EXPLAINERS

In the news na naman ang ating two-time Gold Medalist na si Carlos Yulo pero hindi sa sports kundi sa pag-susuot nito ng crop top.

Ano nga ba ang reaksyon ng netizen sa kaniyang fashion taste?

Tara, alamin natin.

Nakuha na naman ang atensyon ng publiko at netizen ni Olympic Gymnast Carlos Yulo hindi lang sa kaniyang athletic achivements kundi sa kaniyang bold fashion statement.

Sa kaniyang recent post sa Instagram, agaw pansin ang suot ni yulo na blue crop top with matching wash jeans, chunky black shoes at Louis Vuitton accessory bag habang namamasyal sa South Korea kasama ang kaniyang girlfriend na si Chloe San Jose.

Kaagad namang pinutakte ng iba’t ibang comments lalo na ang pamba-bash sa post ngunit nangibabawbaw ang support kay Yulo para sa kanyang bold fashion choice.

Maraming naka-highlight na bihira ang makakita ng isang straight na lalaki na may kumpiyansa na nagsusuot ng crop top, partikular na sa Pilipinas.

Kung saan nananaig pa rin ang mga konserbatibong pananaw sa pananamit ng mga lalaki.

Hindi lang naman si Carlos ang matapang na sumubok sa mga ganitong uri ng fashion sense gaya na lang ni Filipino-Singer Kyle Echarri, mga international icons na sina Harry Styles at Conan Gray.

Sa katunayan, nauso ang ganitong trend noong 1980’s .

Ikaw, anong masasabi mo sa pagsusuot ni Carlos Yulo ng crop top na damit?

Ilang beses tumakbo sa pagka-presidente ang tinaguriang Iron Lady of Asia na si Miriam Defensor-Santiago sa bansa ngunit ilang beses din siyang natalo.

 Bakit nga ba hindi manalo-nalo ang yumaong si Miriam Defensor-Santiago bilang presidente?

Tara, alamin natin.

Year 1992 nang unang hinangad ni Miriam Defensor-Santiago na maging pangulo ng Pilipinas.

Ngunit isang taon bago ang araw ng halalan, nasangkot siya sa aksidente sa sasakyan at nakaligtas at nanguna sa mga survey.

Ang kaniyang pangunguna sa mga unang araw ng pagbibilang ng boto mula sa mga lalawigan ay tumagal ng ilang linggo, gayunpaman, ang former Defense Chief Fidel Ramos ang idineklara na nagwagi na nangunguna sa isang milyong boto.

Noong 1998, tumakbo siyang muli para sa pagkapangulo ngunit nagtapos sa ika-7 sa isang 10-way race.

Fast forward sa 2016, at ang ika-tatlong bid ni Senator Santiago para sa pagkapangulo ay mukhang hindi kasing-ganda ng kaniyang kampanya noong 1992 at sa huling pagkakataon, bigo pa rin siyang mapasakamay ang pinakamataas na pwesto sa bansa dahil na rin sa kaniyang iniindang sakit.

Malaki ang naging setback ng dating senador dahil sa kaniyang sakit na stage 4 cancer.

Dahilan para hindi siya madalas makita sa mga forum at debate – o kahit i-broadcast ang kanyang posisyon o opinyon sa mga isyu ng bayan.

Kilala si Santiago sa kanyang matitinding komento sa mga isyu. Dahil dito, ang feisty Lady Senator ay minamahal ng media at ng kabataan kahit noong unang pagkakataon na tumakbo siya bilang presidente noong 1992 ay tila nawala dahilan para isipin ng publiko na hindi ito seryoso sa pagtakbo, ayon sa mga political analyst.

Si Santiago ay isang malakas na kandidato. Siya ay may matatag na kaalaman sa mga isyu at batas, dahil sa kanyang mga academic at professional backgrounds.

Ang kulang sa kanyang kampanya ay ang excitement na ipinakita niya sa nakalipas na dekada – kanyang mga salita at ideya na pumukaw sa mga talakayan, kontrobersya at sa Philippine media.

Masasabi mo bang si Miriam Defesor-Santiago ang the best president we never had?

Kinukonsidera na ng mga scientist ang iba pang mga planeta na matitirahan dahil sa mga alalahanin sa mga resources, climate change, at natural disasters sa ating Planet Earth.

Ayon sa mga scientist may 60 billion planets sa ating galaxy ang nasa habitable zone. Isa na rito ang Planetang Pluto.

Posible nga ba natin itong tirhan?

Tara alamin natin yan!

Unang natuklasan noong 1930 sa Arizona, USA, ang Planet Pluto at itinuturing na ikasiyam na planeta sa ating solar system sa loob ng maraming dekada.

