HOT STORIES OF THE WEEK

Wala nang bisa ang Joint Agreement on Safety and Immunity Guarantees o JASIG ngayong kanselado na ang usapang pangkapayapaan sa pagitan ng gobyerno at NDF – CPP – NPA.

Ito ang binigyang – diin ng Malakanyang sa gitna na din ng kautusan ni Pangulong Rodrigo Duterte na magsagawa ng pag – aresto sa mga lider ng komunistang grupo.

Ayon kay Presidential Spokesman Harry Roque, wala nang peace talks kaya’t otomatikong wala na ding epekto ang JASIG.

Mismong sa Pangulo na din aniya nanggaling na dapat ng arestuhin ang mga negosyador ng mga rebeldeng komunista partikular na ang mga may kinakaharap na mandamyento de aresto.

Hindi na aniya sila saklaw ng JASIG habang ipinapaubaya na ng Palasyo sa Department of Justice (DOJ) ang susunod na hakbang para naman sa pagdakip sa mga tinaguriang legal front ng komunistang grupo.

(Ulat ni Patrol 17 Jopel Pelenio)

Pinayagan na ng Korte Suprema ang ilang justices at empleyado ng kataas – taasang hukuman na dumalo sa impeachment proceedings ng Kamara laban kay Chief Justice Maria Lourdes Sereno.

Batay sa naging deliberasyon ng Supreme Court En Banc, pinayagang dumalo sa pagdinig sina Associate Justices Teresita Leonardo – De Castro, Noel Tijam at Francis Jardeleza.

Kasama din dito ang iba pang opisyal ng Korte Suprema na sina court Administrator Jose Midas Marquez, Supreme Court En Banc Clerk of Court Atty. Felipa Anama at Supreme Court Spokesperson Atty. Theodore Te.

Ngunit paglilinaw ni Atty. Te, ‘administrative matters’ lamang ang maaaring sagutin ng mga ito at tanging si Associate Justice De Castro lamang ang maaaring tumestigo at humarap sa pagdinig kaugnay sa “adjudicative matters” na limitado sa tatlong bagay.

On the issuance rather of the TRO in the Senior Citizens cases and exchange of communications between herself and the Chief Justice, not on any matters pertaining to deliberations of the case on demerits.

Second item, on the clustering k involving the judicial and bar council, Justice De Castro has been authorized by the court to discuss the merits of her main decision but not the deliberations that went into that decision.

On the third matter, in the case involving then Solicitor General, now Associate Justice Francis H. Jardeleza, Justice De Castro is authorized to discuss the merits of her separate concurring opinion and again, not the deliberation that went into the decision as well as her concurring opinion.

(Ulat ni Patrol 3 Bert Mozo)

Itinanggi ni Jomar Canlas, Senior Reporter ng The Manila Times, na ibinunyag niya kay Atty. Larry Gadon ang source ng kanyang artikulo hinggil sa di umano’y pamemeke ng Temporary Restraining Order o TRO ni Supreme Court Chief Justice Maria Lourdes Sereno.

Ayon kay Canlas, kahit minsan ay hindi niya nagawang ibunyag ang kanyang news sources, sa loob ng dalawampu’t limang (25) taon niya sa pamamahayag.

Matatandaan na sa testimonya ni Gadon, sinabi niya na napag – alaman niya ang pekeng TRO mula kay Canlas na nakakuha naman ng impormasyon mula kay Supreme Court Associate Justice Teresita De Castro.

I hereby deny that I have intimated to Atty. Gadon that the source of facts in my article is Supreme Court Associate Justice Teresita J. Leonardo De Castro.

I have never revealed to anyone my source or sources in the said article, who sulfides into say a reliable and a well place sources.

As a matter of fact, for the past 25 years as a journalist and a reporter for the justice beat for two decades I have not revealed my sources to anyone.

Samantala, aminado naman si Gadon na hindi na siya sigurado kung si Canlas nga ang pinagmulan ng kanyang impormasyon na nagmula di umano kay De Castro.

Gayunman, binigyang – diin ni Gadon na hindi naman mababago nito ang katotohanan na mayroong nagawang paglabag sa batas si Sereno.

I cannot really remember now whether it was Jomar Canlas who intimated into me but I talked to him several times and he may have intimated into me your honor.

And, well… it doesn’t change the fact your honor that there was an article about the TRO and the existence of the… incident of changing the context of the TRO will be testified by the [Supreme Court] Associate Justice Teresita De Castro herself your honor.

Sinermonan naman ni Congressman Tony Leachon si Atty. Larry Gadon makaraang aminin nito na hindi na niya matiyak kung kanino niya nalaman na si Supreme Court Associate Justice Teresita De Castro ang nagbunyag sa di umano’y penekeng Temporary Restraining Order o TRO ni Supreme Court Chief Justice Maria Lourdes Sereno.

Binigyang – diin ni Leachon na ang justice committee ang nalalagay sa alanganin sa mga ganitong aksyon ni Gadon bilang complainant sa impeachment case.

Dapat aniyang alalahanin ni Gadon na ang gusto niyang ipatanggal sa puwesto sa pamamagitan ng impeachment ay isa sa pinakamataas na opisyal ng bansa.

I cannot but tell you this one that last time you said it was Jomar Canlas now that there was denial, on the one you are quoting with, now you cannot… you are saying to this committee that you’re forgetting everything.

That cannot be done at expense of the justice committee, at the expense of the impeachment proceeding, as for provided by the constitution, and as expense of removing the Chief Justice.

Walang nakikitang problema si Philippine Drug Enforcement Agency o PDEA Director General Aaron Aquino sakaling ibalik sa Philippine National Police (PNP) ang mandatong pangunahan ang anti – drug war.

Sinabi ni Aquino na ang mahalaga ay iisa ang laban nila ng PNP kontra iligal na droga.

Kasabay nito, inihayag ni Aquino na hindi siya naniniwalang nagkulang ang kanilang mga tauhan sa trabaho dahil ibinigay ng mga ito ang lahat.

Sa katunayan, ipinagmalaki ni Aquino ang isinagawa nilang mahigit 1,000 drug operations, kung saan narekober ang 53 nilyong pisong halaga ng illegal drugs.