EXPLAINERS

Mas pinaigting pa ng administrasyon ni Pangulong Ferdinand Marcos Jr. ang kampanya ng pamahalaan upang maging tourism powerhouse sa Asya ang Pilipinas.

Kasunod ito sa inilabas na ulat ng Department of Tourism (DOT) kung saan naipakitang higit sa 5.45 million ang international visitors ng bansa mula January 1 hanggang December 31, 2023. Para kay DOT Secretary Christina Garcia Frasco, “win for the Philippine tourism industry” ang taong 2023.

Para kay Pangulong Marcos, “reliable pillar” sa pagsigla ng ekonomiya ang tourism sector dahil nagbibigay ito ng kabuhayan sa ilang milyong Pilipino.

Mayroong target na 4.8 million tourist arrivals ang DOT para sa taong 2023. Nalagpasan ng bansa ang target na ito ng higit 650,000. Ayon sa monitoring data ng ahensya, 91.8% dito ay foreigners.

Isa sa mga naging hakbang ng administrasyon upang mas sumigla ang turismo sa bansa ay ang pag-apruba ni Pangulong Marcos sa National Tourism Development Plan 2023 to 2028. Ito ang magsisilbing blueprint at development framework ng pamahalaan para sa tourism sector sa bansa.

Layon ng naturang development plan na magtatag ng industriya ng turismo na nakaangkla sa kultura ng mga Pilipino. Mayroon itong sinusundang seven main objectives:

• pagpapabuti sa tourism infrastructure at accessibility;
• pagpapalawak sa digitalization at connectivity;
• pagpapahusay sa overall tourist experience;
• pagpapantay sa tourism product development at promotion;
• pagpapalawak ng tourism portfolio sa pamamagitan ng multidimensional tourism;
• pag-maximize sa domestic at international tourism;
• at pagpapalakas ng tourism governance sa pamamagitan ng pagtutulungan ng national at local stakeholders.

Alinsunod dito, sinabi ni Pangulong Marcos na isinasagawa na ang mga polisiya at programang magpapabuti sa critical tourism infrastructure at capacity building para sa mga negosyante at manggagawa. Kasalukuyan ding pinapaunlad ng DOT ang visitor experience sa pamamagitan ng mga programa at inisyatiba, gaya na lang ng tourist rest areas na itatatag sa iba’t ibang bahagi ng bansa na mayroong clean restrooms, lounge area, complete information about tourist destinations, at pasalubong centers. Nakikipagtutulungan na rin ang DOT sa iba pang ahensya upang matiyak ang kaligtasan at seguridad ng mga turista.

Hindi maikakaila ang magandang epekto ng turismo sa bansa. Sa katunayan, iniulat ng DOT na higit sa P480 billion ang naipasok na kita nito sa Pilipinas noong 2023.

Sa patuloy na pagpapalakas ng administrasyong Marcos sa tourism sector, inaasahang mas maraming trabaho ang malilikha para sa mga Pilipino at mas tatatag ang ekonomiya ng bansa.

Bago man ang kanyang approach, matagumpay na naipatutupad ni Pangulong Ferdinand Marcos Jr. ang anti-illegal drug campaign ng administrasyon. Ito ay base sa inilabas na annual accomplishment reports ng mga kaukulang ahensya ng pamahalaan.

Sa pamamagitan ng pinagsama-samang pagsisikap ng Department of the Interior and Local Government (DILG), Dangerous Drugs Board (DDB), Philippine Drug Enforcement Agency (PDEA), at Philippine National Police (PNP), 27,000 barangays na ang idineklarang drug-cleared.

Kapag itinuring na drug-affected ang isang barangay, sasailalim ito sa Barangay Drug Clearing Program (BDCP) ng DDB. Ang Regional Oversight Committee on Barangay Drug Clearing ang magdedeklara kung malinis na ang barangay mula sa ilegal na droga. Iba ito sa drug-free na tumutukoy naman sa mga lugar na walang reports ng drug activity mula noon.

