EXPLAINERS

Tila dumarami ang bilang ng mga Pilipino na nagwawagi sa larangan ng sports mapa-anumang edad.

Isa na naman ngang Pinoy ang nagbigay ng karangalan sa bansa matapos lumaban sa isang swimming competition sa Bangkok, Thailand nitong Agosto lamang.

 Lumahok ang grade 3 student na si Ethan Joseph Parungao mula sa Notre Dame of Greater Manila sa Asian Open Schools Invitational Short Course Age Group Swimming Championship

Sa murang edad, hindi maipagkakaila ang kaniyang husay sa swimming dahil naghakot lang naman siya ng siyam na medalya!

Inuwi ni Joseph sa Pilipinas ang limang gold medals, tatlong silver, at isang bronze.

14 na Asian countries ang lumahok at 600 participants naman ang nagtapat-tapat sa kompetisyon na ito.

Ikaw, anong masasabi mo sa nakabibilib na kwento ito?

Aakalain mo ba na ang babaeng nangunguna sa listahan ng pinakamayaman sa Pilipinas ngayong taon ay makikita na matyagang naghihintay sa kanyang maleta sa Ninoy Aquino International Airport at tila walang VIP treatment?

Sa viral post ng award-winning writer at professor emeritus sa University of the Philippines na si Jose Dalisay Jr., makikita si Teresita Sy-Coson sa kanyang simpleng kasuotan na matyagang naghihintay sa kanyang maleta kasabay ang ibang pasahero.

Pinuri at hinangaan ng mga netizens sa comments ang negosyante sa pagiging simple nito at pagiging mapagkumbaba.

Si Teresita Sy-Coson ay ang panganay na anak ng self-made businessman na si Henry Sy, ang founder ng SM Malls at kinikilala na Father of Philippine Retailing.

Si Coson ang tumatayong Vice Chairperson ng SM Investments, ang holding company ng SM group na nag-iinvest sa iba’t ibang klase ng negosyo katulad ng financial services, banking, retail, at real estate.

Bukod pa riyan, siya rin ang Chairperson ng BDO Unibank na isa sa pinakamalalaking bangko sa Pilipinas.

Sa kasalukuyang taon, nangunguna ang Sy siblings sa pinakamayamang Pilipino ayon sa Forbes at may networth na 13 billion US dollars.

Hindi na bago ang sweet posts o pag-hard launch ng mga magkasintahan sa isa’t isa sa kanya-kanya nilang social media accounts.

Pero para sa isang misis na tinanong ng isang netizen kung bakit hindi siya pinopost ng kanyang asawa sa Facebook, aniya hindi ito ang basehan para maipakita ang tunay na pagmamahal.

Shinare niya na hindi niya pinipilit ang kanyang asawa na i-post siya sa Facebook, dahil para sa kanya, ang tunay na batayan ng pagmamahal ay ang paglalaan ng oras, aksyon, at pagpapahalaga sa bawat araw.

Nagbigay din siya ng aral sa mga netizens na hindi lahat ng pinapakita ng mga magkasinatahan sa social media ay totoo at repleksyon na ng isang masaya at healthy na relationship.

Umani ito ng papuri mula sa mga netizens at sinang-ayunan ang kanyang mga payo.

Nasa 11 years na ang kanilang masayang pagsasama at may dalawa nang anak.

Ikaw, ano ang batayan ng isang healthy relationship para sayo?

Tila naalimpungatan ang isang pamilya sa pagdating ng kanilang kaanak mula sa Taiwan.

Ano kayang klaseng surpresa ang tumambad sa kanila?

Tara, alamin natin.

Isang nakakabagbag-damdaming reunion ang naganap nang sorpresahin ng isang overseas Filipino worker ang kaniyang mga magulang sa kanilang higaan matapos ang ilang taon pagtatrabaho sa ibang bansa.

Bilang surpresa, maingat na gumapang sa higaan ng kaniyang mga magulang si Jholee Barres at humiga sa kama sa pagitan ng kaniyang natutulog na mga magulang.

Nagulat sa biglaang presensya, mabilis na napagtanto ng mga ito si Jholee, kaya agad siyang sinalubong ng isang malapad na ngiti at mainit na yakap ng mga ito.

Espesyal ang sandaling ito para kay Barres, na hindi nakita ang kaniyang mga magulang mula noong 2020 nang umalis siya patungong Taiwan para magtrabaho.

Ang mga taon na magkahiwalay ay lalong mahirap para kay Barres, dahil ang kanyang ina ay ilang beses na naospital habang siya ay nasa ibang bansa.

Gustuhin man niyang bumalik sa Pilipinas para maalagaan ang ina, ay hindi pwede.

Kaya nang makabisita siya, nagpasya siyang sorpresahin ang mga ito na nagresulta sa labis na kagalakan at nakakaantig na pangyayari.

Ikaw, anong masasabi mo sa hinandang surpresa ni Jholee sa kaniyang pamilya? - Kim Gomez

Hindi na pangkaraniwan ang makita natin sa ating social media feed ang mga nagpapakain ng mga hayop lalo na sa mga aso at pusang nakatira sa lansangan.

Pero dahil sa ganito ring paraan nawalan ng trabaho ang isang lalaki sa Quezon City.

Bakit nga ba siya tinanggal sa trabaho?

Tinanggal umano sa trabaho ang food server na si Ian Vhal Sardia matapos mag-viral ang kaniyang video kung saan nagpapakain siya ng ligaw na aso.

Ibinahagi ni Ian Vhal, na madalas niyang pinapakain ang mga naliligaw na hayop sa kanyang breaktime o kapag wala siyang pasok.

Sa viral video, makikita si Sardia na nagbibigay ng pagkain sa aso, ngunit hindi niya inasahan na ang ganitong kabaitan ay hahantong sa kanyang pagkakatanggal sa trabaho.

Ikinuwento niya sa caption kung paano siya tinanggal sa trabaho makalipas ang limang taong pagseserbisyo rito.

Ayon sa kaniya, ang kaniyang supervisor ang nagsumbong sa kanilang opisina matapos makita ang video na nagpapakain siya ng stray dog sa labas ng kanilang restaurant.

Umani naman ng suporta sa maraming netizen si Sardia na nagmamalasakit lamang sa isang stray dog habang kabi-kabila namang pambabatikos ang natatanggap ng pinagtatrabahuhang restaurant ni Sardia.

Sa kabila ng pagkawala ng kaniyang trabaho, tuloy pa rin ang kaniyang adbokasiya sa pag-aalaga sa mga ligaw na hayop.

Makatarungan ba ang dahilan ng employer ni Sardia para sibakin siya sa trabaho dahil lang sa pagpapakain ng hayop? - Kim Gomez