NATIONAL NEWS

SINGAPORE, Sept 28– Cebu Pacific (CEB) operated on Wednesday a Singapore to Manila passenger
flight powered by sustainable aviation fuel (SAF), becoming the first Philippine carrier to incorporate SAF
in its commercial operations.

The leading Philippine carrier’s maiden SAF flight was operated with an Airbus A321neo, using 35%
blended SAF produced by Neste and supplied by Shell Eastern Petroleum.

SAF will help the aviation industry reduce its carbon emissions,” said Alex Reyes, Chief Strategy Officer
at Cebu Pacific. “We encourage more producers to increase the supply of SAF in the region. Our first
passenger flight using SAF is a culmination of months of cooperation with valued partners and is an
important component of our sustainability program.”

The send-off event at Singapore’s Changi International Airport Terminal 4 was marked with Filipino
festivities to showcase Philippine culture and celebrate an important milestone in Cebu Pacific history.

We applaud Cebu Pacific for taking the first step on their SAF journey and are honored that they have
chosen to do so from Changi Airport. Changi Airport Group looks forward to supporting more airlines on
their SAF journey, to power sustainable air travel together,” said Mr Yeo Kia Thye, Managing Director,
Airport Operations Planning and Airside at Changi Airport Group. – sa ulat ni Raoul Esperas (Patrol  45).

Nakikita ng Metropolitan Waterworks and Sewerage System (MWSS) na posibleng tumaas ang singil sa tubig sa susunod na taon.

Dahil ito sa patuloy na pagbulusok ng halaga ng piso kontra dolyar na sa datos kahapon ay malapit nang sumampa sa P59

Ayon kay Patrick Lester Ty, Chief Regulator ng MWSS, masasama ang epekto ng piso sa panibagong rate na lalabas sa January 1 sa susunod na taon.

Pero gagawin umano nila ang lahat upang mapigilan ang epekto na posibleng umabot hanggang sa susunod na 5 taon.

Sa huling datos, nagsara na sa P58.99 ang exchange rate na 11 beses nang mababa ngayong Setyembre.

Tatlo ang sugatan sa pagsalpok ng tren ng Philippine National Railways (PNR) sa isang crawler crane sa Sampaloc, Maynila.

Ayon sa pamunuan ng PNR, kabilang sa nasugatan ang operator, konduktor at isang pasaherong sakay ng tren.

Malaki ang nasira sa harap ng tren dahil sa impact.

Sa inisyal na imbestigasyon, parating na sa Antipolo Street ang tren na patungo sanang Governor Pascual, malabon nang bilang gumalaw ang crawler crane na ginagamit sa konstruksyon ng NLEX-SLEX connector project.

Ang assistant ng operator ng crane ang nangialam sa sasakyan na kinilalang si Jerson Banzon, dahilan para humampas ito sa tren.

Agad namang tumakas ang si Banzon, pero kalaunan ay sumuko rin sa Manila District Traffic Enforcement unit.

Sa ngayon, pinag-aaralan na ng pamunuan ng PNR kung anong parusa ang ipapataw kay Banzon.

Nabahala ang isang infectious diseases expert sa desisyon ng gobyernong payagan ang mga nakatayong pasahero na sakay ng mga Public Utility Vehicles o PUVS.

Ayon kay Dr. Rontgene Solante, na Vice-President din ng Philippine College of Physicians, magdudulot ng hawaan ng COVID-19 ang maliit na distansiya ng mga pasahero, lalo’t nasa gitna pa rin ng pandemya ang bansa.

Iginiit naman ni Solante ang kahalagahan ng pagsusuot ng face mask sa ganitong sitwasyon.

Nabatid na sa memorandum ng Land Transportation Franchising and Regulatory Board, papayagan ng hanggang 15 ang bilang ng mga pasaherong nakatayo sa loob ng bus, 10 sa coach-type PUBS at 5 sa modern public utility jeepneys.

Sinumang hindi sumunod sa direktiba ay papatawan ng multang alinsunod sa joint administrative order no. 2014-01.

Umabot na sa P 22.7- M halaga ng tulong ang naipamahagi ng Department of Social Welfare and Development (DSWD) sa mga local government units (LGUs) na naapektuhan ng pananalasa ng Bagyong Karding.

Sa huling datos ng DSWD, umabot na sa 2.7 – M tulong pinansiyal ang kanilang naipamahagi sa ilalim ng Assistance to Individuals In Crisis Situation (AICS) program.

Umabot naman sa 475 pamilya sa Aurora Province at 69 kabahayan sa Quezon Province na nasira dahil sa bagyo ang naabutan ng P 5,000 tulong ng DSWD.

Samantala, umabot na rin sa P 103.01 – M halaga ng quick response fund ang inihanda ng DSWD sa kanilang central office habang P43.08 – M sa kanilang field office sa Region 1, 2, 3, 4a, 4b, 5, NCR at Cordillera Administrative Region (CAR)

Tutol pa rin ang isang grupo sa pagtatayo ng Kaliwa Dam sa bahagi ng Quezon hanggang Rizal.

Sa panayam ng DWIZ, iginiit ni Save Sierra Madre Network Alliance President Ara Mercado na direktang maaapektuhan kasi ng konstrusyon nito ang mga nasabing lugar.