Patuloy ang DDB sa pagpapatupad ng clearing program upang makamit ang target nitong 100% drug-cleared barangays sa pagsapit ng 2028.

Samantala, humigit-kumulang P10.41 billion worth of illegal drugs ang nasamsam ng pamahalaan noong 2023. Bukod sa pagkumpiska ng napakaraming ilegal na droga, higit sa 56,000 ang naaresto mula sa 44,000 anti-illegal drug operations ng administrasyon ayon sa PNP.

Matatandaang sinabi ni Pangulong Marcos sa kanyang ikalawang State of the Nation Address (SONA) noong July 24, 2023 na nakatuon ang kampanya niya kontra ilegal na droga sa community-based treatment, rehabilitation, at education.

Alinsunod dito, naitalang as of December 27, 2023, mayroong 23 provinces, 447 municipalities, at 43 cities sa bansa na nagtatag ng kanilang sariling community-based drug rehabilitation programs (CBDRPs).

Mayroon namang functional Anti-Drug Abuse Councils (ADACs) na nagpapatupad ng anti-drug programs sa local level ang 50 provinces, 1,160 municipalities, at 30 cities. Dagdag pa rito, 74 na in-patient treatment and rehabilitation facilities ang naipatayo sa iba’t ibang bahagi ng bansa.

Para kay House Committee on Dangerous Drugs Chairman Surigao del Norte 2nd district Rep. Robert Ace Barbers, “very fruitful” ang anti-illegal drug campaign ng administrasyong Marcos. Sa patuloy na prevention, treatment, rehabilitation, at law enforcement, hindi imposibleng matuldukan ang isyu ng ilegal na droga sa Pilipinas nang walang dadanak na dugo.

Kasabay sa pagpasok ng taong 2024, tiniyak ni Pangulong Ferdinand Marcos Jr. ang pagbibigay ng kanyang administrasyon ng mahusay at mabilis na serbisyo para sa mga Pilipino. Aniya, hindi niya hahayaang maantala ang mga nakalinyang proyekto ng pamahalaan.

Sabi ni Pangulong Marcos, “service delayed is also service denied.” Upang maiwasan ang pagkaantala, ipagpapatuloy ng administrasyon ang pagtanggal sa government rules na nagpapabagal sa pagbibigay ng serbisyo sa mga Pilipino, kabilang na ang mga dokumento at lisensya.

Matatandaang kamakailan lang, pinaalalahanan ni Pangulong Marcos ang mga ahensya ng pamahalaan na labanan ang ganitong uri ng gawain na mas kilala bilang red tape.

Ang red tape ay ang sobrang pagsunod sa formal rules na hindi naman importante. Ayon kay Pangulong Marcos, ito ang kadalasang nagiging dahilan ng underspending at overspending.

Upang maiwasan ang red tape, nilagdaan ni dating Pangulong Rodrigo Duterte ang Ease of Doing Business Law o Republic Act No. 11032. Pag-amyenda ito sa naunang Anti-Red Tape Act o Republic Act No. 9485 na layong mapabuti ang sistema at mapabilis ang proseso ng pakikipag-transaksyon sa gobyerno. Sa bisa nito itinatag ang Anti-Red Tape Authority (ARTA) na nangangasiwa sa pagpapatupad ng provision ng naturang batas.

Naniniwala ang ARTA na susi sa pagpapabilis ng pagbibigay ng serbisyo sa publiko ang pagsusulong ni Pangulong Marcos ng digitalization sa bansa, kasama na rin ang streamlining at automation.

Para kay Pangulong Marcos, “When projects get delayed, progress is denied our people.” Kaya upang umunlad ang buhay ng bawat Pilipino at mabigyan ng dekalidad na serbisyo ang lahat, patuloy na pupuksain ng administrasyon ang red tape.

Iniulat ng Anti-Red Tape Authority (ARTA) na out of 1,637 LGUs, 630 pa lang ang nagpapatupad ng electronic business one-stop shop (eBOSS) program. Sa mga ito, 19 LGUs lang ang idineklarang fully compliant sa pagpapatupad ng programa ayon sa validation ng ARTA Compliance Monitoring and Evaluation Office.

