NATIONAL NEWS

Tiwala ang Trade Union Congress of the Philippines (TUCP) na kakayanin ng karamihan ng mga employer ang inaprubahang umento sa sahod ng ng regional tripartite wages and productivity boards sa ilang rehiyon sa bansa.

Sa panayam ng DWIZ, sinabi ni Alan Tanjusay, tagapagsalita ng TUCP, na nakausad na ang ekonomiya ng bansa at tuloy-tuloy na rin ang pagbubukas nito.

Gayunman, sinabi ni Tanjusay na kung hindi kakayanin ng ilang employer ang wage increase ng mga manggagawa ay papayagan ang mga ito na humiling ng exemption.

Mababatid na epektibo na ngayong buwan ang dagdag-sahod sa labing-apat pang rehiyon sa bansa kabilang ang Metro Manila, Cordillera Administrative Region, Caraga at Ilocos Region.

Mababa ang bilang ng mga naturukan ng booster shot laban sa COVID-19.

Ito ang inihayag ni health secretary Francisco Duque III na lahat ay ginawa nila para mapataas ang inoculation rate.

Binigyang-diin niya ang mga nagawa ng gobyerno tulad ng pagbubukas ng vaccination programs sa mga botika medical clinics at public transport terminals para magkaroon ng access ang mga tao sa pagpapabakuna.

Nanawagan naman si Duque sa publiko na samantalahin ang pagpapaturok ng booster shot habang maluwag pa ang mga vaccination center dahil mahihirapan nanaman ang mga ito na makipagsiksikan sa mahabang pila sakaling magkaroon muli ng COVID-19 surge.

Huling araw na ng operasyon ng Quirino grandstand field hospital sa Maynila.

Dahil dito, hinikayat ng Manila City Government ang publiko na samantalahin na ang kanilang drive thru vaccination at drive thru testing na mag-o-operate hanggang mamayang alas-5 ng hapon na lamang.

January 13 nang magsimula ng kanilang operasyon ang nasabing 24/7 vaccination na hindi lamang sa mga residente ng Maynila bukas kundi maging sa iba pang lugar

Ayon sa Manila Public Information Office, mahigit 85,000 indibidwal na ang nabakunahan sa halos limang buwang operasyon ng Quirino grandstand field hospital.

Hindi naman tinukoy ang dahilan nang pagsasara ng nasabing field hospital bagama’t tuluy-tuloy ang operasyon ng 44 na health centers, 6 na district hospitals at 4 na mall.

Bilang ‘most consistent mobile network’ sa Pilipinas, naiangat ng isang telco ang customer experience sa mga serbisyo nito sa first quarter ng taon, sa pagtala ng mas mabilis na broadband at mobile connectivity sa pamamagitan ng tuloy-tuloy na pagbuti ng #1stWorldNetwork nito.

Ang agresibong network expansion ng Globe upang mapalawak ang serbisyo sa mga customer ay nagbunga ng pagkilala mula sa dalawang international firms para sa unang tatlong buwan ng taon — global analytics firm Ookla at independent global standard Opensignal.

“This is how we define a ‘win’, that in the hearts of our customers, Globe’s service is the most consistent, always there for their connectivity needs,” sabi ni Globe President at CEO Ernest Cu.

“And we have gone way beyond telco. With the customers in our hearts, Globe continues to expand as a digital solutions platform. Now, we address our customers’ needs beyond telco in the areas of fintech, telehealth, edutech, and a host of many other services geared towards the digital enablement of Filipinos,” ani Cu.

Base sa Ookla Speedtest Intelligence data, ang Globe ay nagtala ng nationwide consistency score na 79.45 mula January hanggang March 2022, mas mataas kumpara sa 70.43 sa kaparehong panahon noong nakaraang taon. Ang iskor ay tumaas din mula sa 79.02 na naitala sa Q4 2021.

Ang mobile consistency score ng Ookla ay nadedetermina ng bilang ng user tests na isinagawa na “above a certain speed threshold. The higher the figures, the more likely for customers to enjoy acceptable Internet performance and quality.”

Samantala, kinilala ng Opensignal ang Globe sa pagkakaroon ng ‘Most Consistent Mobile Quality’ sa Pilipinas, kung saan tinalo nito ang mga katunggali sa Excellent and Core Consistent Quality categories ng Opensignal Mobile Experience Awards.

Ginawaran ng independent global standard ang Globe ng Excellent Consistent Quality award sa kanilang April 2022 Mobile Network Experience Report for the Philippines, na naging basehan ang datos mula January 1 hanggang March 31, 2022. Ang rating ng Globe na 51.6 percent ay mas mataas ng 7.8 percentage points sa pinakamalapit na katunggali.

Ang Globe ay No. 1 din sa Core Consistent Quality na may 74.6 percent, mas mataas sa pinakamalapit na kalaban ng 12.8 percentage points.

Sinusukat ng Excellent Consistent Quality ng Opensignal ang “percentage of users’ tests that met the minimum recommended performance thresholds to watch HD video, complete group video, conference calls, and play games.”

Maliban dito, ang Core Consistent Quality ay ang “percentage of users’ tests that met the minimum recommended performance thresholds for lower performance applications including SD video, voice calls and web browsing.”