NATIONAL NEWS

Nakapagtala ng 1.2 mismatch rate ang isang poll watchdog sa parallel vote counting nito ay dahil umano sa misencoding.

Ito ay ayon kay Commission on Elections (COMELEC) acting Spokesperson John Rex Laudiangco, nakapag-encode na ng mahigit 60 libo sa halos 80 libong pisikal na kopya ng Election Returns (ERS) na natanggap nito.

Dagdag ni Laudiangco may 500,000 na indibidwal ang nagboluntaryong makipagtulungan sa PPCRV sa pagpapatunay nito ng mga boto noong national and local elections.

Ang mga volunteers sa PPCRV Command Center sa University of Santo Tomas sa manila ang responsable para sa encoding ng bilang ng ERS para sa beripikasyon.

Samanta, sinabi ni Laudiangco, kumpiyansa ang poll body na ito malulutas din ang naturang usapin.

Hindi saklaw ang mga on call employees ng pamahalaan sa nilagdaan ni Pangulong Rodrigo Duterte na night differential pay.

Ito ang nilinaw ni  Director Gerald Janda ng Organization, Position Classification and Compensation Bureau ng Department of Budget and Management (DBM).

Sinabi ni Janda, hindi kasama ang mga empleyado na on call ang mayroong 24/7 duties at pasok sa naturang klasipikasyon ang mga military at uniformed personnel.

Ganunpaman, magkakaruon pa din aniya ng paglilinaw sa implementing rules and regulation o irr patungkol sa kallagda lang na batas.

Nasa mahigit 40 milyon ang kwalipikadong Pinoy ang hindi pa nakakakuha ng kanilang booster shot laban sa COVID-19.

Ayon sa Department of Health (DOH), nasa 13.7 milyon lamang sa 54.4 milyong indibidwal na dapat kumuha ng booster doses ang nabakunahan.

Matatandaang, nagbabala ang DOH na maaaring masaksihan ng Pilipinas ang pagsirit ng kaso sa kalagitnaan ng taon dahil sa mababang vaccination rate.

Pinaalalahanan din ni Health Undersecretary Maria Rosario Vergeire ang publiko na humihina ang immunity ng bakuna pagkatapos ng ilang buwan at kailangan ng booster shot para mapanatili ang proteksyon nito sa katawan.

Pinatunayan ng Olympic Gold medalist na si Hidilyn Diaz na hindi siya mapipigil sa pagdagdag niya ng isa pang gintong medalya sa kanyang koleksyon.

Pinangunahan ng Olympic Gold medalist ng Pilipinas ang Women’s Weightlifting 55kg event para manalo ng gintong medalya sa 31st Southeast Asian games sa Hanoi, Vietnam.

Nakalaban ni DIAZ ang limang katunggali, kabilang na si Sanikun Tanasan ng Thailand na isang gold medalist mula sa 2016 Rio Olympics, bagama’t nasa isang lighter weight class.

Ito ang kanyang ikalawang gintong medalya sa Biennial Meet matapos makakuha ng isa sa 2019 edition na ginanap sa Pilipinas.

Maliban dito, nakasungkit din siya ng mga silver medal mula sa 2011 at 2013 na edisyon, at isang bronze noong 2007 sa Thailand.

Dalawang kaso ng Omicron subvariant ng COVID-19 ang naitala sa isang ospital sa Batangas.

Ito ang sinabi ni Dr. Benito Atienza, Philippine Medical Association (PMA) President na dalawa ang nakitaan ng Omicron subvariant na mula sa Canada ang kaslaukuyang ginagamot na sa naturang ospital.

Dagdag pa ni Atienza na hindi ito agad na-detect dahil kakaunti lamang ang nagpapatest sa COVID-19.

Iminungkahi nito na dapat mas paigtingin muli ang testing, tracing at treatment para hindi na kumalat pa ang panibagong subvariant.

Dahil dito, nagpaalala naman si atienza sa mga galing sa ibang bansa na mag-self quarantine at magpasuri pagkarating sa bansa para makasiguro na walang dalang virus.

Nasa walong bilyong pisong pondo ang matitipid ng pamahalaan sakaling hindi matuloy ang Barangay Election sa December 2022.

Ito ang sinabi ni House Majority Leader Ferdinand Martin Romualdez kung saan ang nabanggit na halalan ang unang tatalakayin sa pagbubukas ng 19th congress.

Sa ngayon, mayroong mga sumusuportang chairman na isuspindi ang barangay election upang mailaan ang pondo sa COVID-19 repsonse.

Matatandaan na inihain sa kamara noong nakaraang taon ang isang panukala na nagsusulong sa pagpapaliban ng naturang botohan sa Disyembre.

Inaasahan ng Philippine General Hospital (PGH) na karamihan sa kanilang “skilled” healthcare professional ay aalis para magtrabaho bilang Overseas Filipino Workers (OFWs).

Ayon kay PGH Spokesperson Dr. Jose del Rosario, ito’y dahil nagbukas ang maraming bansa ng oportunidad para sa healthworkers.

Giit pa ni del Rosario na marami siyang nakikitang resignation at karamihan dito ay mga “skilled.”

Patuloy namang nagre-recruit ang mga state-owned hospital gayundin ang kagustuhan nito na makapagsanay ng mga nurse na may kaunti o walang propesyonal na karanasan.