HOT STORIES OF THE WEEK

Higit isang milyong trabaho ang inaasahang malilikha ng Department of Labor and Employment (DOLE) ngayong taon.

Ayon sa DOLE, ito ay dahil sa patuloy na pagbubukas ng oportunidad ng programa ng gobyerno na “Build, Build, Build” gayundin ang nalalapit na eleksyon sa Mayo.

Sinabi ni DOLE-Bureau of Local Employment director Nikki Tutay na malaki ang magiging pangangailangan sa industriya ng manufacturing, wholesale at retail, services, transportation at logistics sectors.

Mayroon din umanong mga oportunidad na binuksan ang gobyerno gaya ng pagiging guro, pulis at sundalo.

Target pa rin ni Communist Party of the Philippines (CPP) founding chairman Jose Maria Sison na matanggalan ng kapangyarihan si Pangulong Rodrigo Duterte.

Ayon kay kay Sison, bukas silang matuloy ang peace talks ngunit kaniya paring iginiit na dapat mapatalsik sa pwesto ang punong ehekutibo.

Tumanggi si Pangulong Duterte na ipagpatuloy ang negosasyon sa usaping pangkapayapaan dahil sa patuloy umanong pagpatay ng mga rebelde sa pwersa ng gobyerno.

Idineklara rin ng administrasyong Duterte na teroristang grupo ang NPA ngunit napigilan ito ng pagdulog ng NDFP sa korte.

Naglabas na rin ng travel advisory ang Australia para sa mga mamamayan nito kaugnay sa pagbiyahe sa ilang bahagi ng Mindanao.

Ito’y matapos mag-isyu ng kaparehong abiso ang United Kingdom bunsod umano ng terror activitiy at kidnapping sa rehiyon.

Batay sa abisong inilabas ng Department of Foreign Affairs and Trade ng Australia pinaiiwas nito ang kanilang mamamayan na magtungo sa central at western Mindanao kabilang na ang Zamboanga Peninsula, Sulu archipelago at Southern Sulu Sea area.

Sa kabuuan, pinayuhan din ang australiano na magingat sa pagbyahe sa Pilipinas.

Magugunitang nagkaroon ng pagsabog sa Cotabato City nuong Disyembre 31 na kumitil ng dalawa katao.

Umabot sa hazardous o mapanganib na lebel ang kalidad ng hangin sa Metro Manila noong pagsalubong ng bagong taon.

Sa monitoring ng EMB o  Environmental Management Bureau, umabot sa hazardous level ang air quality index sa Pasay at Parañaque kahapon ng madaling araw ilang oras matapos ang magarbong fireworks sa ilang establisyimento.

Pumalo naman sa very unhealthy level ang hangin sa Pasig at Muntinlupa.

Ayon kay EMB Assistant Director Vizminda Osorio, ang maruming hangin ay direktang makaaapekto hindi lamang sa baga kundi posible rin itong mag–trigger ng heart attack.

Tambak na basura, sumalubong sa bagong taon

Tambak ng basura ang naiwan matapos ang pagsalubong sa bagong taon sa maraming lugar sa bansa.

Umabot sa halos tatlumpu’t limang trak ng basura ang nakolekta sa Divisoria sa Maynila kung saan kinakailangan pang gumamit ng payloader para lamang malinis ang lugar.

Kaugnay nito pinayuhan ang mga stall owner na linisin ang kani–kanilang pwesto bago maligpit para maiwasan ang kalintulad na eksena.

Hindi rin nawala ang basura sa kahabaan ng Roxas Boulevard sa Maynila at Litex road sa Quezon City.

Tambak na basura din ang pinagtulungang ligpitin sa pamilihang bayan ng Laoag, Ilocos Norte gayundin sa Calamba, Laguna; Surigao City; Surigao del Norte at iba pang lugar.

Nagpalabas ng travel advisory ang United Kingdom laban sa pag biyahe ng kanilang mga mamamayan sa ilang bahagi ng Mindanao.

Kasunod ito ng panibagong insidente ng pambobomba sa Cotabato City kung saan dalawa ang namatay habang tatlumpung iba pa ang sugatan.

Batay sa ipinalabas na advisory ng UK, mahigpit na ipinagbabawal ang pagba-biyahe sa western at central Mindanao at Sulu archipelago dahil sa terrorist activity at bakbakan sa pagitan ng militar at rebeldeng grupo.

Pinaiiwas din ang mga british sa katimugang bahagi ng Cebu province kasama ang Dalaguete at Badian dahil sa banta ng terorismo.

Hindi naman kasama dito ang Camiguin, Dinagat at Siargao islands.

Tinukoy din sa inilabas na advisory ang public notice ng US transport security administration noong Disyembre 26 kung saan sinabing kulang ang aviation security sa Ninoy Aquino International Airport.