At kahit na na-demote ito bilang isang dwarf planet noong 2006, hindi ito naging hadlang para sa mga astronomer na mas pag-aralan pa ito.

Naniniwala ang astronomers na ang pluto ay may rocky core. At may karagatan ng tubig, na natatakpan ng isa pang layer ng frozen water ice na gawa sa  nitrogen ice na may mga bakas ng methane at carbon monoxide, ba-se ito sa mga kuha ng new horizons spacecraft sa isinagawa nitong flyby mission.

Ang pluto ay may warm interior, organic molecules at sinsabing may isang karagatan sa ilalim nito na kayang i-sustain ang subsurface ocean nito, kung saan ligtas sa radiation, asteroids, solar flairs at iba pang panganib ng universe ang mga taong nais tumira sa pluto.

Kaya’t ang dwarf planet ay may tsansang maging habitable ito, ayon sa mga astromer.

Sa tulong na rin ng mga innovation sa technology, ang maaaring human habitation sa pluto ay hindi lang isang malayong panaginip.

Ikaw? Kaya mo bang umalis sa earth at tumira sa pluto?

Kilala bilang Iron Lady of Filipino Politics, si dating Senador Miriam Defensor-Santiago na matapang na nanindigan sa mga pangunahing isyu ng bayan tulad ng katiwalian.

Pareho siyang kilala at kinatatakutan dahil sa kanyang talino at matalas niyang dila sa korte at sa mga rally.

Pero sino nga ba si Miriam Defensor-Santiago?

Tara, alamin natin.

Si Miriam Defensor-Santiago ay isinilang noong 1945, panganay sa pitong anak ng isang local judge at college dean sa Iloilo City.

Sa murang edad, naitanim na ng kanyang mga magulang ang kahalagahan ng edukasyon.

Pagkatapos ng high school at kolehiyo bilang valedictorian sa Iloilo City, ipinagpatuloy niya ang kanyang exceptional educational performance sa University of the Philippines College of Law sa Maynila.

Nang makumpleto ang kanyang degree sa abogasya, ipinagpatuloy niya ang kanyang Masters of Laws at Doctor of Juridical Science mula sa University of Michigan, na itinuturing na isa sa mga pinakamahusay na law school sa United States. Bukod dito, nag-aral din siya sa Oxford at Harvard Law School.

Matapos nito, pumasok siya sa mundo ng politika sa Pilipinas.

Siya ay isang tanyag na mainstay sa pulitika ng Pilipinas, lalo na nang hayagang nagsalita siya tungkol sa katiwalian at kawalan ng katarungan na nakita niya sa kanyang paligid.

Maliban dito, naging patok rin sa mga kabataan ang mga witty jokes at pick-up lines na na-publish bilang isang libro.

Walong taon na ang nakalilipas, nang namatay ito sa kanser sa baga sa edad na 71-anyos.

Si Defensor-Santiago ay talagang isang icon para sa 21^st century, na tinawag na “Iron Lady of Asia.”

Ang kanyang talino at mga nagawa, ay nananatiling simbolo ng katapangan at adbokasiya sa paghahangad ng katarungan at mabuting pamamahala.

Ikaw, kilala mo pa rin ba si senator Miriam Defensor-Santiago?

Tila hirap nang makabangon at makisabay ang Philippine Cinema sa pag-usbong ng internet, social media at streaming sa Pilipinas partikular na sa mga manonood.

Anu-ano nga bang problema ang kinakaharap ng pelikulang Pilipino sa bansa?

Tara, alamin natin.

Ang Pelikulang Pilipino ay isang mahalagang bahagi sa buhay ng maraming Pinoy na hindi kailanman naluluma.

Ngunit ang paraan ng panonood ng publiko ay nagbago na dahil sa patuloy na pagdami ng video streaming services sa iba’t ibang platform online, tulad ng Netflix at iba pang sites.

Mas tinatangkilik din ng mga producer ang pagpapalabas at pagbebenta ng kanilang pelikula sa mga streaming platform, dahilan para hindi na kailangang pumunta ng mga moviegoer sa sinehan.

Dagdag pa rito, mas pinapaburan na lang ng mga filmmakers ang mga sikat na artista para masiguro na ang kanilang pelikula ay maghi-hit sa panlasa ng madla.

Kaya naman nanawagan ang ilang artista sa publiko na manood muli sa mga sinehan, para makita rin nila kung paano nag-evolve nang husto ng Philippine Cinema at ang proseso ng storytelling.

Sa kasalukuyan, bilang tulong sa Filipino local film sa bansa tinanggal na ng Metro Manila Council ang 10% amusement tax para sa pagpapalabas ng lahat ng mga pelikula sa National Capital Region sa susunod na tatlong taon, para makatulong sa pagsulong ng industriya ng pelikulang Pilipino.