Binigyang diin pa niya na nakikita naman ng karamihan kung gaano kaimportante ang role na ginagampanan ng bulubundukin ng sierra madre sa pagpapahina ng bagyo.

Batid natin na ito ay nakakapagpalinaw ng mga nangyari sa Bagyong Karding, kung saan nasa category 5 siya at dahil nga sa pagsalpok niya sa mga bulubundukin ng Sierra Madre at ito’y tinuturing natin na backbone ng Luzon, so kaya napakahalaga nga na ito ay protektahan”.

Dagdag pa ni Mercado na dahil din sa patuloy na destructive human activities ang nararanasang pagbaha sa low land areas.

 Gaya nga ng nabanggit niyo na pag ququary, so nagkakaroon tayo ng fire erosion, at pagmaraming ulan ay maari talagang gumuho ang mga lupa doon at magdudulot ng disaster doon sa mga directly areas na affected ng mga ginagawang ganitong gawain,syempre napakalaking pinsala  gaya nga sa nabanggit mo,pati ang pagkawala ng buhay”

Ang tinig ni President Ara Mercado ng Save Sierra Madre Network Alliance, sa panayam ng DWIZ

Umakyat na sa 10 ang bilang ng mga nasawi dahil sa pananalasa ng Bagyong Karding habang umabot na sa 8  ang bilang ng mga napaulat na nawawala.

Batay pa sa ulat ng National Disaster Risk Reduction and Management Council ( NDRRMC) , nasa 157,023 indibidwal o 39,893 pamilya ang naapektuhan ng bagyo sa 1,318 barangays sa Ilocos, Cagayan, Central Luzon, CALABARZON, MIMAROPA, Bicol, at CAR.

Aabot sa kabuuang 37,135 katao o 8,825 pamilya ang nananatili sa 574 evacuation centers, habang 15,759 na mga indibidwal o 3,778 pamilya ang nanunuluyan sa ibang mga lugar.

Nananatiling stranded naman ang 613 passengers, 190 rolling cargoes, 5 vessels, at1 Motorbanca sa CALABARZON, MIMAROPA, at National Capital Region (NCR).

Umabot naman sa kabuuang P 5,532,150.18 assistance ang naipagkaloob sa mga apektadong residente sa Ilocos, Cagayan, Central Luzon, Bicol, at Cordillera.

Mas malaki ang ginagastos ng mga Pilipino sa mga pangangailangan sa hygiene at self-care tuwing may kalamidad.

Ito ay batay sa pag-aaral ng Packworks, isang enterprise resource planning platform sa halos 200,000 sari-sari stores sa buong bansa.

Lumalabas sa datos na maraming pinoy ang bumili ng shampoo at conditioner sa mga sari-sari store kasunod ng mga nagdaang kalamidad tulad ng pananalasa ng Bagyong Odette noong December 2021, pagputok ng Bulkang Taal nitong Marso at pagyanig ng magnitude 7 na lindol sa Abra noong Hunyo.

Bukod dito, 18%  ng mga kinikita ng mga sari-sari stores ay mula sa hair care products habang 16% ang mga gamit sa panlaba.

Mas pinipili naman ng mga Pilipino ang bumili ng immediate necessities sa malapit na tindahan kaysa magtungo sa mga malalaking supermarkets.

Isinailalim sa state of calamity ang San Miguel, Bulacan matapos makaranas ng matinding pagbaha dahil sa malakas na pag-ulan bunsod ng Bagyong Karding.

Batay ito sa Municipal Resolution no. 2022-064 na nilagdaan ni Roderick Tiongson, Vice Mayor Alvarez, presiding officer at secretary to the sangguniang bayan Margarita Lualhati Banzuela.

Nabatid na nagresulta sa pinsala sa agrikultura, imprastruktura at pangkabuhayan ang matinding pagbaha sa lugar.

Batay sa datos ng Municipal Social Welfare And Development Office (MSWDO) at Municipal Disaster Risk Reduction And Management Office (MDRRMO), nasa 30,081 kabahayan, 39,903 pamilya at 133,095 indibidwal ang naapektuhan ng Bagyong Karding.

Inatasan ng Commission on Higher Education (CHED) ang lahat ng unibersidad at kolehiyo na sumunod sa guidelines sa pagsususpinde ng klase.

Ito ang paglilinaw ng CHED kasunod na rin ng tila kalituhan sa DepEd Order 037 kaugnay sa suspensiyon ng klase.

Ayon kay CHED Chairman Prospero De Vera, matagal nang sinusunod ng mga Higher Education Institutions (HEI) ang Executive Order no.66 at CHED Memorandum Order(CMO) no. 15.

Nakapaloob sa nabanggit na EO no.66 ang mga pamantayan sa pagsususpindi ng mga klase sa bagyo, pagbaha at iba pang sama ng panahon at kalamidad.

Sa ilalim ng memo 15 na otomatikong suspendido ang klase sa kolehiyo kasama na ang graduate school kapag itinaas sa signal no. 3 ng pag-asa ang babala ng bagyo.

Maaari ring kanselahin ang klase sa kolehiyo kasama ng graduate school batay na rin sa desisyon ng lokal na pamahalaan.

Samantala, hangga’t di aniya binabago o pinapawalang bisa ang EO 66 at memo 15 ay mananatili itong pamantayan ng lahat unibersidad at kolehiyo sa bansa.