Nakatakda nang ihatid ngayong araw sa kanyang huling hantungan ang nasawing Ateneo Student-Athlete na si Rene Baterbonia.
Kaugnay nito, idineklara ng lokal na pamahalaan ng Talacogon, Agusan Del Sur ang Hunyo 8 bilang “Rene Clert Baterbonia Day,” bilang parangal sa naturang basketbolista ng Ateneo Blue Eagles matapos malunod sa nangyaring aktibidad ng koponan sa Dipaculao, Aurora noon lamang Hunyo 8.
Ayon sa Talacogon LGU, nais nitong parangalan ang naging ambag ni Baterbonia sa sports development, disiplina, at pagse-serbisyo sa komunidad.
Nabatid na idineklara ang naturang resolusyon kahapon, Hunyo 23, bago ang nakatakdang paghahatid kay Baterbonia sa kanyang huling hantungan.
Nauna nang ipinahayag na si Baterbonia ang kauna-unahang ililibing sa bagong sementeryo ng bayan ng Talacogon. — sa panulat ni Anjo Riñon
