NATIONAL NEWS

Sinalag ni Congresswoman-elect Leila De Lima ang pahayag ni Vice President Sara Duterte na nais nitong makakita ng “bloodbath” sa paparating niyang impeachment trial.

Ayon kay Cong. De Lima, na dapat ikunsidera ni Duterte ang kanyang papalapit na impeachment trial bilang isang seryosong usapin.

Sa mga ganitong “toxic rhetoric” at “karahasan” eksperto ang mga Duterte.

Ipinunto ng ML Partylist Representative na sa isang impeachment trial, na ang tanging lilitisin ay ang taong ini-impeach kaya’t imposibleng maging madugo ito at kung magkakaroon man ng “bloodbath” ay tanging ang dugo ng inuusig ang daranak hindi ng senators-judges o ng administrasyon at taumbayan.

Tiniyak din ni De Lima na isasagawa ang impeachment proceedings nang patas, nasa ligal na pamamaraan at walang drama.

Naaresto ng otoridad ang dalawang indibidwal na hinihinalang suspek sa pagpatay sa Filipino-Chinese Businessman na si Anson Que at sa driver nito.

Nahuli sina Wenli Gong at Wu Ja Ping sa isang high-end resort sa Boracay, kahapon, Mayo 18.

Si Gong ay itinuturing na isa sa mga utak ng pagpatay dahil ito ang sinasabing pangunahing negotiator ng ransom sa pagkidnap kay Que.

Nabatid na mayroong limang-milyong pisong patong sa ulo sa gong o mas kilala rin bilang Kelly Tan Lim.

Samantala, hindi naman sinabi ng otoridad kung ano ang naging papel ni Wu sa nasabing kidnap-slay case.

Sa pagtatapos ng 2025 midterm elections, sinimulan naman  ng Commission on Elections ang paghahanda para sa kauna-unahang parliamentary polls sa bBngsamoro Autonomous Region in Muslim Mindanao.

Nakatakdang gawin ang BARMM elections sa Oktubre.

Ayon kay COMELEC Chairman George Garcia,  isasaalang-alang nila at gagamitin ngayong papalapit na barmm elections ang lagat ng kanilang natutunan sa pagsasagawa ng halalan.

Aabot any sa  7,000 automated counting machines (ACMs) ang gagamitin para sa BARMM elections.

Kaugnay nito, nakatakda nang simulan sa susunod na buwana ng printing ng mga balota para sa halalan ng BARMM at inaasahang matatapos ito sa loob lamang ng isang buwan.

Samantala, kinumpirma ng Poll Body Chief na naghahanda na rin sila sa pagsisimula ng voter resigtration sa susunod na buwan.

Binigyan-diin ni Chairman Garcia na maikling panahon lamang gagawin ang pagpaparehistro dahil sa Disyembre na nakatakdang isagawa ang barangay at sangguniang kabataan elections.—sa panulat ni Kat Gonzales

Hindi na ikinagulat ni Vice President Sara Duterte ang pagkakasama nina dating Senador Leila De Lima at Human Rights Lawyer Chel Diokno sa house prosecution team.

Ito ay sinabi ni VP Sara sa gitna ng kanyang napipintong impeachment trial.

Ayon sa Bise Presidente, matagal nang kilala sina Atty. De Lima at Diokno bilang anti-Duterte.

Aniya, bago pa maging pangulo ang kanyang ama ay anti-duterte na ang dating senador.

Nauna nang sinabi ni VP Sara na tanggap na niya anuman ang magiging hatol sa kanya ng kongreso kaugnay sa kanyang impeachment.—sa panulat ni John Riz Calata

Handa ang mga bagong proklamang senador ng 20th Congress para sa impeachment trial ni Vice President Sara Duterte.

Kabilang dito sina senator-elect Rodante Marcoleta at Senador Imee Marcos na magsisilbi ring senate-judges sa nasabing paglilitis.

Ipinahayag ng dalawang mambabatas ang kanilang kahandaan para sa impeachment sa katatapos lamang na proklamasyon ng mga nanalong senador sa nakalipas na halalan.

Samantala, nang tanungin naman si Senador Ronald Dela Rosa kung bibisita ito kay dating Pangulong Duterte ay sinabi niya na kasama ito sa kanyang plano kasabay ng pagbibiro kung saan sinabi nito na tila nagmamadali ang iilan na siya ay makulong.—sa panulat ni John Riz Calata

Inamin ng Malakanyang na handang makipag-ugnayan ang pamahalaan sa International Criminal Police Organization (INTERPOL) upang mapabalik sa Pilipinas si dating Presidential Spokesperson Atty. Harry Roque.

Ginawa ni Palace Press Officer usec. Claire Castro ang pahayag matapos maglabas ng warrant of arrest ang isang korte sa bansa laban kay Roque dahil sa kasong qualified human trafficking.

Sa press briefing sa Malakanyang, binanggit ni Castro na sinabi na rin ng Department of Justice (DOJ), sa pamamagitan ni Usec. Nicky Ty, na maaaring makipag-cooperate at makipag-coordinate ang ahensya sa INTERPOL ukol sa nasabing usapin.

Una nang iginiit ni Roque na hindi siya maaaring maipa-deport pabalik sa Pilipinas sa ngayon dahil may naka-pending umano siyang petition for asylum sa ibang bansa.

Ayon sa kanya, pinoprotektahan siya ng international law hangga’t hindi naaaksyunan ang kanyang petisyon.

Tugon naman ni Castro, may mga karapatang kinikilala sa ilalim ng batas na nagsasabing hindi agad maaaring ibalik ang isang indibidwal sa bansa kung saan may kinahaharap itong kaso, lalo na kung may patunay ng harassment.

Gayunman, nilinaw ng opisyal na kung walang maipakitang ebidensya ng panggigipit at napatunayang legal at may basehan ang mga kaso laban sa kanya, hindi aniya ito magiging sapat na dahilan upang hadlangan ang pagpapabalik kay roque sa bansa.

Umaray ang malakanyang sa pahayag ni dating Presidential Spokesperson Atty. Harry Roque na biktima siya ng political persecution.

Sa press briefing sa Palasyo, sinabi ni Palace Press Officer Usec. Claire Castro na natural lamang na gawing depensa ang ganitong naratibo, ngunit hindi aniya natutugunan ni roque ang mga mahahalagang isyu na inilatag laban sa dating opisyal.

Binigyang-diin ni Castro na korte mismo ang naglabas ng valid warrant of arrest laban kay roque kaugnay ng kasong qualified human trafficking.

Bukod dito, ibinunyag din ni Castro na may nakabinbing kaso si roque sa ombudsman mula pa noong 2023 ukol sa diumano’y land grabbing sa bataan.

Sinasabing may 77 magsasaka ang nagsampa ng reklamo laban sa dating tagapagsalita ng Palasyo.—sa panulat ni John Riz Calata

Tulad ng inaasahan, welcome para kay senador Risa Hontiveros ang pag-isyu ng arrest order laban kina dating Presidential Spokesman Harry Roque at Cassandra Ong dahil sa sinasabing pagkakasangkot sa operasyon ng iligal na POGO hub sa Porac, Pampanga.

Binigyang-diin ni Senador Hontiveros na marapat lamang na maibalik na sa pilipinas si Atty. Roque at harapin ang kaso nito.

Nabatid na nag-isyu na ng arrest order ang Angeles City Regional Trial Court laban kay Atty. Roque, Ong, at siyam na iba pa dahil sinasabing human trafficking na naganap sa Porac POGO hub na Lucky South 99. —sa panulat ni John Riz Calata