uupo nang lider ng kamara si Velasco sa ika-14 ng Oktubre.

Ayon naman kay Presidential Spokesman Harry Roque, si Cayetano ang mag-aanunsyo ng resulta ng naturang pulong kung saan naroon din si Senador Bong Go.

Lumutang naman ang report na itatalaga si Cayetano bilang kalihim nang isinusulong na Department of Disaster Relief.

September 30, 2020 0 comment

Newer Posts

Older Posts