HOT STORIES OF THE WEEK

Pangulong Duterte dinalaw ang mga biktima ng bagyo sa Benguet

Personal na nagpaabot ng pakikiramay at tulong si Pangulong Rodrigo Duterte sa pamilya ng mga biktima ng bagyong Ompong sa lalawigan ng Benguet.

Nasa P25,000 halaga ng tseke ang iniaabot ni Pangulong Duterte sa bawat pamilya ng mga biktima ng bagyo.

Bukod pa ito sa P20,000 cash bilang burial assistance at mga relief goods mula sa Department of Social Welfare and Development (DSWD).

Nagpaabot naman ng pasasalamat si Baguio City Mayor Mauricio Domogan kay Pangulong Duterte sa pagbibigay nito ng oras para personal na bisitahin ang mga naapektuhan ng bagyong Ompong sa Benguet.

Samanatala, tiniyak ni Presidential Spokesperson Harry Roque na mabibigyan ng ibang hanap buhay ang mga minerong mawawalan ng pinagkakakitaan kasunod ng utos ng DENR na mahigpit na kampanya laban sa illegal mining.

—-

September 18, 2018 0 comment

HEADLINES HOT STORIES OF THE WEEK RONDA PROBINSYA

Ilang bahagi ng Ilocos Norte at Cagayan wala pa rin kuryente

written by DWIZ 882

Wala pa ring power supply ang ilang bahagi ng Northern Luzon matapos manalasa ang Bagyong Ompong.

Ayon sa National Electrification Administration, 14 na electric cooperatives kabilang ang INEC, ISECO, LUECO, CAGELCO 1 at NUVELCO ang naapektuhan ng bagyo sa 12 na lalawigan.

Posibleng abutin ng isang buwan bago tuluyang maibalik sa normal ang supply ng kuryente habang maaaring hanggang isang linggo lamang para sa ilang kooperatiba.

Naka-depende ito kung gaano kabilis ang National Grid Corporation of the Philippines (NGCP) sa pagsasaayos ng mga nasirang powerlines.

Gayunman, kahit maisaayos ng NGCP ang lahat ng power line, hindi ito mangangahulugan na magkakaroon na ng supply ng kuryente.

—-

September 18, 2018 0 comment

HEADLINES HOT STORIES OF THE WEEK NATIONAL NEWS

Suspension ng small-scale mining sa CAR ipinag-utos ng DENR

written by DWIZ 882

Ipinasuspinde na ni Department of Environmental and Natural Resources (DENR) Secretary Roy Cimatu ang small-scale mining operations sa Cordillera Administrative Region (CAR).

Ito ang ipinag-utos ni Cimatu makaraang masawi ang nasa halos 70 katao na karamiha’y small-scale miners sa landslides dulot ng malakas na ulang dala ng Bagyong Ompong sa Itogon, Benguet.

Ayon kay Cimatu, magpapadala sila ng mga armed personnel upang ipatupad ang cease and desist order laban sa mga illegal small-scale mining activity.

Pina-kakansela rin ng kalihim ang lahat ng temporary permits sa mga small-scale mining companies sa cordillera bilang unang hakbang kontra iligal na pagmimina habang ang ikalawa ay ang pag-relocate sa mga minero mula sa mga danger area.

Batay sa 2017 report ng Regional Office ng Mines and Geosciences Bureau ng DENR, mayroong apat na large-scale mining operations sa rehiyon.

Ito ay ang Philex Mining Corporation, Lepanto Consolidated Mining Company, Itogon Suyoc Resources at Benguet Corporation na pawang nasa Benguet.

September 18, 2018 0 comment

HEADLINES HOT STORIES OF THE WEEK RONDA PROBINSYA

Bilang ng nasawi sa pananalasa ni ‘Ompong’ pumalo na sa halos 70

written by DWIZ 882

41688328_1793965010713400_6839114469688213504_n

Umakyat pa sa 64 ang nasawi sa pananalasa ng Bagyong Ompong.

Kinilala ng NDRRMC ang ilan sa mga nasawi na sina Mauricio De La Cruz, 82-year-old ng Santa Lucia, Ilocos Sur; Catherine Garcia, 23-year-old at apat na buwang buntis na residente ng San Jose City, Nueva Ecija;

Rolando Baggay, Nena Baggay, Lanibeth Baggay Minimo, Darwin, Kierstein at Klyde Minimo na pawang residente ng Bontoc, Mountain Province.

Nasa 645,000 katao naman ang apektado ng kalamidad sa regions 1, 2, 3, NCR, CALABARZON, MIMAROPA at CAR.

Mula sa naturang bilang, mahigit 162,000 katao naman ang nananatili sa 1,900 evacuation centers.

Samantala, aabot naman sa P29 bilyon ang halaga ng pinsala iniwan ng bagyo sa agrikultura at Cordillera pa lamang.

September 18, 2018 0 comment

HEADLINES HOT STORIES OF THE WEEK NATIONAL NEWS

Duterte: ‘To end mining, it is Congress will have to abrogate the law’

written by DWIZ 882

Dapat nang matuldukan ang illegal mining na sanhi ng pagkasira ng kalikasan at landslides na nagresulta sa pagbubuwis ng maraming buhay.

Ito ang ipinanawagan ni Pangulong Rodrigo Duterte sa Kongreso matapos manalasa Ang Bagyong Ompong sa Northern at Central Luzon.

Sa press briefing sa provincial capitol sa La Trinidad, Benguet, inihayag ni Pangulong Duterte na maaari lamang matigil ang labis na pagmimina kung i-re-repeal ng Kongreso ang Philippine Mining Act.

“To end mining, it is Congress will have to abrogate the law.” Pahayag ni Duterte.

