NATIONAL NEWS

Iginiit ni Vice President Sara Duterte na isang ‘state kidnapping’ ang pagpapadala sa kanyang ama na si dating Pangulong Rodrigo Duterte sa The Hague sa Netherlands.

Ayon kay VP Duterte, ito’y dahil lamang sa mukhang matatalo ang kabilang partido sa sinasabing lakas ng vote straight sa mga kandidato ng kanilang partido.

Wala rin anyang legal na basehan na ibigay ang dating pangulo sa International Criminal Court.

Kaugnay nito, nanawagan ang Bise Presidente sa publiko na huwag pumayag na ibigay ang mga pilipino sa mga dayuhan lalo na kapag wala itong legal na basehan.

Matatandaang, naaresto si dating Pangulong Duterte batay sa in-isyung warrant ng ICC.—sa panulat ni Alyssa Quevedo

Iginiit ni Vice President Sara Duterte na hindi humiling ng asylum ang kanyang amang si dating pangulong Rodrigo Duterte sa Chinese government o nakipag-usap man lang sa mga opisyal ng China ng bumisita ito sa Hong Kong.

Kasunod ito ng umuugong na balitang humiling ng asylum sa China si dating Pangulong Duterte kaya ito nagtungo sa Hong Kong.

Giit pa ni VP Duterte, ‘politically motivated’ ang pagkakaaresto sa kanyang ama at lahat ng nangyayari ay may kaugnayan sa 2028 elections.

Wala na rin anyang dahilan para makipag-usap pa siya kay Pangulong Ferdinand Marcos Jr. —sa panulat ni Alyssa Quevedo

Rerepasuhin ng Department of Information and Communications Technology ang programa nitong libreng wifi.

Ayon kay DICT Undersecretary Jeffrey Ian Dy, layon nitong pag-aralan kung paano makatitipid para mas mapalawak pa ang programa sa 10,000 lugar mula sa kasalukuyang 7,000 partikular sa mga paaralan.

Sa ilalim ng batas, nasa 125,000 na lugar ang dapat na mabigyan ng libreng wifi.

Maliban sa libreng wifi, isinusulong din ng kagawaran ang Sim Card ng Bayan Project kung saan bibigyan ng subsidiya ng gobyerno ang pagtatayo ng cellsite tower sa mga lugar na non-commercially viable, gaya ng mga liblib na lugar.

Kinuwestiyon ni dating Pangulong Rodrigo Duterte ang legal ng basehan sa pagdala sa kanya sa Villamor Airbase mula sa Ninoy Aquino International Airport.

Ayon kay dating Pangulong Duterte, anong krimen at batas ang kanyang nilabag.

Paglabag din anya sa kalayaan ang pagdala sa kanya sa Villamor Airbase.

Pumalag din ang kanyang anak na si Kitty Duterte dahil sa ginawang pag-aresto sa kanyang ama.

Batay sa post ni Kitty, illegal detention at walang arrest warant na inilabas ang mga otoridad.

Una nang kinumpirma ng Residential Communications Office na natanggap na ng Interpol Manila ang official copy ng warrant of arrest ng International Criminal Court laban sa dating pangulo.

 Magsisilbing Legal Counsel ni dating Pangulong Rodrigo Duterte si dating Labor Secretary Silvestre Bello.

Ayon kay Bello, ikinokonsidera nila na humiling ng hospital detention sa oras na makulong si dating Pangulong Duterte.

May regular na medical check up ngayong araw si dating Pangulong Duterte.

Una nang inaresto ng Interpol Manila ang dating pangulo matapos makatanggap ng warrant of arrest mula sa International Criminal Court kaugnay sa kasong crime against humanity matapos na makabalik sa Pilipinas mula sa Hong Kong.

 Kasado na ngayong buwan ang taas-singil sa kuryente.

Batay sa anunsyo ng Meralco, sisirit ng 26 centavos kada kilowatt per hour ang singil sa kuryente sa paparating na march billing.

Katumbas ito ng 53 pesos para sa mga tipikal na customer na kumokonsumo ng 200 kada kilowatt-hour sa isang buwan, 79 pesos kapag 300 kilowatt per hour; 106 pesos kapag 400 kilowatt per hour at 132 pesos kapag 500 kilowatt per hour;

Ipinatupad ang taas singil dahil sa pagtatapos ng reset fee refund at pagsipa ng transmission charge.

Handa si dating Pangulong Rodrigo Duterte na harapin ang warrant of arrest na sinasabing inilabas ng International Criminal Court.

Ito’y kaugnay sa madugong war on drugs ng Duterte administration.

Ayon kay dating Pangulong Duterte, haharapin niya ang kanyang kaso billang abogado at hindi tatakas sa ibang bansa.

Iginiit pa ng dating pangulo, na hindi siya magtatago sa ibang lugar, kundi sa Pilipinas.

Una nang nanindigan si dating Pangulong Rodrigo Duterte na wala siyang ginawang kasalanan sa kaniyang administrasyon.

Siniguro ng Malacañang na handa ang pamahalaan para mapangalagaan ang mga alagaing hayop sa gitna ng inaasahang pagtama na ng tag-init sa mga susunod na araw.

Ayon kay Palace Press Officer at PCO Secretary Attorney Claire Castro, handang magtulungan ang iba’t ibang ahensiya ng pamahalaan para mapangalagaan ang mga inaalagaang hayop para sa agrikultura.

Batay sa kanilang pakikipag-ugnayan sa Department of Agriculture nagkakaroon na rin ng paghahanda ang mga nagmamay-ari ng backyard maging ang mga may malalaking farms.

Sanay na kung tutuusin ang mga nasa animal agriculture sa epekto ng ganitong kundisyon ng panahon, pero kailangang naka-alerto ang agriculture department sa kung ano ang posibleng bumangong problema ngayong paparating na tag-init.

Ilalabas mismo ng International Criminal Court sa kanilang official channel ang warrant of arrest ni dating Pangulong Rodrigo Duterte.

Kasunod ito ng mga lumabas na ulat na naglabas ng warrant of arrest ang ICC laban kay dating Pangulong Duterte dahil sa madugong war on drugs ng kanyang administrasyon noong siya ay alkalde pa lamang sa Davao City.

Ayon kay ICC Spokesman Fadi El Abdallah, hindi naman naglabas ng anumang press release ang korte hinggil sa nasabing usapan.

Paliwanag ng tagapagsalita, na mahalagang maging confidential ang ginagawa ng ICC dahil kailangang protektahan ang integridad ng imbestigasyon at ng mga biktima at saksi.

Patuloy namang iniimbestigahan ng Office of the Prosecutor ang sitwasyon sa Pilipinas.