Sa tingin mo, ano pa kaya ang dapat gawin ng industriya para makisabay sa makabagong teknolohiya?

Isang babae sa Tennessee sa Amerika ang nagkaroon ng kakaibang paraan para mabawasan ang kaniyang kalungkutan sa pagkawala ng kaniyang asawa, at ito ay ang pagkain sa abo ng yumao niyang mister!

Paano kaya ito humantong sa kakaibang adiksyon?  Tara alamin natin.

Kung akala n’yo walang forever, nagkakamali kayo dahil may forever.

Para sa isang babae sa Tennessee sa U.S. love has no boundaries. Ngunit isang araw, nagkaroon ito ng nakakabahalang habit.

Nagsimula ang kakaibang habit ni Cassie ng pumanaw ang kaniyang asawa sa severe asthma attack.

At para maibsan ang kaniyang pangungulila, sinasama nito ang urn ng asawa kahit saan siya magpunta, hanggang sa umabot pa sa punto na kinakain na niya ang abo ng kaniyang mister araw-araw.

Ayon kay Cassie, nagsimula ang kakaibang addiction niya noong nililipat niya ang abo ng asawa sa isang lalagyan ng hindi inaasahang matapon ito sa kaniyang mga daliri.

Sa tindi ng pagmamahal nito sa asawa, ayaw nitong masayang ang abo kaya dinilaan niya ito hanggang sa hindi na niya kayang tumigil pa.

Nabawasan din aniya siya ng 19 kilos sa loob ng dalawang buwan dahil ang kinakain niya ay abo lamang ng kanyang asawa.

Bagama’t hindi siya fan ng lasa ng abo, ang pagkain nito ay nagbibigay sa kanya ng kaligayahan at adrenaline rush.

Ikaw? Kaya mo bang maging loyal sa iyong asawa kahit na wala na ito sa mundo?

Isang anak ng magsasaka sa Bulacan ang nagkaroon ng pagkakataong mag-aral sa Harvard University!

Anu-ano ang mga pagsubok na kaniyang sinuong para makapasok sa prestihiyosong unibersidad na ito? Tara, alamin natin yan.

Gaya ng mga batang lumaki sa mga probinsya sa Pilipinas, karaniwan na sa mga ito na malalayo ang kanilang pinapasukang eskwelahan.

Nagtitiis ang mga ito ng mahabang paglalakad araw-araw sa  hindi sementadong mga kalsada at ilog, umulan man o umaraw para lamang makapunta sa paaralan.

Ito ang araw-araw na hamon na sinuong ni Romnick Blanco para lang makakuha ng isang disenteng edukasyon.

Pangpito sa siyam na magkakapatid si Romnick ng mag-asawa na parehong magsasaka at nakatira sila sa isang bukid sa San Miguel, Bulacan.

Dahil sa kagustuhang mai-ahon sa kahirapan ang mga magulang kung kaya’t nagpursige ito sa kaniyang pag-aaral.

Nagbunga naman ang kaniyang pagsisikap dahil noong 2011, naging ‘sponsored child’ si Romnick ng isang non-government organization na GreenEarth Heritage Foundation na nagtataguyod ng sustainable development ng agrikultura upang matulungan ang mga magsasaka at ang kanilang mga anak.

Napansin ng foundation ang sipag ni Romnick sa pag-aaral, at hindi nagtagal, nakamit niya ang pinakaaasam na 5-year scholarship sa pinakamatandang international high school sa bansa at limang acceptance at full scholarships sa Harvard University, Dartmouth College, Wesleyan University, and New York University at sa Abu Dhabi.

Agad na tinanggap ni Romnick ang alok mula sa Harvard noong 2018 at noong 2023 ay nagtapos ito ng kursong edukasyon.

Ikaw, hadlang nga ba talaga ang kahirapan para makapagtapos ka ng pag-aaral? – sa panulat ni Kim Gomez

Kabi-kabila ang pagtanggap ng parangal at pagkilala ni angelica yulo sa kaniyang pagiging ulirang ina.

Ano-ano nga ba ang mga awards na ito?

Tara, alamin natin.

Sa hindi matapos-tapos na isyu at pambabatikos sa pagitan nina Angelica Yulo at ang kaniyang anak na si Two-time Olympic Gold Medalist Carlos Yulo, mas piniling manahimik ni Angelica at ipagpatuloy ang buhay at ituon na lang sa ibang bagay,tulad ng pag-o-online selling ng iba’t-ibang produkto at pag-aasikaso sa iba pa niyang mga anak.

