HOT STORIES OF THE WEEK

Pangulong Duterte tuluyan nang itinigil ang peace talks sa NPA

Tuluyan nang pinatigil ni Pangulong Rodrigo Duterte ang pakikipag-usap pangkapayaan ng pamahalaan sa CPP-NPA o Communist Party of the Philippines-New People’s Army.

Sa kanyang talumpati kahapon, sinabi ni Pangulong Duterte na kanya nang inutusan sina Presidential Adviser on the Peace Process Secretary Jesus Dureza at Labor Secretary Silvestre Bello III na ipagbigay alam sa NDF o National Democratic Front ang kanyang desisyon.

Napagod na aniya siya sa mga demand ng makakaliwang grupo gayung patuloy pa rin ang mga pag-atake ng NPA sa tropa ng pamahalaan.

Muli ring inulit ni Pangulong Duterte ang kanyang banta na ideklarang terorista ang NPA.

—-

November 22, 2017 0 comment

HEADLINES HOT STORIES OF THE WEEK

Pangulong Duterte muling itinanggi na magtatatag siya ng revolutionary government

written by DWIZ 882

Muling itinanggi ni Pangulong Rodrigo Duterte na magtatatag siya ng revolutionary government sakaling magpatuloy ang mga bantang papatalsikin siya sa pwesto.

Ayon kay Pangulong Duterte, sa halip na magrebolusyon, dapat ay magtulungan na lamang upang mapa-unlad at mapatatag ang bansa.

Bagaman, hindi anya siya magdedeklara ng Martial Law sa buong bansa bagkus ay kanya lamang susupilin ang mga magtatangkang magpabagsak sa gobyerno tulad ng mga makakaliwang grupo na nakikipag-sabwatan sa mga rebelde.

November 22, 2017 0 comment

HEADLINES HOT STORIES OF THE WEEK NATIONAL NEWS

CJ Sereno hindi dadalo sa pagdinig ng impeachment laban sa kanya; Hirit na SPA hindi tinanggap

written by DWIZ 882

Nagdesisyon na si Chief Justice Maria Lourdes Sereno na huwag humarap sa itinakdang pagdinig ng Kongreso ngayong Martes, Nobyembre 22, para sa pag – determina ng probable cause sa inihaing impeachment complaint laban sa kanya.

Nakasaad sa liham na isinumite ni Sereno sa House Justice Committee na hindi na niya kailangan pang dumalo sa pagdinig dahil naipaliwanag na niya ang kanyang panig sa inihaing reklamo ni Atty. Larry Gadon.

Kalakip din ng liham ni Sereno ang special power of attorney para igiit ang `right to counsel` at payagan ang kanyang mga abogado na katawanin siya para makapag – cross examine sa mga testigong ihaharap ni Gadon.

Nasa 11 abogado ang itinalaga ni Sereno para humarap sa pagdinig sa kanyang impeachment case sa mababang kapulungan ng Kongreso.

Samantala, hindi naman ito tinanggap ng Kongreso at iginiit na hindi maaaring depensahan ng kanyang mga abogado si Sereno.

(Ulat ni Patrol 7 Jill Resontoc)

November 21, 2017 0 comment

HEADLINES HOT STORIES OF THE WEEK NATIONAL NEWS RONDA PROBINSYA

SWS: Mayorya ng mga Pinoy handang tumulong sa mga biktima ng Marawi crisis

written by DWIZ 882

Nakahandang tumulong ang nakararaming Pilipino sa mga kababayan nito na lubhang naapektuhan ng limang buwang bakbakan sa Marawi City.

Ito ay batay sa resulta ng Social Weather Station o SWS survey na isinagawa noong Setyembre 23 hanggang 27.

Lumalabas sa survey na 60% respondents ang naghayag ng kanilang kahandaan na umasiste sa mga biktima ng giyera sa Marawi.

27% ng mga respondents ang nagsabing ‘Very Ready’ silang tumulong; 33% ang ‘Somewhat Ready’; 11% ang ‘Somewhat Unready’ at 9% naman ang sumagot na ‘Very Unready’.

Samantala, nangunguna naman ang Class ABC na may 66% sa mga payag na tumulong, sunod ang Class D na may 61% at Class E na may 53%.

November 21, 2017 0 comment

HEADLINES HOT STORIES OF THE WEEK NATIONAL NEWS

Pagsiklab ng digmaan sa pagitan ng gobyerno at NPA pinangangambahan

written by DWIZ 882

Nanganganib na lalong sumiklab ang giyera sa pagitan ng puwersa ng pamahalaan at New People’s Army o NPA.