Binigyang diin ng UK na posibleng umatake ang mga terorista anumang oras at saan man sa bansa.

Kaugnay nito, pinayuhan ang mga Briton na manatiling bigilante sa lahat ng oras at agad na magsumbong sa mga awtoridad sa anumang makikitang kahina-hinala.

Kumbinsido ang militar na mga grupong may kaugnayan sa Islamic State o daesh ang nasa likod ng pambobomba sa labas ng isang mall sa Cotabato City na ikinasawi ng dalawa katao, noong bisperas ng bagong taon.

Ito, ayon kay 6^th infantry division commander, Maj. Gen. Cirilito Sobejana, ay batay sa post-blast investigation ng  explosive and ordinance division ng Philippine Army.

Ang Daulah Islamiyah aniya na binubuo ng mga grupong Maute, Abu Sayyaf at Bangsamoro Islamic Freedom Fighters sa pangunguna ni Commander Abu Toraife ang nagsagawa ng pag-atake.

Ayon sa imbestigasyon, ‘yung bomba na sumabog na sumabog may signature ng na gawa ng Daulah Islamiyah, daesh-inspired group. Pahayag ni Sobejana

Aminado naman si Sobejana na bagaman may umiiral na martial law sa Mindanao, sadyang  hindi mapipigilan ang dagsa ng tao dahil holiday season na sinamantala naman ng mga terorista.

Mas maraming na-intercept, talagang nalusutan lang tayo this time, napakarami kasing tao, talagang hindi mo mababantayan ang bawat sulok ng ating area of responsibility. Paliwanag ni Sobejana

(Balitang Todong Lakas Interview)

Inilabas na ng gobyerno ang listahan ng mga value-added tax exempted medicine para sa diabetes, high cholesterol at hypertension na ipinatupad simula kahapon, Enero 1.

Alinsunod ito sa joint implementation ng section 109-AA ng Republic Act 10693 ng Departments of Health at Finance, Bureau of Internal Revenue at Food and Drugs Administration.

Sa ilalim ng batas, inalis ang 12 percent vat sa mga “common maintenance medication” na mandato ng Tax Reform for Acceleration and Inclusion Act o TRAIN law.

Kabilang sa mga vat-free ang insulin para sa mga may diabetes; atorvastatin, simvastatin at rousavastatin para sa may high cholesterol; captopril, enalapril at fosinopril sodium para sa mga may hypertension.

Pinayuhan naman ng DOH ang publiko na i-access ang website na http://www.dpw.doh.gov.ph/VATExempted upang makita ang kabuuang listahan ng mga discounted na gamot.

DOH, ipinanawagan ang istriktong pagpapatupad ng diskwento sa mga piling gamot

Nanawagan si Health Secretary Francisco Duque III sa mga drugstore at pharmaceutical company na magbigay-diskwento sa mga gamot sa diabetes, high cholesterol at hypertension.

Ayon kay Duque, bukod pa sa mga mayroong hypertension, high cholesterol at diabetes, makikinabang din sa discount ang mga senior citizen na pitong porsyentong bumubuo sa 104 na milyong populasyon ng bansa.

32 porsyentong diskwento aniya ang matatanggap ng mga senior citizen sa mga  gamot para sa mga nasabing sakit o “common maintenance medications.”

Nagbabala naman ang kalihim na maaaring maharap sa parusa o kasuhan ang drugstore o pharmaceutical company na lalabag sa nasabing batas.

Nakapagtala ng pitong sunog ngayong holiday season ang Bureau of Fire Protection (BFP).

Ito ay mas mababa ng 82 porsyento kumpara nuong nakaraang taon kung saan nakapagtala ng 34 na insidente ng sunog sa kaparehas na panahon.

Ayon kay BFP Spokesperson Supt. Joanne Vallejo, sa naitalang pitong sunog anim dito ay naganap sa National Capital Region (NCR) habang ang isa naman ay naitala sa Ilocos Region.

Habang naitala naman nuong December 26 sa Bocaue, Bulacan ang isang firecracker related.

Magsasagawa ng patas at mas malalim na imbestigasyon ang mga awtoridad hinggil sa pagkamatay ng isang security aide ng dating mambabatas sa Cainta, Rizal.

Ito’y matapos ipag-utos ni Pangulong Rodrigo Duterte na imbestigahan ang naturang kaso hanggang sa makulong ang mga salarin at utak sa krimen.

Sinabi ni Presidential Spokesperson Salvador Panelo na kinokondena ng Malakanyang ang naganap na insidente.

Matatandaang nasawi si Richard Santillan na security aide ni dating Biliran Representative Glenn Chong matapos umanong makipagpalitan ng putok ng baril sa mga pulis.