Dalawa hanggang apat na bagyo ang inaasahang mabuo o pumasok sa Philippine Area of Responsibility (PAR) ngayong buwan ng Hulyo.
Batay sa forecast ng PAGASA, dalawa hanggang apat na bagyo rin ang inaasahang papasok sa PAR sa Agosto. Samantala, dalawa hanggang tatlong bagyo ang posibleng mabuo o pumasok sa Setyembre.
Para naman sa mga huling buwan ng taon, tinatayang isa hanggang dalawang bagyo ang maaaring pumasok sa PAR kada buwan mula Oktubre hanggang Disyembre.
Dahil sa inaasahang El Niño mula sa huling bahagi ng 2026 hanggang unang bahagi ng 2027, mas kaunting mga tropical cyclones ang inaasahan sa panahong ito, ngunit ang ilan ay maaaring umabot pa rin sa bagyo o super typhoon intensity.
