NATIONAL NEWS

Posibleng mabuo ang dalawang oposisyon sa 20th Congress.

Ito ay ayon sa isang Political Analyst na si  Prof. Jean Franco, kung saan kabilang dito ang grupong sumusuporta kay Vice President Sara Duterte habang ang isa naman ay ang grupo ng oposisyon noong Duterte administration.

Kabilang dito sina Senador Risa Hontiveros; incoming Senators Kiko Pangilinan at Bam Aquino; gayundin sina dating senador Leila De Lima; at Atty. Chel Diokno.

Ayon kay Professor Franco, malinaw na layon ng grupo ni De Lima na lumayo sa kampo ni Duterte.

Nilinaw ni  Prof. France na hindi pa malinaw ang tunay na kahulugan ng salitang “opposition” sa sistema ng pulitika sa bansa.

Samantala, naniniwala naman ng isa pang political analyst na si Prof. Aries Arugay na malabo pang makipag-sanib pwersa sa ibang grupo ang partido ng mga duterte, sa kabila ng bangayan sa pagitan ni Pangulong Ferdinand Marcos Jr. at Vice President Duterte.

 Hindi kumbinsido si dating Chief Presidential Legal Counsel, Atty. Salvador Panelo sa pahayag ni dating Presidential Spokesman Harry Roque na biktima ito ng political persecution.

Magugunitang nag-isyu ng arrest warrant ang Angeles City Regional Trial Court laban kay Roque at iba pa dahil sa umano’y pagkakasangkot sa iligal na POGO hub na lucky South 99 sa Porac, Pampanga.

Aminado si Panelo na mahirap patunayan ang political persecution lalo’t lumabas sa congressional hearing na may mga contradiction at inconsistencies si roque kaya ito nademanda.

Pinayuhan naman ni Atty. Panelo si Roque na sa halip na magtago ay dapat na lamang itong umuwi ng bansa at harapin ang mga kaso.

Ipagbabawal na ng Commission on Elections ang paggamit ng mga pamagat ng TV shows at ayuda bilang pangalan ng party-list sa susunod na halalan.

Binigyang-diin ni COMELEC Chairman George Erwin Garcia na kung gusto ng isang organisasyon na ma-accredit, kailangan, ang pangalan nito ay naka-akma sa mga prinsipyo nito.

Naniniwala si Chairman Garcia na hindi makatuwiran ang paggamit ng mga pangalang iniugnay sa mga telenovela at ayuda.—sa panulat ni John Riz Calata

Hinimok ng Department of the Interior and Local Government sa mga lokal na pamahalaan na gumamit ng electronic payment and collection systems o EPCS.

Ayon sa DILG, ito ay bilang tugon sa hangarin ni Pangulong Ferdinand Marcos Jr. para sa digital transformation ng pamahalaan.

Alinsunod sa Memorandum Circular na inilabas ng ahensya, maaaring magpatupad ang mga LGU ng EPCS sa pangongolekta ng mga lokal na buwis, bayarin at iba pang mga singil.

Naniniwala ang DILG na ang digital payment ay magpapabuti sa transparency, kahusayan at kaginhawaan ng publiko. — sa panulat ni John Riz Calata

Ipagbabawal na ng Commission on Elections ang paggamit ng mga pamagat ng TV shows at ayuda bilang pangalan ng party-list sa susunod na halalan.

Binigyang-diin ni Comelec Chairman George Erwin Garcia na kung gusto ng isang organisasyon na ma-accredit, kailangan, ang pangalan nito ay naka-akma sa mga prinsipyo nito.

Naniniwala si Chairman Garcia na hindi makatuwiran ang paggamit ng mga pangalang iniugnay sa mga telenovela at ayuda. — sa panulat ni John Riz Calata

Naniniwala ang isang Political Analyst na malaking bahagi ng pagtaas ng voter turnout ang boto ng mga kabataan o ang tinatawag na ‘youth votes’.

Sa panayam ng DWIZ, binigyan-diin ni Professor Dennis Coronacion na ito rin marahil ang nag-angat kila Senators-Elect Bam Aquino at Kiko Pangilinan, na laging nangungulelat sa mga nagdaang senatorial surveys.

Tingin pa anya niya, sawa na ang kabataan sa mga dynasty; trapo at celebrities.

Aminado ang Commission on Elections wala pa ring pagbabago tuwing may halalan sa Bangsamoro Autonomous Region in Muslim Mindanao.

Ito, ayon sa COMELEC, ay dahil paulit-ulit pa rin ang problema sa katatapos na midterm elections.

Kabilang sa mga tinukoy ng poll body ang naitalang mga aberya sa vote-counting machines, pagkaantala ng pagboto at mga ulat ng pandaraya at karahasan sa ilang lugar sa rehiyon.

Sa kabila ng hakbang ng COMELEC para isaayos ang proseso ng halalan, nananatiling hamon sa kanila ang pagpapatupad ng mapayapang eleksyon sa barmm.

Patuloy anilang sinusuri ang mga insidente upang matukoy ang mga kailangang hakbang para maiwasang maulit ang mga ganitong insidente sa mga susunod na eleksyon.

Pinahaharap sa Land Transportation Franchising and Regulatory Board ang isang taxi driver na inireklamo ng pasaherong si angelica de rueda matapos umanong hindi ito magbalik ng sukli mula sa ibinigay na isanlibong piso ng biktima noong madaling araw ng Mayo a-kwatro.

Ayon sa ulat, ang insidente ay naganap sa isang taxi na may plakang ABL 2026.

Inakusahan ang driver ng iligal na “contracting of passengers” matapos tanggapin ang bayad at hindi na ibalik ang sukli.

Sa inilabas na show cause order, ipinag-utos ng LTFRB na humarap ang driver at operator ng nasabing taxi upang pagpaniwanagin kung bakit hindi dapat suspindihin, kanselahin, o bawiin ang kanilang certificate of public convenience.

—sa panulat ni Jasper Barleta

Kumbinsido si senator-elect ronald “bato” Dela rosa na protest vote ang nagpapanalo sa kanya sa katatapos lamang na 2025 midterm elections.

Ito ay kasunod ng inilabas na opisyal na bilang ng boto ng National Board of Canvassers kung saan pumangatlo siya sa botohan.

Sa panayam ng DWIZ, inamin ng senador na malaking salik na nakaapekto sa pagragasa ng boto sa kanya ang mga taga-suporta ni dating Pangulong Rodgrigo Duterte na nangakong susuporta sa kanyang kandidatura.—sa panulat ni Jasper Barleta

Kumpyansa si Senate President Chiz Escudero sa kakayahan at karanasan nina dating Senador Leila De Lima at Atty. Chel Diokno bilang karagdagang mga miyembro ng prosecution team sa impeachment laban kay Vice President Sara Duterte.

Giit ng lider ng senado, kung titingnan ang track record at background nina De Lima at Diokno,  tiyak  na makakatulong ang mga ito sa kakayahan ng prosekusyon para idipensa ang kaso.

Tiniyak naman ni SP Escudero na magiging maayos at hindi mala-circus ang impeachment trial.—ulat mula kay Cely Ortega-Bueno (Patrol 19)