NATIONAL NEWS

Isinulong ng Federation of Free Workers (FFW) ang implementasyon ng P100-B stimulus package para mapadali ang economic recovery ng bansa.

Ang nasabing halaga ay magsisilbing subsidy loan para sa micro, small and medium enterprises.

Inihayag ni FFW president Sonny Matula na hindi sapat ang dagdag-sahod na inaprubahan ng iba’t ibang regional tripartite wages and productivity boards para sa mga minimum wage earner.

Gayunman, nagpapasalamat pa rin anya ang mga labor group sa umentong ipinagkaloob ng mga regional wage board na kahit paano ay makatutulong upang maibsan ang epekto ng tumataas na presyo ng mga bilihin.

Una nang inirekomenda ni presidential adviser for entrepreneurship Joey Concepcion na dapat protektahan ng susunod na administrasyon ang mga MSME na kabilang sa mga susi sa job creation sa buong bansa.

HUMANDA na’t samahan ang mga kwelang jocks ng PIE o Pinoy Interactive Entertainment para sa kakaibang entertainment experience na hatid ng tradigital channel na ito simula Mayo 23, 2022.

Mapapanood ang PIE sa BEAM TV, Sky Cable Channel 21, PIE Website, at PIE YouTube Channel. Magiging live din ito sa GLife ng GCash app simula Mayo 28.

Samu’t saring saya at papremyong aabot sa P10 milyon ang inihanda ng PIE para sa sambahayang Pilipino sa unang tatlong buwan ng pag-ere nito.

Salubungin ang araw sa mga nakaka-inspire na kuwento at positibong enerhiya tuwing ika-7 ng umaga sa PIESILOG kasama ang paborito mong “Mayora” Frances Cabatuando ng Home Buddies Facebook community.

Nandiyan din sina “Kikay” Sela Guia, “Kwelang Kuya ng Lahat” Tristan Ramirez, “Bibong Artist” Raco Ruiz, “Good Boy Charmer” Jae Miranda, at “VJ na Laging May Say” Eryka Lucas.

At habang nagla-lunch break, pasasayahin ka naman ng nakatutuwang viral at sikat na content na dala ng BARANGAY PIE. Makikita sa barangay na ito ang iba’t ibang personalidad ng ordinaryong Pinoy kung saan tiyak makaka-relate ang mga manonood.

Kilalanin “Ang Tito Mong Mayor” Mayor TV, “Ang Muse ng Barangay” Abby Trinidad, “Barangay Talak-Tokerist” Ruth Paga, “Sawsawera ng Barangay” Sunshine Teodoro, “Barangay Queen Sirena” Inah Evans, “Barangay Sexy-Tary” Patsy Reyes, at “Sizt-mosa ng Barangay” Coco Cordero.

Pagdating ng alas-4 ng hapon, bibigyan ka naman ng inspirasyon ng “PIEGALINGAN,” ang tambayan ng mga galing ang panlaban.

Ang talent variety show na ito ay pangungunahan nina “G sa Lahat ng Gimik” at “Try-It” actor/streamer Ralph Malibunas, “Reynang All-Out ang Support” beauty queen/actress Sam Bernardo, at “Bidabro” at “Promotor ng Trip” actor/host Eris Aragoza.

Saan ka man naroroon sa Pilipinas, puwede ka ring maging PIENALO gamit ang iyong mobile phone. Nag-level-up na sa PIE ang classic game show na “Pera o Bayong” na mamimigay ng mga premyo bawat oras sa mga manonood. Sa “Palong Follow,” magtutulungan naman ang PIE viewers para hanapin ang susunod na digital content creator ng bansa.

Makakasama mo sa PIENALO ang “Goal-Oriented Achiever” Eian Rances, “Ang Raketerang Breadwinner ng Visayas” Nicki Morena, “Happy-Go-Lucky Bunso ng TropPIE” Kevin Montillano, at well-loved chef at YouTube sensation Ninong Ry.

Kung isa kang “Marites,” bagay sa iyo ang PIE Night Long. Maki-join sa mga modernong kuwentong Pinoy kung saan puwede kang mag-share ng iyong feelings. Sa “UZI,” ang unang interactive na teleserye sa bansa, may say rin ang viewers sa magiging takbo ng bawa’t kuwento.

Handa namang makinig sa kuwento ng buhay mo sina “Fun-Loving and Woke Gen Z” Aaron Maniego, “Hopeless Romantic Love Guru” Karen Bordador, at ang “Sweet and Conservative Musician” Renee Dominique.

Ilulunsad din ng channel ang opisyal na kanta at station ID nito sa Mayo 22 tampok ang mga artist na sina KD Estrada, Alexa Ilacad, P-POP Girl Group BINI, Renee Dominique at John Roa.

“Sa PIE, ang mga viewers ay bahagi ng isang komunidad na gumaganap ng aktibong papel sa pagkukuwento, games at talk shows. Maging sa TV, laptop, desktop o mobile device, ang PIE ay madaling ma-access ng mga Pinoy na gustong sumubok ng bagong paraan para manood at maki-interact sa mga palabas,” sabi ni KROMA Entertainment Chief Executive Officer Ian Monsod.

“Ginawa naming interactive ang aming mga programa para makalahok ang mga manonood sa pamamagitan ng TV at mga mobile device. Maghanda para sa 21 oras ng masasayang palabas araw-araw sa bagong entertainment channel na ito,” ani Cory Vidanes, ABS-CBN Chief Operating Officer of Broadcast.

Ang PIE ay hatid ng BEAM, 917Ventures, KROMA, at ABS-CBN. Sundan ang PIE (@iamPIEofficial) sa Facebook, Twitter, Instagram at TikTok para sa mga update.

Hinimok ng isang transport group ang mga bagong-halal na mambabatas na isulong ang panukalang batas na maglalaan ng 10% ng bahagi ng public transport consumers tax para sa mga PUV Operator at driver.

Ito’y bilang suporta sa transport modernization program at pamilya ng mga operator at tsuper.

Sa liham sa mga incoming senator at congressmen ng liga ng transportasyon at operators sa Pilipinas o LTOP, ipinunto nitong kabilang ang transportation sector sa primary contributor ng government revenues.

Sa pamamagitan anila ito ng buwis mula sa basic transport commodities.

Iginiit ng LTOP na wala pa ring katiyakang makatatanggap ng financial assistance sa ilalim ng transport modernization program, ang mga operator na walang kakayahang bumili ng bago at modernized jeepneys kapalit ng mga luma nilang PUV units.

Kabilang din sa proposal ay dapat mapunta ang 50% ng pondo sa PUV modernization program, at ang nalalabing kalahati ay dapat ilaan para sa transport infrastructure.