Sa mga ganitong bagay … Tila inuulan ng blessing si angelica…

Sa katunayan kinilala siya bilang “Most Exceptional Woman of the Year” sa Asia’s Man & Woman of the year excellence awards, sa pagiging ulirang ina, asawa, at sa ipinakikita niyang tapang at pagsasakripisyo para mabigyan ng magandang buhay ang kanyang pamilya.

Bago ito, pinarangalan din si angelica sa naganap na Inspiring Motherhood Legacy Award ng 7th Southeast Asian Achievement Award, Milo at San Miguel Corporation dahil sa pagpapalaki sa kanyang sa mga anak na Achiever sa larangan ng Sports.

Maliban sa mga parangal na ito ilang establishment at kilalang personalidad ang nagbigay ng iba’t-ibang gamit at free stuff gaya ng appliances, bigas, damit at marami pang iba.

Sa iyong palagay, karapatdapat nga bang parangalan si angelica yulo sa kaniyang pagiging ina?

Nagbanta ang Filipino singer na si Arnel Pineda na kakalas na sa bandang Journey.

Ito ang matinding pahayag ni Arnel matapos dagsain ng pagbatikos!

Ang dahilan kung bakit siya binatikos ng husto? Tara alamin natin ‘yan!

Hindi kinaya ni Arnel Pineda ang kaliwa’t-kanang pagbatikos sa kaniya ng mga netizen matapos ang kaniyang huling performance sa ginanap na Rock in Rio Music Festival sa Rio de Janeiro.

Sa nasabing performance ni Arnel noong September 21, 2024, napansin ng fans ng Journey na hirap na hirap ito nang kantahin ang awiting “Don’t Stop Believing,” isa sa pinakasikat na awitin ng bandang Journey.

Lalong nakita ng mga netizen, ang hirap na hirap na pagkanta ni Arnel ng nasabing awitin nang i-post ng isang Facebook page sa Brazil ang performance nito.

Sa kaniyang Facebook account, agad na nag-sorry si Arnel at inilabas din nito ang kaniyang sama ng loob dahil sa kaliwa’t-kanang pambabatikos na natanggap.

Inamin din nito na maging siya ay nadismaya sa kaniyang performance.

Sinabi pa ng singer na sobra siyang naapektuhan ng matitinding batikos at nakakalungkot lang daw dahil sa isang libong magandang bagay na kaniyang nagawa ay nasira ito dahil lamang sa isang pagkakamali at doon pa raw sa Rock in Rio ito nangyari.

Naapektuhan daw siya mentally at emotionally.

Pagkatapos nito ay nagbanta na si Arnel na iiwan na lang ang kaniyang grupo kung saan sinabi nito na mag-comment lang ng “go” or “stay” ang mga nagagalit na fans at kapag umabot ng isang milyon ang comment na go ay aalis na siya ng tuluyan sa grupo.

Samantala, ipinost din ni Arnel ang link ng kaniyang performance sa kaniyang post sa Facebook.

Viral ngayon sa social media ang video clip ng isang grupo ng mga socialite na kumakain sa isang Japanese dinner na nagkakahalaga ng P133,000 matapos magdulot ng mainit na debate sa social media.

Anu-ano nga ba ang masasabi ng mga netizen tungkol sa video clip ng “guess the bill”  sa  Japanese dinner?

Tara, alamin natin yan!

Isang clip ng content creator na si Emman Atienza ang ibinahagi nito sa social media.

Sa nasabing video, makikita ang anim na babae na hinuhulaan ang bill ng kanilang kinain.

Sa huli, pumalo sa mahigit P130,000 ang naging presyo ng kanilang kinainan.

Isa sa mga babae ang makikitang nag-abot ng credit card matapos makita ang bill at tila balewala lamang dito ang libu-libong halaga ng kanilang kinain.

Dahil dito kung kaya’t nakatanggap ng pambabatikos ang anim na babae mula sa mga netizen na nagsasabing hindi dapat gumastos ng mahal para sa isang kainan lamang.

May mga nagsabi namang mas marami pang makabuluhang bagay na pwedeng paggamitan ng perang ginastos ng mga ito.

Ngunit may iba namang netizens na dinepensahan ang ginawa ng mga babae dahil afford naman umano ng mga ito ang gumastos at inggit lang ang iba.

May mga nagkomento pa na “Kasalanan na po kasing maging mayaman ngayon” bilang pagtatanggol sa anim na babae.

Kaugnay nito,ipinaliwanag naman ng influencer na si Emman na ang video clip ay biro lamang at hindi sila ang gumastos para dun at in- emphasize din niya na kahit sila ang gumastos ay karapatan nila iyon dahil pera naman nila ang gagamitin.

Ikaw, ano ang reaksyon mo sa napanood na viral video?