Ayon kay dating Bayan Muna Party-list Representative Teddy Casiño, ito ay sakaling ituloy ng Pangulong Rodrigo Duterte ang plano nitong ideklarang teroristang grupo ang NPA.

Ipinaliwanag ni Casiño na hindi maiiwasan ang pag-atake ng NPA dahil isa itong rebolusyonaryong grupo.

Sinabi ni Casiño na lalo lamang lalabo ang posibilidad ng kapayapaan sa lahat ng panig kapag itinuloy ng Pangulo ang kanyang plano.

“Yung grupong yan ay naglulunsad ng rebolusyon yan eh, yung armadong paglaban nila ay ang kanilang paraan para makamit ang pagbabagong ipinaglalaban nila, kung pati nga ang Pangulo ay nag-iisip ng revolutionary government eh ano pa kaya itong mga grupong matagal nang nakikibaka.” Pahayag ni Casiño

(Balitang Todong Lakas Interview)

November 21, 2017 0 comment

HEADLINES HOT STORIES OF THE WEEK

9 Aquino cabinet members kinasuhan ng plunder kaugnay sa MRT-3 maintenance deal

written by DWIZ 882

Kinasuhan ng plunder sa Office of the Ombudsman ang 9 na dating miyembro ng gabinete ng Pangulong Noynoy Aquino sa pangunguna nina dating Department of Interior and Local Government o DILG Secretary Mar Roxas at Department of Transportation and Communication o DOTC Secretary Jun Abaya.

Ang kaso ay ay isinampa ng Department of Transportation o DOTr sa pamamagitan ni Undersecretary for Legal Affairs and Procurement Reinier Yebra.

May kaugnayan ito sa di umano’y maanomalyang maintenance contract para sa Metro Rail Transit o MRT-3 na pinasok ng pamahalaan sa Busan Universal Rail Incorporated o BURI.

Maliban kina Roxas at Abaya, kasama sa kinasuhan sina dating Budget and Management Secretary Florencio Abad, dating Finance Secretary Cesar Purisima, dating Energy Secretary Jericho Petilla, dating Science and Technology Chief Mario Montejo, dating Defense Secretary Voltaire Gazmin, dating Public Works and Highways Secretary Rogelio Singson, at dating National Development and Economic Administration Secretary Arsenio Balicasan.

Kasama rin sa mga kinasuhan sina dating MRT General Manager Roman Buenafe, dating DOTC Undersecretaries Rene Limcaoco, Catherine Gonzales at Edwin Lopez gayundin ang mga dating miyembro ng Bids and Awards Committee at ilang opisyal ng BURI.

Ito na ang ikatlong reklamong isinampa laban kay Abaya sa Ombudsman may kaugnayan pa rin sa BURI maintenance contract sa MRT-3.

Kahapon lamang ay kinasuhan rin ng ilang grupo si Abaya at iba pang Transportation officials ng graft at paglabag sa Government Procurement Law.

Matatandaang kinansela ng gobyerno ang kontrata sa BURI noong Nobyembre 6 dahil sa bigo umano nitong pagtugon sa hindi matapos-tapos na aberya sa MRT.

Dotr officials dumating na sa Ombuds para kasuhan sina Roxas et al @dwiz882 pic.twitter.com/qJN71T6BGs

— JILL RESONTOC (@JILLRESONTOC) November 21, 2017

LOOK: DOTr files plunder raps vs. Roxas and other Aquino Cabinet members over MRT-3 maintenance deal | via @JILLRESONTOC pic.twitter.com/4AIcDkAtGh

— DWIZ Newscenter (@dwiz882) November 21, 2017

(Ulat ni Jill Resontoc)

November 21, 2017 0 comment

HEADLINES HOT STORIES OF THE WEEK NATIONAL NEWS

CJ Sereno kay PDuterte: Tanging sa Diyos lamang ako mananagot

written by DWIZ 882

Muling pinatutsadahan ni Supreme Court Chief Justice Maria Lourdes Sereno si Pangulong Rodrigo Duterte sa harap na rin ng umano’y panggigipit sa kaniya ng administrasyon nito.

Giit ni Sereno, tanging sa Diyos lamang aniya siya mananagot at hindi sa kahit kaninuman partikular na iyong mga nasa kapangyarihan kaya wala aniyang dahilan para siya’y matakot.

Naniniwala rin si Sereno na walang forever o panandalian lamang ang mga nasa kapangyarihan kaya’t hinding-hindi aniya siya magpapatinag sa mga ito.

Binigyang diin pa ni Sereno na ang pagiging simple at matuwid aniya ang kaniyang naging panuntunan sa buhay kaya’t tiwala siyang papanig sa kaniya ang katotohanan.

