EXPLAINERS

Normal ang hindi makarinig pabalik mula sa employers matapos magpasa ng job application.

Pero paano kung makatanggap ka ng mensahe mula sa inaapplyan mong dream job makalipas ang mahigit apat na dekada?

Kung paano ito nangyari sa isang babae, tara alamin natin yan!

Isang pambihirang kwento ang karanasan ng 70-year-old na si Tizi Hodson nang mag-apply siya noong 1976 bilang motorcycle stunt rider.

At dahil pinasa ang application sa pamamagitan ng isang sulat, may malaking tyansa na hindi ito matanggap at mabasa agad.

Lumipas na lang ang maraming taon ay walang natanggap si Tizi pabalik mula sa employer.

Kung bakit? Yun ay dahil naipit pala sa likod ng drawer sa post office ang kanyang application!

Gayunpaman, nagpatuloy ang buhay ni Tizi at lumipat sa Africa at naging snake handler at horse whisperer. Bukod diyan, natuto rin siya maging aerobatic pilot at flying instructor.

Pero ang pinaka nakakagulat sa lahat ay bumalik kay Tizi ang application letter niya kahit pa ilang beses na siyang nagpalipat-lipat ng bahay at lumipad sa iba’t ibang bansa, at may note pa na “Late delivery by Staines Post Office. Found behind a draw. Only about 50 years late.”

Natatandaan pa raw niya na ayaw niyang ipaalam na siya ay isang babae sa takot na hindi makakuha ng interview para sa posisyon na inapplyan.

Aniya pa naging masaya ang buhay niya at kung makakausap man ang kaniyang younger self ay papayuhan niya ito na gawin din ang mga bagay na ginawa niya noon.

Ikaw, anong masasabi mo sa pambihirang pangyayaring ito?

Sa dami ng paraan para mangdisiplina ng mga bata, ano nga ba ang pinakamabisa?

Ang isang teacher sa Davao City, tila iba at nakapanlulumo ang pamamaraan para disiplinahin ang kanyang estudyante.

Kung ano ang nangyari, tara, alamin natin.

Umuwing umiiyak sa kanilang bahay ang isang kindergarten student dahil pinunit ng teacher ang kanyang pinaghirapan na project.

Sa social media post ng ina ng bata ay makikita itong umiiyak at nakasuot pa ng uniporme at kasama rin ang litrato ng punit niyang project.

Dahil sa hindi makatwiran na pangyayari, kinausap ng nanay ang teacher ng anak at tinanong kung paanong nauwi sa pagkapunit ang project ng bata.

Sagot ng teacher, nagawa niya lang naman daw ito dahil gusto niyang turuan ng leksyon ang bata na ilang beses niyang sinaway sa pakikipagdaldalan.

Samu’t-sari ang naging opinyon ng mga netizens sa social media. Hati ang pabor sa tamang pangdidisiplina at sa paraan na ginawa ng guro. Maski ang pag-post ng nanay sa social media ay pinuna rin at sinabing sa principal daw sana muna dinaan ang reklamo.

Para sayo, ano ba ang tamang paraan para mangdisiplina?

College graduation ang pinakaaantay hindi lamang ng mga estudyante kundi pati na rin ng kanilang pamilya, lalo na ng mga magulang na nagpapa-aral sa kanila.

Kaya naman nag-viral ang emosyonal na TiktTok video ng isang Magna Cum Laude graduate ng BA in English Language Studies kasama ang kanyang ama.

Bakit nga ba nag-viral yan, alamin natin!

Sa TikTok video ng Magna Cum Laude graduate mula Polytechnic University of the Philippines na si Keanne Roeh Isurda, makikita na nag-uusap sila ng kanyang Tatay Rodolfo habang hawak niya ang kanyang toga.

Kasunod nito ang pagsusuot ni Keanne ng toga sa kanyang emosyonal na ama habang maririnig na sinasabi nito na hindi niya naranasan ang makapagsuot ng toga dahil hindi siya nakagraduate.

Tila nagsagawa pa sila ng maliit na graduation ceremony at tinuruan pa ni Keanne ang ama na ilipat ang tassel mula sa kanan papunta sa kaliwang bahagi ng graduation cap.

Sa isang pahayag, sinabi ni Keanne na hindi naman daw ni-require na grumaduate sila with honors dahil kahit anong mangyari ay proud sa kanila ang ama.

Gayunpaman, pinakita sa kanyang TikTok video na natupad niya ang ipinangako sa ama na gagraduate siya bilang Magna Cum Laude sa PUP.

Si Keanne ang pinakaunang nagtapos sa kanilang pamilya at kasalukuyang nagtatrabaho bilang marketing associate.

Ikaw, anong masasabi mo sa nakakaantig na tagpo na ito?

Sinong mag-aakala na ang simpleng pakiusap sa kapitbahay ay mauuwi sa pananaksak?

Paano nga ba ito napunta sa isang krimen? Tara, alamin natin.