Upang masolusyunan ito, ipinag-utos ni Pangulong Ferdinand Marcos Jr. ang nationwide rollout ng assistance sa LGUs na hindi pa nakapag-set up ng kanilang eBOSS system.

Matatandaang sa ginanap na Philippine Mayors Forum noong October 27, 2023, sinabi ni Pangulong Marcos na dapat nang tapusin ang napakabagal na proseso ng pangunahing serbisyo sa LGUs. Iginiit niya na dapat nang i-adapt ang makabagong teknolohiya sa pamamagitan ng pagsusulong ng digitalization at e-governance dahil mas mapapabilis nito ang iba’t ibang pakikipag-transaksyon sa LGUs.

Sa eBOSS program, mas magiging madali at mabilis ang proseso sa pagkuha ng business permits at iba pang dokumento sa pagnenegosyo dahil sa digitalization.

Isa sa mga magiging epekto ng pagpapalawak sa eBOSS ay ang paglago ng ekonomiya dahil kung mas madaling kumuha ng mga dokumento, mas maraming entrepreneurs ang mahihikayat na mag-negosyo at sumunod sa requirements ng pamahalaan.

Ayon kay ARTA Director General Ernesto Perez, sa pamamagitan ng streamlining at digitalization, posible nang makakuha ng business permit sa loob lang ng 20 mins to 1 hour. Naitalang mas mataas ang business registration at tax collections ng LGUs na may full implementation ng eBOSS system.

Masasabing fully compliant sa eBOSS program ang LGU kung mayroon itong online system na tumatanggap ng business applications gamit ang Unified Application Form; nakakapag-isyu ito ng electronic tax bill, Fire Safety Inspection Certificate Fee, at Barangay Clearance Fee; nakakapagbigay ng electronic version ng permits; at tumatanggap ng online payment.

Upang makasabay na sa eBOSS system ang lahat ng LGUs sa bansa, magsasagawa ng caravan ang ARTA sa last week ng January. Katulong ang Presidential Management Staff (PMS), Department of the Interior and Local Government (DILG), at Department of Information and Communications Technology (DICT), magbibigay ng tulong ang ARTA sa LGUs, mula hardware donation hanggang sa technical assistance na alinsunod sa utos ni Pangulong Marcos.

Ayon sa Pangulo, ipagpapatuloy niya ang pagpapahusay at pagpapabilis sa serbisyo ng pamahalaan sa taong 2024. Kapag matagumpay na maipatupad ang eBOSS system sa buong bansa, inaasahang mas sisigla pa ang ekonomiya ng Pilipinas.

“To build better and more.”

Ito ang pangako ni Pangulong Ferdinand Marcos Jr. para sa taong 2024.

Para kay Pangulong Marcos, paghahanda ang “hard-fought” gains o mga tagumpay noong 2023 sa anumang kahirapang maidudulot ng bagong taon.

Isa sa mga ibinida ni Pangulong Marcos ang pagtatatag ng karagdagang 33 specialty centers sa bansa. Alinsunod ito sa nilagdaan niyang Republic Act No. 11959 o Regional Specialty Centers Act na may layong magpatayo ng mas maraming specialty centers sa iba’t ibang rehiyon upang magkaroon ng abot-kaya at accessible specialized medical services ang mga Pilipino saanmang sulok ng bansa.

Sa ilalim ng administrasyong Marcos, naipatayo rin ang mahigit 2,000 classrooms, 7 cold chain facilities, at 8 water supply projects. Mayroon namang 147 water projects na planong itatag para sa 2024. Matatandaang bilang paghahanda sa epekto ng El Niño phenomenon na posibleng umabot hanggang sa second quarter ng taon, planong pataasin ng pamahalaan at ng iba pang sektor ang water capacity sa bansa. Sa ganitong paraan, mabibigyan pa rin ng sapat na supply ng tubig ang agriculture, industrial, at healthcare sectors.

