HOT STORIES OF THE WEEK

Wala pa sa kamay ng National Democratic Front of the Philippines o NDFP ang kopya ng notice of termination kaugnay sa peace talks ng gobyerno at maka – kaliwang grupo.

Ipinabatid ng NDFP na inaasahan nilang susundin ng gobyerno ang protocol hinggil sa termination ng peace talks.

Ito ayon sa NDFP ay tatlumpung araw matapos nilang matanggap ang formal notice.

Matatandaang nilagdaan na ni Pangulong Rodrigo Duterte ang Proclamation Order 360 na nagde – deklara ng tuluyang pagsasara ng peace talks ng gobyerno at rebeldeng komunista.

Inamin ni Transportation Secretary Arthur Tugade na kanyang pinipigilan ang tuluyang pagbibitiw sa puwesto ni Undersecretary Cesar Chavez.

Sa panayam ng programang ‘Sapol’ ni Jarius Bondoc, sinabi ni Tugade na hindi pa pinal ang desisyon sa pagbibitiw sa tungkulin ni Chavez.

Ayon kay Tugade, inirekomenda niya mismo kay Pangulong Rodrigo Duterte na huwag tanggapin ang resignation ni Chavez bagama’t irrevocable ang nasaad rito.

Patuloy rin aniya silang nakikipag-usap kay Chavez para hindi ituloy ang pagbibitiw sa puwesto.

“Wala pang kasiguraduhan kung talagang pinal na ang posisyon ng ating Usec. na si Cesar Chavez kung tuluyang aalis, we are reaching out to him at yung liham naman niya ay naka-address sa Pangulo, hihintayin po natin ang pinal na desisyon diyan ayoko pong pangunahan yun, bagamat nung finorward ko yung sulat sa Pangulo may letter din ako na kung maaari sana ay huwag tanggapin.” Ani Tugade

Gayunman, sinabi ni Tugade na kanila pa ring itinutuloy ang mga nasimulan na ni Chavez sa pagsasaayos ng operasyon ng MRT.

“Ito po yung tatlong approach na magkasama kami ni Cesar nung finormulate namin ito, ang una ay gagawin namin ang procurement by the department of some critical rehabilitation services and spare parts, second naghahanap kami ng reliable na maintenance provider, ang isang sinisipat namin diyan ay Sumitomo Mitsubishi, ikatlo, itong grupo ng MVP group na nagbigay sila ng unsolicited proposal, hindi pa pinal, pinag-uusapan pa lang at nagkakaroon pa ng negotiation.” Pahayag ni Tugade

(Sapol ni Jarius Bondoc Interview)

Maaari nang arestuhin ng pamahalaan ang mga consultant ng CPP – NPA – NDF ngayong tuluyan nang tinapos ni Pangulong Rodrigo Duterte ang usapang pangkapayapaan sa pagitan ng gobyerno at komunistang grupo.

Ayon kay Armed Forces of the Philippines o AFP Spokesman, Major General Restituto Padilla, kanselado na ngayon ang safe conduct pass na ibinigay noon ng gobyerno sa mga consultant ng upang pansamanatalang makalaya at makalahok sa peace talks.

Nagbabala din aniya ang militar na madamay sa pag – aresto ang sinumang mapapatunayang nagkakanlong ng mga rebelde lalo’t itinuturing na ngayon ang mga ito na terorista.

Bagaman hindi direktang masabi ni Padilla kung maglulunsad na ang militar ng giyera laban sa NPA, tiniyak ng AFP official na kanilang paiigtingin ang mga operasyon operations sa mga lugar na may presensya ng mga rebeldeng grupo.

AFP says all CPP-NPA consultants given safe conduct pass to be arrested now that peace talks have been terminated @dwiz882 pic.twitter.com/C6aXXsI7Md

— Jonathan Andal (@JonathanAndal_) November 24, 2017

Nangako si Pangulong Rodrigo Duterte na kanyang palalakasin ang sandatahang lakas ng Pilipinas at pambansang pulisya bago siya bumaba sa puwesto.

Sa kanyang talumpati sa ika – 67 anibersaryo ng First Scout Ranger Regiment sa Bulacan, tiniyak ng Pangulo ang pagbili ng mga bagong armas at lahat ng kakailanganin ng mga sundalo’t pulis sa kanilang mga operasyon.

Binigyang – diin ng Pangulo na nananatili ang banta ng terorismo at anumang oras ay maaari aniyang umatake ang mga ito na dapat paghandaan ng pamahalaan.

Sabi ko, I will not allow a weak military. I will buy all the things that you will need, the tools that you have to use. I am not buying anymore second hands. It’s either I buy new ones, brand new or I’ll just have to wait for the money.

There are countries who are really bent on helping us also, so, in the next few months I will buy you the arms. I need to replace the well power that you have and you will have it.

Samantala, muli ding tiniyak ng Pangulo ang lahat ng tulong para sa pamilya ng mga masasawing sundalo sa pakikipagbakbakan.

Ayon sa Pangulo, sasagutin ng pamahalaan ang pagpapa – aral sa anak ng mga nasawing sundalo.

Do not be afraid to die. All of us will die but take comfort that we in government have prepared for these eventualities. Your family will be protected. Lahat nang na – byuda, mag – umpisa ng giyera, pati pulis. The widows are working but your children will be protected, we will assure you responsibility.

Nakatakdang makipagpulong si Defense Secretray Delfin Lorenzana sa mga Senador, Kongresista at Defense Officials ng Amerika.

Ayon kay Defense Spokesperson Director Arsenio Andolong, inaasahang pag – uusapan sa pulong ang terorismo at ang posibleng tulong teknikal na maibibigay ng Amerika sa paglaban sa mga terorista sa Pilipinas.

Inaasahan namang makikipagkita si Lorenzana sa Filipino community sa Amerika bago ito umuwi sa bansa.

Matatandaang noong nakaraang Biyernes lumipad patungong Canada si Lorenzana para magbigay ng talumpati tungkol sa terorismo sa isang security conference.

(Ulat ni Patrol 31 Jonathan Andal)