Isang bahay ang malakas pa ring nagpapatugtog ng videoke sa Laoag City, Ilocos Norte ala una ng madaling araw noong October 10.

Dahil nahihirapang matulog ang kanyang mga kasama sa bahay pati na rin ang ibang kalapit bahay, pinuntahan ng 47-anyos na ginang ang kapitbahay na nagpapatugtog para makiusap na hinaan ito.

Minasama naman ng suspek ang simpleng pakiusap ng ginang at sandaling umalis.

At nang bumalik naman ito ay may dala nang patalim at pinagsasaksak ang biktima.

Agad namang inawat ng kanyang mga kasama ang suspek at agaran ding nadala sa ospital ang ginang.

Pinaghahahanap ngayon ng awtoridad ang suspek na tumakas matapos gawin ang krimen.

Ikaw, para sa’yo, hanggang anong oras lang ba dapat pwedeng gumamit ng videoke?

Nagkalat kung saan-saan ang iba’t ibang brands at maraming klase ng skincare products na pampaganda ng balat at pampabata.

Pero sa India, isang mag-asawa ang nag-o-offer ng kakaibang produktong pampabata kung saan ay nakapag-scam sila ng $4M.

Paano nga ba ito nangyari? Tara, alamin natin!

Ang Indian couple sa Kanpur, India na sina Rajeev Kumar Dubey at Rashmi Dubey ay nakapag-scam ng limpak-limpak na salapi mula sa mga nakatatanda.

Ang strategy, pinapaniwala nila ang mga tao na ang polluted air ang dahilan ng mabilis nilang pagtanda at ang solusyon dito ay ang israel-made time machine at oxygen therapy para bumalik sila sa pagiging young-looking.

Ayon awtoridad, sa therapy center na pag-aari ng mag-asawa ay nag-o-offer ng package na nagkakahalagang Rs 6,000 para sa 10 sessions at Rs 90,000 naman para sa 3-year plan.

Dagdag pa niya, ang scamming tactic na ito ay ginawa pa nilang pyramiding scheme sa pamamagitan ng pangangako na magbibigay sa clients ng libreng oxygen therapy sessions para sa bawat customer na mahihikayat nila na magpunta sa kanilang clinic.

Nangako raw ang mga dubey ng mabilis na resulta sa loob lamang ang ilang buwan at sinabing babata ng 20 years at aayos ang damaged organs ng sinumang susubok nito.

Inabisuhan na ang mga airport na harangin sina Rajeev at Rashmi ngunit pinaghahanap pa rin dahil pinaniniwalaang nakalabas na sila ng bansa tangay ang pera ng mga biktima.

Mayroon nang kaso laban sa mga Dubey at patuloy pa rin ang imbestigasyon ngunit kumpirmado na higit 24 katao na ang naloko ng mag-asawa.

Ikaw, gagastos ka ba ng ganitong kalaki, para magmukhang bata?

Natapos ang mga pangarap ng 20 estudyante, 3 guro, at ng ibang kasama habang nasa isang school trip.

Ano nga ba ang nangyari sa isa sanang memorable trip na ito? Tara, alamin natin.

October 1 nang tumulak ang bus na lulan ang 6 na teachers at 39 na elementary at junior high school students mula Uthai Thani province papunta sa probinsya ng Ayutthaya at Nonthaburi.

Habang binabagtas ang isang highway ay nagliyab ang bus at mabilis na kumalat ang apoy kung kaya’t marami ang hindi nakalabas agad.

Ayon sa driver na si Saman Chanput na normal naman ang takbo ng bus ngunit nawalan ng balanse ang kanang gulong sa harapan na naging sanhi para tumama ito sa isang sasakyan at sa barikada na nagresulta ng pagkasunog.

Sinubukan pa raw patayin ni Chanput ang apoy sa pamamagitan ng pagkuha ng fire extinguisher mula sa isang bus pero hindi ito umubra at umalis na lang dahil sa pagkataranta.

Kinagabihan ay sumuko rin si Chanput at kinasuhan ng mga pulis ng reckless driving causing deaths and injuries.

Isang batang babae naman ang napuruhan sa mukha ang sinasagip ngayon ng mga doktor para hindi mawalan ng paningin habang kritikal naman ang kalagayan ng dalawa sa tatlong estudyante na dinala sa ospital.

Ayon naman sa forensic police, 23 katawan ang natagpuan sa bus at ilan sa mga ito ay unidentified kung kaya’t dinala sa Police General Hospital sa Bangkok ang pamilya ng mga biktima para kuhanan ng DNA samples na gagamitin sa imbestigasyon.

Gayunpaman, sinabi ng bus company owner na si Songwit Chinnaboot na pasado sa inspeksyon at safety standards ang bus at tutulungan ang pamilya ng mga biktima.

Ipinangako na ang gobyerno ang bahala sa hospitalization ng mga ito at tutulungan ang kanilang mga pamilya.