Sa industriya naman ng renewable energy, ipinagmalaki ng Pangulo ang investments mula sa renewable energy contracts na may total potential capacity na 121,000 megawatts.

Samantala, tiniyak naman ni Pangulong Marcos na ipagpapatuloy ng administrasyon ang pagbibigay ng assistance sa lahat ng Pilipino sa pamamagitan ng iba’t ibang programa ng pamahalaan. Kabilang sa mga ito ang Tulong Panghanapbuhay sa Ating Disadvantaged/Displaced Workers (TUPAD) program ng Department of Labor and Employment (DOLE), Assistance to Individuals in Crisis Situation (AICS) program ng Department of Social Welfare and Development (DSWD), at Medical Assistance for Indigent Patients (MAIP) program ng Department of Health (DOH).

Pinasalamatan naman ni Pangulong Marcos ang mga Pilipino sa kanilang tiwala at kumpiyansa sa pamahalaan. Muling binigyang-diin ng Pangulo ang pangako ng administrasyon niyang magbigay ng mabilis at mahusay na serbisyo para sa lahat.

Para sa kanya, New Year’s Resolution ng pamahalaan ang patuloy na pagbibigay ng dekalidad na serbisyo upang mas umunlad ang buhay ng lahat sa 2024. Paalala niya, “Let us not forget that great things are always possible–so long as we keep the faith in each other, in our nation, and in God. And as long as values that bind us keep us united in our collective pursuit of shared progress, we will succeed.”

Upang mapabilis ang recovery, reconstruction, at rehabilitation ng Marawi City sa Lanao del Sur, inilabas ni Pangulong Ferdinand Marcos Jr. ang Administrative Order No. 14 kamakailan lang.

Mapapawalang-bisa nito ang naunang Administrative Orders 3 at 9, series of 2017.

Sa isang hearing kasama ang House of Representatives noong nakaraang buwan, sinabi ni Task Force Bangon Marawi (TFBM) Field Office Manager Felix Castro Jr. na nasira na ang permanent housing projects ng pamahalaan sa Marawi dahil sa delays, informal settlers, at unpaid lot dues.

Kaya naman upang matiyak ang napapanahong pagtatapos ng mga aktibidad at proyekto sa Marawi at sa iba pang mga apektadong lugar, inihain ni Pangulong Marcos ang Administrative Order No. 14.

Sa bisa ng kautusang ito, mabibigyan ng mandato ang mga ahensya ng pamahalaan na makipagtulungan sa local government units (LGUs).

Kabilang sa mga ahensyang inatasan ng Pangulo ang Department of Interior and Local Government (DILG) na magpapanatili sa peace at order sa Marawi at mga kalapit na lugar; Department of Human Settlements and Urban Development (DHSUD) na mangangasiwa sa completion ng housing projects; at Department of Public Works and Highways (DPWH) na titiyak sa restoration ng public utilities at re-construction ng public buildings at infrastructure.

Sisiguraduhin naman ng Department of Health (DOH) at Department of Social Welfare and Development (DSWD) ang health, sanitation, food at iba pang basic needs ng mga residente; samantalang muling bubuhayin ng Department of Trade and Industry (DTI) ang business at livelihood activities sa siyudad.

Para kay Lanao del Sur Rep. Zia Adiong, strategic move ang kautusang ito ng Pangulo dahil mapapahusay at mapabibilis nito ang rebuilding process ng siyudad.

Dagdag pa ni Rep. Adiong, naipapakita ng pagbasura sa mga naunang kautusan at sa pagbuwag sa TFBM ang pagnanais ni Pangulong Marcos na paikliin ang prosesong dinadaanan ng mga proyekto bago ito maipatupad. Matatandaang magiging “functus officio” o mawawalan na ng official authority ang TFBM sa pagsapit ng March 31, 2024.

Dagdag pa ng mambabatas, nangako ang executive at legislative branches na magtutulungan upang masiguro ang efficient rehabilitation ng Marawi.