Sa huli, nanindigan si Sereno na buong tapang aniya nitong haharapin ang inihaing impeachment laban sa kaniya at kumpiyansa siyang malalampasan niya ang pagsubok na ito.

November 21, 2017 0 comment

HEADLINES HOT STORIES OF THE WEEK

Pangulong Duterte binuksan na ang telecommunications industry sa ibang bansa

written by DWIZ 882

Tuluyan nang binuksan ni Pangulong Rodrigo Duterte ang kumpetisyon para sa mas mura, mabilis at maayos na serbisyo ng telekomunikasyon sa Pilipinas.

Ito’y ayon sa Malacañang makaraang alukin mismo ni Pangulong Duterte ang China na pumasok bilang ikatlong telecommunications operator na siyang babasag sa dalawang higanteng Telcos sa bansa.

Ayon kay Presidential Spokesman Sec. Harry Roque, nangyari ang naturang alok sa bilateral meeting nila Pangulong Duterte at Chinese Premier Li Keqiang sa ika-31 ASEAN Summit na ginawa sa bansa nuong isang linggo.

Paglilinaw ni Roque, bukod pa ito sa Luzon Bypass ng Pacific Light Cable Network, ang kasunduang kapwa nilagdaan ng pamahalaan at ng social networking site na Facebook na layong magbigay ng mabilis na serbisyo ng internet sa bansa.

November 21, 2017 0 comment

HEADLINES HOT STORIES OF THE WEEK

Monopolyo sa telecommunications industry tutuldukan na ni Pangulong Duterte

written by DWIZ 882

Posibleng mabuwag na ang paghahari ng dalawang malalaking telecommunication company sa bansa.

Ito ay kasunod ng pagnanais ni Pangulong Rodrigo Duterte na pumasok ang China sa Pilipinas bilang ikatlong telecommunications operator.

Ayon kay Presidential Spokespeson Harry Roque, mismong si Pangulong Duterte ang nag – alok sa China sa kanilang bilateral meeting ni Chinese Premier Li Kequiang sa 31st ASEAN Summit para mag – operate bilang telecommunications carrier sa bansa.

Bukod pa aniya ito sa nilagdaan ng Pilipinas na kasunduan sa affiliate ng Facebook o ang Luzon bypass ng Pacific Light Cable Network na magbibigay ng mabilis na internet service sa bansa na katumbas ng pinag – isang kapasidad ng Globe at Smart.

Sa ngayon, dominado ng Globe Telecom at Smart Communications ang TelCom industry sa bansa.

November 20, 2017 0 comment

HEADLINES HOT STORIES OF THE WEEK NATIONAL NEWS

Proklamasyon sa pagdeklara sa NPA bilang terorista, ipapalabas ni PDuterte

written by DWIZ 882

Nakahanda si Pangulong Rodrigo Duterte na magpalabas ng proklamasyon kaugnay sa plano nitong pagde – deklara sa CPP – NPA na terrorist organization.

Ayon kay Pangulong Duterte, hindi na uubra sa NPA ang kategoryang ‘rebelde’ dahil sa patuloy na paninira ng mga ito ng mga ari – arian ng mga sibilyan gayundin ang pagpatay sa mga inosenteng mamamayan.

Giit pa ni Pangulong Duterte, mababaw na parusa lamang ang ipinapataw sa rebelyon dahil maaari naman itong mabayaran ng piyansa.

Maliban sa CPP – NPA, sisilipin din ni Pangulong Duterte ang grupong Bayan partikular na ang mga aktibidad nito na posibleng may kinalaman sa nabanggit na rebeldeng grupo.

Suporta ng ilang senador

Suportado ng ilang senador ang plano ni Pangulong Rodrigo Duterte na pagde – deklara bilang terorista sa CPP – NPA.

Ayon kay Senate Committee on National Defense and Security Chairman Gringo Honasan, prerogative ni Pangulong Duterte bilang commander – in – chief ang pagde – deklara sa isang grupo na terorista.

Giit pa ni Honasan, kung ang Amerika ay idineklarang terorista ang CPP – NPA, ang Pilipinas pa kaya aniya na ginugulo ng mga naturang rebelde.

Samantala, ayon naman kay Senate Majority Floor Leader Tito Sotto, inaasahan na ang naturang plano ng Pangulo dahil mayroon nang isang Regional Trial Court o RTC sa Mindanao ang nagdeklara sa CPP – NPA bilang terrorist organization.

(Ulat ni Patrol 17 Jopel Pelenio / Patrol 19 Cely Ortega – Bueno)

November 20, 2017 0 comment

Newer Posts

Older Posts