NATIONAL NEWS

Iniimbestigahan na ng Department of Education (DEPED) ang hinihinalang food-borne disease na umano’y dulot ng kontaminadong gatas na ipinamahagi sa mga paaralan sa negros oriental sa ilalim ng School-Based Feeding Program (SBFP).

Ayon sa DEPED, nakikipag-ugnayan na ang kanilang kagawaran sa Local Government Unit (LGU) sa Sta. Catalina sa nasabing lalawigan gayundin nsa National Dairy Authority at concerned agencies para sa imbestigasyon at analysis ng milk samples.

Nabatid na nasa 100 mag-aaral sa naturang lugar ang na-ospital makalipas ang ilang oras matapos  uminom ng fresh milk na ipinamigay ng DEPED.

Nasa 30 billion pesos hanggang 40 billion pesos ang dapat ilabas ng administrasyon ni presumptive president Ferdinand “Bongbong” Marcos Jr. para matugunan ang kakulangan sa suplay ng bigas sa sacond half ng taon dahil sa tumataas na presyo ng fertilizer.

Ito’y ayon kay Department of Agriculture (DA) Undersecretary Fermin Adriano kasunod ng babala ni Agriculture Secretary William Dar sa posibleng pagtama ng krisis sa pagkain sa bansa.

Una nang sinabi ni Dar na may nagbabadyang food crisis sa Pilipinas bunsod ng taas-presyo ng farm inputs noong ikalawang semester ng 2022 dahil sa pandemya, pagtaas ng preasyo ng langis at patuloy na giiyera sa pagitan ng Russia at Ukraine.

Dapat asahan ng mga manggagawa sa Region IV-B at Region 12 ang pagtaas sa minimum wage matapos aprubahan ng National Wages and Productivity Commission (NWPC) ang wage orders ng kani-kanilang regional wage boards.

Batay sa Wage Order no. RB-Mimaropa-10 ng Department of Labor and Employment (DOLE), 35 pesos ang umento sa sahod kaya aabor sa 329 pesos ang bagong minimum wage para sa mga establisyimento na wala pang sampung manggagawa at 355 pesos para sa may sampu o higit pang empleyado.

Para sa Region 12 o Socksksargen, pinagtibay ng nwpc ang Wage Order no. RBXII-22 na kung saan 32 pesos ang umento sa sahod na ibibigay sa pamamagitan ng dalawang tranche na 16 pesos matapos ipatupad ang wage order at 16 pesos sa September 1, 2022.

Sa nasabing bilang, aabot sa 368 pesos ang minimum wage sa naturang rehiyon para sa non-agricultural sector at 347 pesos para sa agricultural, service at retail establishments.

Nagpulong ang mga opisyal ng Pilipinas at Qatar kaugnay sa International Migration Review Forum (IMRF) 2022 na ginanap sa United Nations (UN) headquarters sa New York, USA.

Tinalakay sa pagpupulong ang temang “working together to ensure fair recruitment and decent work in the Philippines-Qatar Migration Corridor”.

Makikita sa naganap na meeting ang matibay na ugnayan ng dalawang nasabing bansa sa iba’t-ibang aspeto ng kooperasyon, partikular sa labor at migration.

Nabatid na pinangunahan ng pangulo ng UN General Assembly ang naturang pagpupulong.

Kumpirmado na ang mga kaso ng “Long COVID” sa Pilipinas o mga indibidwal na nakaranas ng medium to long-term effects ng COVID-19 matapos na makarekober.

Ayon Kay National Task Force against COVID-19 Medical Adviser Dr. Ted Herbosa, nag-umpisa na itong i-identify ng World Health Organization (WHO) sa iba’t-ibang bansa.

Ayon sa WHO, nasa 10% hanggang 20% ng mga tao ang may mid to long term effects matapos na makarekober sa naturang sakit kung saan nakakaranas ang mga ito ng fatigue, hirap sa paghinga at cognitive dysfunction tulad ng pagkalito, pagkalimot at kakulangan sa pokus.

Samantala, sinabi ni Herbosa na pag-aaralan nilang mabuti ang sitwasyon ng Long COVID sa bansa.