Ikaw, anong masasabi mo sa kalunus-lunos na pangyayari na ito?

Alam niyo ba na may kakaiba at artistic na paraan para iligtas ang kalikasan?

Tara, alamin natin yan!

Pina-practice ngayon sa Taiwan ang pangangalaga sa mga puno sa napaka-creative na paraan.

Para magawa ito, imbis na putulin ang young trees, ginagamitan ito ng thread at flexible bamboo sticks upang itali ang stem at roots nito na siyang humuhulma sa mga puno habang lumalago.

Ang resulta nito? Mga naggagandahang furniture na maaaring ibenta.

Pero alam niyo ba na mayroong tinatawag na ‘The chair that grew’?

Likha ito ng banker na si John Krubsack mula sa Embarrass, Wisconsin noong early 20th century

Kinailangan nito ng 32 puno, pinalago sa loob ng 11 years, at hinarvest noong 1914

Dinisplay sa World Fair ang likha ni Krubsack noong 1915 at na-feature pa sa column ng Ripley’s Believe it or not.

Ipinalabas din sa weekly newsreels sa mga sinehan sa buong bansa ang pelikula kung saan ipinaliwanag ni Krubsack ang naging proseso ng paggawa nito

Marami ang nag-offer na bilhin ang upuan ngunit hindi ito pinahintulutan ni Krubsack at iniwan sa kanyang mga pamangkin na dating nagmay-ari ng isang furniture store kung saan ito dinisplay ngunit nagsara na rin ito noong 2007.

Gayunpaman, nanatili sa puder ng pamilya ni Krubsack ang ‘The chair that grew’

Ikaw, anong masasabi mo sa nakabibilib na kwento na ito?

Tila gusto na rin dalhin ng mga content creators sa politika ang impluwensya na mayroon sila sa social media.

Tara, kilalanin natin ang mga content creators na nagsumite ng kani-kanilang Certificate of Candidacy sa katatapos lamang na filing para sa 2025 elections.

Si Rosemarie Tan pamulaklakin o mas kilala bilang ‘Rosmar’ ay isang content creator na may milyun-milyong followers sa kanyang social media accounts at kilala ring entrepreneur.

Siya ay tatakbong councilor sa First District ng Maynila.

Si Diwata o Deo Balbuena sa tunay na buhay, ay tumatakbo naman bilang 4th nominee ng Vendor’s Party-list.

Sumunod naman si Willie ‘Doc Willie’ Ong na nakilala dahil sa kaniyang YouTube videos na kung saan ay nagbibigay siya ng medical advice ay tumatakbong senador.

Ang political vlogger naman na si Mark Gamboa na mayroong 233K subscribers sa YouTube at 17,800 followers sa TikTok ay tumatakbo sa pagka-senador.

Isa pang political content creator na si Eli San Fernando ang tummatakbo bilang first nominee ng Kamanggagawa Party-list.

Aniya, ang kanilang adbokasiya ay isulong ang mas mataas na sahod sa buong bansa.

Nais namang kumatawan ng motorcycle vlogger na si Norris John Okamoto para sa mga mahihirap kung siya ay mahahalal bilang first nominee ng Lingap Party-list.

Ikaw, anong masasabi mo sa nais na pagpasok ng mga content creators sa politika?

Matapos kundenahin ang photobomber ng monumento ng National Hero na si Jose Rizal sa Luneta Park noong 2014, isang photobomber naman ang dinadagsa ngayon nang pagkundena mula sa publiko.

Ngunit hindi ito sa monumento ulit ni Jose Rizal, kundi sa simbahan naman ng Quiapo!

Kung anong klaseng photobomber na ito, tara, alamin natin ‘yan!

Ipinakita sa isang TikTok video na uploaded ng user na si @ralph berg the great na mayroong itinatayong building sa likurang bahagi ng Quiapo Church.

Ayon sa mga netizen na nakakita sa tarpaulin na makikita sa construction area, gagawin daw itong commercial office space.

Dahil dito, maraming netizens ang nagpakita ng pagkadismaya sa pamamagitan ng kanilang mga maaanghang at galit na komento sa comments section ng video na ngayon ay mayroon nang 1.6M views at 74.8K likes at patuloy pang dumadami.

Kung matatandaan, September 28, 1987 nang basbasan at hangarin ni Cardinal Jaime Sin na makilala bilang Basilica ang Quiapo Church nang muli itong itayo matapos ang ilang trahedya.

At sa kaparehong taon naman ng December 11 ay ipinagkaloob ni Pope John Paul II ang pagkilala rito bilang Minor Basilica of the Black Nazarene dahil sa pagpapatibay nito ng debosyon kay Hesus at sa kontribusyon nito sa pagiging relihiyoso ng mga Pilipino.

Ikaw, anong masasabi mo sa pagpapatayo ng mga infrastructures sa likuran ng mga makasaysayang lugar sa Pilipinas?