Isinisi rin ng punong ehekutibo sa mining industry ang landslides na naranasan sa Itogon, Benguet kung saan halos 70 na ang nasawi.

“It has not contributed anything substantial to the national economy though I must admit we earn about P70 billion a year. And if you’re ready to accept that as a profit let us make it simple for the country. But in the end, how much do you lose in the process?” Ani Duterte.

September 18, 2018 0 comment

HEADLINES HOT STORIES OF THE WEEK NATIONAL NEWS RONDA PROBINSYA

DSWD dinagdagan ang tulong sa mga lugar na sinalanta ng ‘Ompong’

written by Judith Estrada-Larino

Dinagdagan ng Department of Social Welfare and Development (DSWD) ang tulong sa mga lugar na sinalanta ng Bagyong Ompong.

Ipinabatid ni DSWD Secretary Virginia Orogo na umaabot na sa halos P15 milyong halaga ng tulong ang naipamahagi na nila sa mga nabitima ng bagyo.

Bumili rin ang DSWD Cordillera Administrative Region (CAR) ng 600 sako ng bigas na ibibigay sa mga pamilyang lumikas sa mga evacuation center.

Ayon sa record ng central office ng DSWD, umaabot sa halos 150,000 pamilya o katumbas ng mahigit 500,000 katao ang direktang naapektuhan ng Bagyong Ompong.

Ito ay mula sa halos 3,000 barangay at 430 apat mga lungsod at munisipalidad sa loob ng 31 lalawigang na hinagupit ng bagyo.

Bukod sa food packs, sinabi ni Orogo na kailangang dumaan sa stress debriefing ng ilang biktima ng bagyo lalo na yung mga namatayan.

September 17, 2018 0 comment

HEADLINES HOT STORIES OF THE WEEK NATIONAL NEWS

Palparan walang makukuhang VIP treatment — BuCor

written by Judith Estrada-Larino

Walang makukuhang special treatment mula sa New Bilibid Prison (NBP) si retired Major General Jovito Palparan.

Tiniyak ito ni Bureau of Corrections (BuCor) Director Ronaldo “Bato” Dela Rosa matapos mahatulan ng habambuhay na pagkakakulong si Palparan dahil sa kasong kidnapping at serious illegal detention sa dalawang University of the Philippines (UP) students.

Sina Sherlyn Cadapan at Karen Empenio ay dinukot umano ng mga tauhan ni Palparan sa Hagonoy, Bulacan nuong June 26, 2006.

Sinabi ni Dela Rosa na hindi bibigyan ng very important person (VIP) treatment si Palparan lalo na’t matagal nang wala ang mga kubol sa loob ng compound ng NBP.

Bago mailipat sa maximum security compound, mananatili muna si Palparan ng ilang araw sa reception and diagnostic center ng NBP kung saan isasailalim ang retired general sa quarantine at serye ng medical examination.

September 17, 2018 0 comment

HEADLINES HOT STORIES OF THE WEEK RONDA PROBINSYA

Isabela at Ilocos Norte isinailalim sa state of calamity

written by Judith Estrada-Larino

Isinailalim na sa state of calamity ang mga lalawigan ng Isabela at Ilocos Norte dahil sa malawakang pinsala ng Bagyong Ompong.

Ayon kay Isabela Governor Faustino Bodjie Dy III, nasa P3.5 billion ang kabuuang pinsala sa mga tanim na palay at mais ng mga magsasaka sa kanilang lalawigan ang sinira ng Bagyong Ompong.

Ito aniya ay kayat hiniling niya sa Pangulong Rodrigo Duterte na matulungan ang mga magsasaka.

Sinabi ni Dy na patuloy ang pag-iikot ng Provincial Engineering Office at Department of Public Works and Highways (DPWH) para malaman ang danyos ng mga imprastruktura.

Samantala, pumapalo na rin sa P3 bilyon ang halaga ng pinsala sa imprastruktura at agrikultura ng Bagyong Ompong sa buong lalawigan ng Ilocos Norte.

September 17, 2018 0 comment

HEADLINES HOT STORIES OF THE WEEK RONDA PROBINSYA

Halaga ng pinsala sa agrikultura matapos ang ‘Ompong’ naitala sa P10-B

written by DWIZ 882

Umabot na sa halos P10 bilyong ang halaga ng pinsala sa sektor ng agrikultura agrikultura dahil sa Bagyong Ompong.

Ayon kay Agriculture Secretary Manuel Piñol, naitaka ang pinsala sa palay, mais at mga high value crops sa Region 1 at 2.

Inaasahan aniyang tumaas pa ang naturang halaga dahil hindi pa pumapasok ang datos sa iba pang rehiyon.

Bago pa man humagupit ang Bagyong Ompong, nakahanda na sila sa worst scenario na posibleng umabot sa P13 bilyong ang halaga ng pinsala sa agrikultura.

September 17, 2018 0 comment

HEADLINES HOT STORIES OF THE WEEK RONDA PROBINSYA

Pagkain para sa mga nasalanta ng ‘Ompong’ magmumula sa Mindanao — Piñol

written by DWIZ 882

Magmumula sa Mindanao ang mga pagkaing isusuplay sa apat na rehiyon sa Luzon na hinagupit ng Bagyong Ompong.

Ayon kay Agriculture Secretary Manuel Piñol, magmumula sa Zamboanga Peninsula ang isda, gulay sa Northern Mindanao habang mga prutas naman ang manggagaling sa Davao at Central Mindanao regions.

Aniya, hihilingin niya kay Pangulong Rodrigo Duterte na atasan ang Philippine Air Force na magpadala ng C130 plane aircraft para mabilis na mailipad ang naturang mga pagkain sa Mindanao patungong sa Northern Luzon.

September 17, 2018 0 comment

Newer Posts

Older Posts